ଦେଶ ରାଜଧାନୀ ଦିଲ୍ଲୀରେ ଆଜି ଠାରୁ ମଦ ଦର ୭୦ ପ୍ରତିଶତ ପର୍ଯ୍ୟନ୍ତ ବୃଦ୍ଧି କରାଯାଇଛି । ଦିଲ୍ଲୀ ସରକାର ମଦ ବିକ୍ରି ଉପରେ “ସ୍ପେଶାଲ କରୋନା ଟ୍ୟାକ୍ସ” ଆଦାୟ କରିବାକୁ ନିଷ୍ପତ୍ତି ନେଇଛନ୍ତି । କ୍ୟାବିନେଟ ବୈଠକରେ ହୋଇଥିବା ଆଲୋଚନା ଅନୁଯାୟୀ ଏହି ନିଷ୍ପତ୍ତି ନିଆଯାଇଥିବା ଜଣାଯାଇଛି । ଲାଗୁହୋଇଥିବା ଏହି ସ୍ପେଶାଲ ଫିସ ଏମଆରପି ଦର ଉପରେ ହିଁ ଲାଗୁ କରାଯିବ । ଏହି କାରଣରୁ ଲକ ଡାଉନ ସମୟରେ ମଦ ମୂଲ୍ୟ ପୂର୍ବ ତୁଳନାରେ ଅନେକ ପରିମାଣରେ ବଢିଯାଇଛି ।
କହି ରଖିବା ଉଚିତ ହେବଯେ, ମାର୍ଚ୍ଚ ୨୪ ତାରିଖରୁ ଦେଶବ୍ୟାପୀ ଲାଗୁ ହୋଇଥିବା ଲକ ଡାଉନ କାରଣରୁ ସମସ୍ତ ମଦ ଦୋକାନ ଗୁଡିକୁ ବନ୍ଦ କରାଯାଇଥିଲା । ଅନ୍ୟ ପକ୍ଷରେ ମଦ ଦୋକାନ ଖୋଲିବା ପାଇଁ ଅନୁମତି ମିଳିବା ପରେ ଦିଲ୍ଲୀର ଅଧିକାଂଶ ମଦ ଦୋକାନ ସାମ୍ନାରେ ଲୋକଙ୍କ ଲମ୍ବା ଲମ୍ବା ଲାଇନ ଲାଗୁଥିବା ଦେଖାଯାଇଛି । ଏମିତିକି ଦିଲ୍ଲୀର ଚନ୍ଦେର ନଗର ସ୍ଥିତ ଅଂଚଳରେ ଥିବା ମଦ ଦୋକାନ ସାମ୍ନାରେ
#WATCH Delhi: A man showers flower petals on people standing in queue outside liquor shops in Chander Nagar area of Delhi. The man says, “You are the economy of our country, government does not have any money”. #CoronaLockdown pic.twitter.com/CISdu2V86V
— ANI (@ANI) May 5, 2020
ଧାଡ଼ିରେ ଛିଡ଼ା ହୋଇଥିବା ଲୋକଙ୍କ ଉପରେ ଜଣେ ବ୍ୟକ୍ତି ଫୁଲ ପାଖୁଡା ମାନ ବୃଷ୍ଟି କରୁଥିବା ପରି ଏକ ଦୃଶ୍ୟ ସାମ୍ନା କୁ ଆସିଛି । ଧାଡିରେ ଛିଡା ହୋଇଥିବା ଲୋକଙ୍କ ଉଦ୍ଦେଶ୍ୟରେ ବ୍ୟକ୍ତି ଜଣଙ୍କ ଏହା ମଧ୍ୟ କହିଛନ୍ତିକି, ତମେମାନେ ହିଁ ଆମ ଦେଶର ପ୍ରକୃତ ଅର୍ଥନୀତି । ସରକାରଙ୍କ ପାଖରେ ଏବେକା ସମୟରେ ଆଦୌ ପଇସା ନାହିଁ । ତମେ ମାନେ କେବଳ ଏପରି ଦୁଃସ୍ଥିତିକୁ ସୁଧାରି ପାରିବ ।