ଜମ୍ମୁ-କଶ୍ମୀର : ସୋପିୟା ଜିଲ୍ଲାରେ ସୁରକ୍ଷା ବଳ ଓ ଆତଙ୍କବାଦୀଙ୍କ ମଧ୍ୟରେ ସଂଘର୍ଷ ଜାରି, ୪ ରୁ ୫ ଆତଙ୍କୀ ଥିବାର ଅନୁମାନ
ଜମ୍ମୁ-କଶ୍ମୀର : ଜମ୍ମୁ-କଶ୍ମୀର ସୋପିୟା ଜିଲ୍ଲା ହିରପୋରା ଅଞ୍ଚଳ ସିଡୋ ଜଙ୍ଗଲରେ ସଂଘର୍ଷ ଜାରି ରହିଛି । ସୂଚନାନୁଯାୟୀ, ଏହି ଜଙ୍ଗଲରେ ୪ ରୁ ୫ ଆତଙ୍କବାଦୀ ଥିବାର ଅନୁମାନ କରାଯାଉଛି । ସୁରକ୍ଷା ବଳ ଓ ଆତଙ୍କବାଦୀଙ୍କ ମଧ୍ୟରେ ସଂଘର୍ଷ ଜାରି ରହିଛି । ଏହି ଜଙ୍ଗଲରେ ଆତଙ୍କବାଦୀ ଲୁଚି ଥିବା ସୁରକ୍ଷାବଳଙ୍କୁ କୌଣସି ସୂତ୍ରରୁ ଖବର ମିଳିଥିଲା । ଫଳରେ ସୁରକ୍ଷା ବଳର ଏକ ଟିମ୍ ଏଠାରେ ଅପରେସନ୍ ଆରମ୍ଭ କରିଦେଇଥିଲେ । ବର୍ତ୍ତମାନ ସଂଘର୍ଷ ଜାରି ରହିଥିଲେ ହେଁ କୌଣସି ଆତଙ୍କବାଦୀଙ୍କୁ ମୃତ କିମ୍ବା ଜୀବିତ ଧରାଯାଇ ପାରିନାହିଁ ।
Jammu and Kashmir: An encounter breaks out between security forces and terrorists in a forest area of Peer Ki Gali area in Shopian district. Details awaited.
— ANI (@ANI) April 3, 2021
ପ୍ରକାଶଯୋଗ୍ୟ ଯେ ଏଥିପୂର୍ବରୁ ପୁଲଓ୍ଵାମା ଅଞ୍ଚଳରେ ଆତଙ୍କବାଦୀଙ୍କ ସହ ଜାରି ସଂଘର୍ଷରେ ୩ ଆତଙ୍କବାଦୀ ମୃତ ହୋଇଥିବା ଜଣାଯାଇଛି । ଏହି ସମସ୍ତ ଆତଙ୍କବାଦୀ ସ୍ଥାନୀୟ ଅଞ୍ଚଳର ହୋଇଥିବା ବେଳେ ସେମାନେ ଏକ ୩ ମହଲା ଘରେ ଲୁଚି ରହିଥିଲେ । ସୁରକ୍ଷା ବଳ ବିସ୍ଫୋରଣରେ ଏହି ୩ ମହଲା ଘରକୁ ଉଡାଇ ଦେଇଥିଲେ । ଫଳରେ ଏଠାରେ ଲୁଚି ଥିବା ୩ ଜଣ ଆତଙ୍କବାଦୀଙ୍କ ମୃତ୍ୟୁ ହୋଇଥିଲା । ପରେ ସୁରକ୍ଷା ବଳ ଏହି ସ୍ଥାନରୁ ବହୁ ଅସ୍ତ୍ରଶସ୍ତ୍ର ଓ ଗୋଳା ବାରୁଦ ଜବତ କରିଥିଲେ ।
