ଫଟୋ ଓ ଭିଡିଓରେ ରିଆକ୍ଟ କରିବା ଆହୁରି ହେବ ମଜାଦାର, ଆସିଲା ହ୍ଵାଟ୍ସଆପର ନୂଆ ଫିଚର
ହ୍ଵାଟ୍ସଆପରେ ଏପରି ଅନେକ ଫିଚର ଅଛି ଯାହା ୟୁଜରଙ୍କ ଚାଟକୁ ମଜାଦାର କରିଥାଏ । ବର୍ତ୍ତମାନ ପ୍ଲାଟଫର୍ମ ଅନ୍ୟ ଏକ ନୂଆ ଫିଚର ଆଣିଛି, ଯାହା ଫଟୋ ଏବଂ ଭିଡିଓ ଉପରେ ରିଆକ୍ଟ କରିବାକୁ ଆହୁରି ସହଜ କରିବ ।
ହ୍ଵାଟ୍ସଆପ୍ ହେଉଛି ଏକ ଇନଷ୍ଟାଣ୍ଟ ମେସେଜିଂ ଆପ୍ । ଏହି ମେସେଜିଂ ଆପକୁ ବିଶ୍ୱର ଲକ୍ଷ ଲକ୍ଷ ଲୋକ ବ୍ୟବହାର କରୁଛନ୍ତି । ଲୋକମାନେ ଏହି ଆପ୍ ଜରିଆରେ ନିଜ ସାଙ୍ଗ ଏବଂ ସମ୍ପର୍କୀୟମାନଙ୍କ ସହିତ ସହଜରେ ଯୋଗାଯୋଗ କରନ୍ତି । ଅଡିଓ- ଭିଡିଓ କଲ୍ କରିବା ଠାରୁ ଆରମ୍ଭ କରି କୌଣସି ଜରୁରୀ ଫାଇଲ୍ ସେୟାର କରିବା ପାଇଁ ଏହି ଆପକୁ ବ୍ୟବହାର କରନ୍ତି । କମ୍ପାନୀ ମଧ୍ୟ ସମୟ ସମୟରେ ଏହାର ୟୁଜରମାନଙ୍କ ପାଇଁ ନୂଆ ନୂଆ ଅପଡେଟ୍ ଆଣୁଛି । ହ୍ଵାଟ୍ସଆପରେ ଏପରି ଅନେକ ଫିଚର ଅଛି ଯାହା ୟୁଜରଙ୍କ ଚାଟକୁ ମଜାଦାର କରିଥାଏ । ବର୍ତ୍ତମାନ ପ୍ଲାଟଫର୍ମ ଅନ୍ୟ ଏକ ନୂଆ ଫିଚର ଆଣିଛି, ଯାହା ଫଟୋ ଏବଂ ଭିଡିଓ ଉପରେ ରିଆକ୍ଟ କରିବାକୁ ଆହୁରି ସହଜ କରିବ । ଆସନ୍ତୁ ଏହି ଫିଚର ବିଷୟରେ ଡିଟେଲ୍ସରେ ଜାଣିବା ।
ହ୍ଵାଟ୍ସଆପ୍ ଖୁବଶୀଘ୍ର ଏକ ନୂଆ ଫିଚର ଆଣିବ । ଏହା ଦ୍ୱାରା ୟୁଜରମାନେ ଫଟୋ ଏବଂ ଭିଡିଓ ଉପରେ ସହଜରେ ରିଆକ୍ଟ କରିପାରିବେ । ଫଟୋ କିମ୍ବା ଭିଡିଓ ଉପରେ ରିଆକ୍ଟ କରିବା ପାଇଁ ୟୁଜରଙ୍କୁ ଦୀର୍ଘ ସମୟ ଟ୍ୟାପ୍ କରିବାକୁ କିମ୍ବା ଏହା ଉପରେ ସ୍ୱାଇପ୍ କରିବାକୁ ପଡୁଥିଲା । କିନ୍ତୁ ନୂଆ ଫିଚରରେ ଚାଟ କରିବା ଆହୁରି ମଜାଦାର ହେବ ।
ନୂଆ ଫିଚରରେ ଚାଟ୍ ସମୟରେ ଫଟୋ କିମ୍ବା ଭିଡିଓ ଦେଖିବା ସମୟରେ ଏକ ନୂଆ ରିପ୍ଲାଏ ବାର୍ ଦେଖାଯିବ । ଏହି ରିପ୍ଲାଏ ବାରରୁ ଆପଣ ସେହି ଫଟୋ କିମ୍ବା ଭିଡିଓ ଉପରେ ସିଧାସଳଖ ରିଆକ୍ଟ କରିପାରିବେ । ରିପୋର୍ଟ ଅନୁସାରେ ଏହି ଫିଚର ବର୍ତ୍ତମାନ ଟେଷ୍ଟିଂ ଫେଜରେ ଅଛି । ଯେଉଁମାନେ ଗୁଗଲ୍ ପ୍ଲେ ଷ୍ଟୋରରୁ ହ୍ଵାଟ୍ସଆପର ଲାଟେଷ୍ଟ ବିଟା ଅପଡେଟ୍ 2.23.20.20 ଡାଉନଲୋଡ୍ କରିଛନ୍ତି ସେହି ଆଣ୍ଡ୍ରଏଡ୍ ୟୁଜରଙ୍କ ପାଇଁ ଏହି ଫିଚର ଜାରି କରାଯାଇଛି ।
ହ୍ଵାଟ୍ସଆପର ଏହି ଆଗାମୀ ଫିଚରର ଦୁଇଟି ଲାଭ ଅଛି । ଏହାର ପ୍ରଥମ ସୁବିଧା ହେଉଛି ଆପଣ ଚାଟ୍ ଛାଡି ଫଟୋ ଏବଂ ଭିଡିଓ ଉପରେ ଶୀଘ୍ର ରିଆକ୍ଟ କରିପାରିବେ । ଏହାର ଦ୍ୱିତୀୟ ସୁବିଧା ହେଉଛି ହ୍ଵାଟ୍ସଆପରେ ଭିଡିଓ ଦେଖିବାବେଳେ ଆପଣ କୌଣସି ସମସ୍ୟାର ସମ୍ମୁଖୀନ ହେବେ ନାହିଁ ।
