କିଛି ଦିନ ହେବ ଉତ୍ତର କୋରିଆର ସର୍ବୋଚ୍ଚ ନେତା କିଙ୍ଗ ଜନ ଊନ ବିଶ୍ୱର ମିଡ଼ିଆ ତଥା ସରକାରଙ୍କ ମଧ୍ୟରେ ଏକ ପ୍ରକାର ଚହଳ ସୃଷ୍ଟି କରିଆସୁଛନ୍ତି । ଦୀର୍ଘ ୨୦ ଦିନ କାଳ ଅଣସର ଅବସ୍ଥାରେ ରହି ଉନ ଗତ ସପ୍ତାହରେ ପୁଣି ଥରେ ଏକ କାରଖାନାର ଉଦ୍ଘାଟନ କରୁଥିବା ଅବସ୍ଥାରେ ଦୁନିଆ ସମ୍ନାକୁ ନଜର ଆସିଛନ୍ତି । ଗୋଟେ ପଟରେ ବିଶ୍ୱରେ କରୋନା ମହାମାରୀ ଏକ ପ୍ରକାର ଚହଳ ସୃଷ୍ଟି କରିଥିବା ବେଳେ କିମ ଜଙ୍ଗ ରହସ୍ୟମୟ ଭାବେ ହଠାତ କୁଆଡେ ଉଭାନ ହୋଇଯାଇଥିଲେ । ଏହା ପରେ ପରେ ତାଙ୍କୁ ନେଇ ବିଶ୍ୱ ବ୍ୟାପି ମିଡ଼ିଆ ଗୁଡିକରେ ଅନେକ ଚର୍ଚ୍ଚା ଜୋର ଧରିଥିଲା । ପୁଣି କିଛି ଦିନର ବ୍ୟବଧାନ ପରେ ସାମ୍ନାକୁ ଆସିବା ପରେ ରହସ୍ୟ ଉପରୁ ପରଦା ହଟିବାରେ ଲାଗିଛି ।
It’s not the same person. But not going to argue it. Hairy moment when I thought my information was wrong. It wasn’t wrong though.
Not sure whether it suits us to go along with it or not, but these two are not the same. pic.twitter.com/rV3qgK281p
— Louise Mensch (@LouiseMensch) May 2, 2020
ଏହା ପୂର୍ବରୁ କିମ ଶେଷ ଥର ପାଇଁ ଏପ୍ରିଲ ମାସରେ ହିଁ ନଜର ଆସିଥିଲେ । ଏହା ପରେ ସେ ଅସୁସ୍ଥ ହୋଇ ପଡିଥିଲେ ଓ ତାଙ୍କୁ ନେଇ ଅନେକ ଚର୍ଚ୍ଚା ଜୋର ଧରିଥିଲା । ଏମିତିକି କିମ ଆଉ ଏଦୁନିଆରେ ନାହାନ୍ତି ବୋଲି ବି କଥା ଉଠିଥିଲା । ଗତ ମେ ୨ ତାରିଖରେ କିମ ଜଙ୍ଗ ଏକ ସାର୍ବଜନିକ କାର୍ଯ୍ୟକ୍ରମରେ ସୁସ୍ଥ ସବଳ ଭାବରେ ନଜର ଆସିଛନ୍ତି । କିଛି ଲୋକଙ୍କ ଅନୁଯାୟୀ ନିଜକୁ ଅସୁସ୍ଥ କରି ଦେଖେଇବା ପାଇଁ କିମ ଦୁଇଟି ଶରୀର ଅଥବା ଦୁଇଟି ଫଟୋ ବ୍ୟବହାର କରିଥିଲେ । ଅବଶ୍ୟ ଏଭଳି ଘଟଣା ଘଟିବା ପ୍ରଥମ ନୁହେଁ । ଏହା ପୂର୍ବରୁ ଆଡଲଫ ହିଟଲର ଓ ସଦ୍ଦାମ ହୁସେନ ବି ନିଜକୁ ଦୁନିଆ ସାମ୍ନାରୁ ରକ୍ଷା କରିବା ପାଇଁ ନିଜ ଚେହେରା ପରି ଅବିକଳ ଦେଖାଯାଉଥିବା ଅନ୍ୟ ଏକ ଚେହେରା ବ୍ୟବହାର କରିଥିଲେ ।
ଜଣେ ଟ୍ୱିଟର ୟୁଜର କିମଙ୍କ ପୂର୍ବ ଫଟୋ ଓ ଏବେକା ଫଟୋକୁ ନେଇ ତୁଳନା କରିବା ସହ ଏ ଦୁଇଟି ମଧ୍ୟରେ ଥିବା ଭିନ୍ନତାକୁ ଖୋଜି ବାହାର କରିଛନ୍ତି । ବ୍ରିଟିଶ ପାର୍ଲିଆମେଣ୍ଟର ଜଣେ ପୂର୍ବତନ ସଦସ୍ୟ ଲୁଇସ ମେନ୍ସ କହିଛନ୍ତିକି, କିମଙ୍କ ଦୁଇଟି ଯାକ ଫଟୋରେ ତାଙ୍କ ଦାନ୍ତ ସମ୍ପୂର୍ଣ୍ଣ ଭିନ୍ନ ନଜର ଆସିଛି । ଆମେରିକାର ଜଣେ ମାନବିକ ସୁରକ୍ଷା ଅଧିକାରୀ କିମଙ୍କ ଦୁଇ ଫଟୋରେ ତାଙ୍କ ଚୁଟି କଟା ଶୈଳୀରେ ଥିବା ପ୍ରଭେଦକୁ ଖୋଜି ବାହାର କରିଛନ୍ତି । ଏକ ଅନ୍ତର୍ଜାତୀୟ ଖବର ସରବରାହ ସଂସ୍ଥା ରିପୋର୍ଟ ଅନୁଯାୟୀ ଏହା ପୂର୍ବରୁ କିମ ଅନେକ ଥର ନିଜ ନକଲ ଫଟୋ ବ୍ୟବହାର କରିଛନ୍ତି ।