ଅନ୍ତିମ ବିଦାୟ : କର୍ନେଲ ସ୍ୱାମୀଙ୍କୁ ସାଲ୍ୟୁଟ କଲେ ପତ୍ନୀ, କହିଲେ ଆମେ ଗର୍ବିତ
ଜମ୍ମୁ କଶ୍ମୀର ହନ୍ଦଓ୍ଵାଡାରେ ହୋଇଥିବା ଏନକାଉଣ୍ଟରରେ ସହିଦ ହୋଇଥିବା କର୍ନେଲ ଆଶୁତୋଷ ଶର୍ମା ଏବଂ ମେଜର ଅନୁଜ ସୁଦଙ୍କ ଅନ୍ତିମ ସଂସ୍କାରରେ ଗାର୍ଡ ଅଫ୍ ଅନର ଦିଆଯାଇଛି । ବରିଷ୍ଠ ନେତା ଓ ପ୍ରଶାସନିକ ଅଧିକାରୀ ପହଞ୍ଚି ସହିଦ ଯବାନଙ୍କୁ ଶେଷ ସମ୍ମାନ ଜଣାଇଛନ୍ତି । କର୍ନେଲ ଆଶୁତୋଷଙ୍କୁ ଜୟପୁର ମିଲେଟ୍ରି ଷ୍ଟେସନରେ ଅନ୍ତିମ ବିଦାୟ ସମୟରେ ତାଙ୍କ ପତ୍ନୀ ପଲ୍ଲବୀ ସାଲ୍ୟୁଟ କରିଥିଲେ। ଏହାସହ ତାଙ୍କ ପତିଙ୍କ ଯୋଗୁଁ ସେ ଗର୍ବ ଅନୁଭବ କରୁଛନ୍ତି ବୋଲି ମଧ୍ୟ କହିଥିଲେ।
#WATCH Wife, daughter and other family members of Colonel Ashutosh Sharma who lost his life in #Handwara (J&K) encounter, salute him pic.twitter.com/t2yD7fIftO
— ANI (@ANI) May 5, 2020
ସୂଚନାଯୋଗ୍ୟ, ଗତକାଲି ହୋଇଥିବା ଆକ୍ରମଣରେ ତିନି ଜଣ ଯବାନ ସହିଦ ହୋଇଥିଲେ । ଯବାନଙ୍କ ପାଲଟା ଆକ୍ରମଣରେ ଦୁଇ ଜଣ ଆତଙ୍କବାଦୀଙ୍କ ମୃତ୍ୟୁ ହୋଇଛି । ସେହିପରି ଏନକାଉଣ୍ଟର ବେଳେ ଜଣେ ସାଧାରଣ ନାଗରିକଙ୍କ ମଧ୍ୟ ମୃତ୍ୟୁ ହୋଇଥିବା ଜଣାପଡ଼ିଛି । ଏହା ମଧ୍ୟ ଆତଙ୍କବାଦୀମାନେ ସିଆଇଏସ୍ଏଫ୍ କ୍ୟାମ୍ପ ଉପରକୁ ଗ୍ରେନେଡ୍ ଆକ୍ରମଣ କରିଥିଲେ । ଏଥିରେ ଜଣେ ଯବାନ ଆହତ ହୋଇଥିବା ସୂଚନା ମିଳିଛି । ହିନ୍ଦଓ୍ଵାରାରେ ମଧ୍ୟ ରବିବାର ଦିନ ଆତଙ୍କବାଦୀ ଆକ୍ରମଣ ହୋଇଥିଲା । ଆକ୍ରମଣରେ ୫ ଜଣ ସୁରକ୍ଷାକର୍ମୀ ସହିଦ ହୋଇଥିଲେ ।
