ଭାରତ ଓ ଚୀନ ସୀମା ମଧ୍ୟରେ ଦୀର୍ଘ ଦିନ ହେବ ବିବାଦୀୟ ସ୍ଥିତି ଲାଗି ରହିଛି । ଗୋଟେ ପଟେ ଡ୍ରାଗନ ସେନା ନିଜ ପ୍ରକୃତି ନଛାଡ଼ି ବାରମ୍ବାର ଭାରତ ସୀମାରେ ଅନୁପ୍ରବେଶ କରିବାକୁ ଚେଷ୍ଟା ଚଳାଇଥିବା ବେଳେ କିନ୍ତୁ ଭାରତୀୟ ସେନା ନିଜ ମାନବିକତା ହରାଇ ନାହାନ୍ତି । ଏହାର ଏକ ସଦ୍ୟ ଉଦାହରଣ ସେପ୍ଟେମ୍ବର ତିନି ତାରିଖ ସିକିମରେ ଦେଖିବାକୁ ମିଳିଛି । ଭାରତ ପକ୍ଷର ସେନା ଚୀନ ସେନାଙ୍କ ଜୀବନ ବଞ୍ଚାଇ ନାହାନ୍ତି ତାଙ୍କ ଭୋକ ମେଣ୍ଟାଇବା ପାଇଁ ଖାଦ୍ୟପେୟର ଆୟୋଜନ କରିବା ସହିତ ଶୀତରୁ ରକ୍ଷା ପାଇବା ପାଇଁ ଗରମ ବସ୍ତ୍ର ବି ଦେଇଛନ୍ତି
Indian Army rescued 3 Chinese nationals who lost their way in North Sikkim’s plateau area at 17,500 ft altitude on 3 Sept & provided medical assistance incl oxygen, food & warm clothes. Army also gave them appropriate guidance after which they returned to their destination: Army pic.twitter.com/can1mjcrSQ
— ANI (@ANI) September 5, 2020
ଏହାସହ ପ୍ରତିକୂଳ ଜଳବାୟୁରୁ ବଞ୍ଚାଇବା ପାଇଁ ସେମାନଙ୍କୁ ଅକ୍ସିଜେନ ବି ଦେଇଥିଲେ । ପ୍ରକୃତରେ ସେପ୍ଟେମ୍ବର ୩ ତାରିଖ ରାତିରେ ଉତ୍ତର ଶିକ୍କିମ ଅଞ୍ଚଳର ୧୭,୫୦୦ ଫୁଟ ଉଚ୍ଚତାରେ ଚୀନ ପକ୍ଷର ତିନି ଜଣ ସୈନ୍ୟ ନିଜ ରାସ୍ତା ଭୁଲିଯାଇଥିଲେ । ଏହି ଘଟଣା ଭାରତୀୟ ସେନାଙ୍କ ନଜରକୁ ଆସିବା ପରେ ଚୀନ ନାଗରିକଙ୍କ ପ୍ରାଥମିକ ଚିକିତ୍ସା କରିବା ସହିତ ସେମାନଙ୍କୁ ଆବଶ୍ୟକ ସାହାଯ୍ୟ ଯୋଗାଇଥିଲେ । ଏହା ସହ ପ୍ରତିକୂଳ ପରିସ୍ଥିତିରୁ ସେମାନଙ୍କ ଜୀବନ ବଞ୍ଚାଇବା ପାଇଁ ଅକ୍ସିଜେନର ଆୟୋଜନ ମଧ୍ୟ କରିଥିଲେ ।
ଚୀନ ପକ୍ଷର ସେନାଙ୍କ ମଧ୍ୟରେ ଦୁଇ ଜଣ ପୁରୁଷ ଥିବା ବେଳେ ଜଣେ ମହିଳା ଅଛନ୍ତି । ଶୁନ ଡିଗ୍ରୀ ତାପମାତ୍ରାର ପ୍ରବଳ ଥଣ୍ଡା ପ୍ରକୋପ ଓ କଠୋର ଜଳବାୟୁ ପ୍ରକୋପରୁ ସେମାନଙ୍କୁ ରକ୍ଷା କରିବା ପାଇଁ ଅକ୍ସିଜେନ, ଶୀତବସ୍ତ୍ର ଆଦି ଦେଇଥିଲେ । ଏହା ସହ ଭାରତ ପକ୍ଷ ସେନା ସେମାନଙ୍କୁ ଉଚିତ ରାସ୍ତା ଦେଖାଇବା ପରେ ସେମାନେ ନିଜ ସ୍ଥାନକୁ ଚାଲିଯାଇଥିଲେ । ଏହା ସହ ଭାରତୀୟ ସୈନ୍ୟଙ୍କୁ ଧନ୍ୟବାଦ ଜଣାଇଥିଲେ ଚୀନ ପକ୍ଷର ସେହି ତିନି ବ୍ୟକ୍ତି ।