ତେଲେଙ୍ଗାନା ବିଶ୍ୱବିଦ୍ୟାଳୟର କୁଳପତି ୫୦ ହଜାର ଟଙ୍କା ଲାଞ୍ଚ ନେବା ଅଭିଯୋଗରେ ହେଲେ ଗିରଫ
ତେଲେଙ୍ଗାନା ବିଶ୍ୱବିଦ୍ୟାଳୟର କୁଳପତି ଡି ରବୀନ୍ଦର ଡଚେପଲ୍ଲୀ ୫୦ ହଜାର ଟଙ୍କା ଲାଞ୍ଚ ନେବା ଅଭିଯୋଗରେ ଗିରଫ ହୋଇଛନ୍ତି ।
ହାଇଦ୍ରାବାଦ : ତେଲେଙ୍ଗାନା ବିଶ୍ୱବିଦ୍ୟାଳୟର କୁଳପତି ଡି ରବୀନ୍ଦର ଡଚେପଲ୍ଲୀ ୫୦ ହଜାର ଟଙ୍କା ଲାଞ୍ଚ ନେବା ଅଭିଯୋଗରେ ଗିରଫ ହୋଇଛନ୍ତି । ତାଙ୍କ ହାଇଦ୍ରାବାଦ ସ୍ଥିତ ଘରୁ ତାଙ୍କୁ ଗିରଫ କରାଯାଇଛି । ଶ୍ରୀ ରବୀନ୍ଦର ଭୀମଗଲ ଠାରେ ଥିବା ଏକ କଲେଜରେ ୨୦୨୨-୨୩ ପାଇଁ ପରୀକ୍ଷା କେନ୍ଦ୍ର କରାଇବାକୁ କହି ଦଶରୀ ଶଙ୍କରଙ୍କ ଠାରୁ ଏହି ଟଙ୍କା ନେଇଥିଲେ ।
ଏହି ଲାଞ୍ଚ ଟଙ୍କା ତାଙ୍କ ବେଡରୁମ ଆଲମିରାରୁ ଉଦ୍ଧାର କରାଯାଇଥିଲା ବୋଲି ସରକାରୀ ସୂତ୍ରରୁ କୁହାଯାଇଛି । ଗିରଫ ପରେ ତାଙ୍କୁ ହାଇଦ୍ରାବାଦର ଏକ ସ୍ୱତନ୍ତ୍ର ଅଦାଲତରେ ହାଜର କରାଯାଇଛି ।