କୁମ୍ଭୀର ଛୁଆ ଓ କାଠ ହଣା ପକ୍ଷୀ ମଧ୍ୟରେ ଚାଲିଛି ଏମିତି ଘମାଘୋଟ ଲଢ଼େଇ । ଦେଖିଲେ ଯେ କେହି ବି ଘଡିଏ ଚକିତ ହୋଇଯିବେ । ଭିଡ଼ିଓଟି ଇନ୍ଷ୍ଟାଗ୍ରାମରେ ଭାଇରାଲ୍ ହୋଇଛି ।
ଭିଡିଓରେ ଦେଖାଯାଇଛି ଯେ କୁମ୍ଭୀର ଛୁଆଗୁଡିକ ଗୋଟିଏ ପକ୍ଷୀକୁ ଆକ୍ରମଣ କରିବାକୁ ଆସୁଥିବା ବେଳେ ପକ୍ଷୀଟି ମଧ୍ୟ ତାକୁ ପ୍ରତି ଆକ୍ରମଣ କରୁଛି । ତେବେ କେହି କାହାର କ୍ଷତି କରି ପାରି ନାହାଁନ୍ତି । କୁମ୍ଭୀର ଛୁଆ ନଦୀ କୂଳକୁ ଆସୁଛି ଓ ତା’ ଆଖିରେ ଏକ ପକ୍ଷୀ ପଡ଼ୁଛି ।
ପକ୍ଷୀକୁ ଦେଖୁ ଦେଖୁ କୁମ୍ଭୀର ଛୁଆ ଆକ୍ରମଣ କରିବା ଆରମ୍ଭ କରିଦେଇଛି । ହେଲେ ପକ୍ଷୀ ମଧ୍ୟ କମ୍ ନୁହେଁ । ସେ ମଧ୍ୟ ପ୍ରତିଆକ୍ରମଣ ଆରମ୍ଭ କରିଦେଇଛି । କୁମ୍ଭୀର ଛୁଆ ଡରି କରି ପାଣି ଭିତରକୁ ଚାଲି ଯାଉଛି । ଏହି ଭିଡିଓକୁ ୧୮ ଜୁନ୍ରେ ସେୟାର କରାଯାଇଥିଲା ।
ଆଜି ଯାଏ ୬୩ ହଜାର ସେୟାର ହୋଇସାରିଲାଣି । ଟ୍ଵିଟରରେ ପକ୍ଷୀର ଚାଲାକି ଓ କୁମ୍ଭୀରର ବୋକାମୀକୁ ଲୋକେ ବେଶ୍ ମନଭରି ଉପଭୋଗ କରିଛନ୍ତି ।