ଲେହରେ ଉଡ଼ିଲା ବିଶ୍ୱର ସବୁଠୁ ଦୀର୍ଘ ହଜାରେ କିଲୋ ଓଜନର ଭାରତୀୟ ଜାତୀୟ ପତାକା
ନୂଆଦିଲ୍ଲୀ : ଆଜି ଗାନ୍ଧି ଜୟନ୍ତୀରେ ଲଦାଖର ରାଜଧାନୀ ଲେହରେ ଉଡ଼ିଲା ସବୁଠୁ ବଡ଼ ଜାତୀୟ ପତାକା । ଖଦୀରେ ତିଆରି ଏହି ଭାରତୀୟ ଜାତୀୟ ପତାକାର ଦୀର୍ଘ ୨୨୫ ଫୁଟ ରେ ୧୫୦ ଫୁଟ ଥିବା ବେଳେ ଏହାର ଓଜନ ୧ ଟନ ବା ୧୦୦୦ କିଲୋଗ୍ରାମ ବୋଲି ଜଣାପଡ଼ିଛି । ଏହାକୁ ତିଆରି କରିବା ପାଇଁ ପ୍ରାୟ ଦେଢ଼ ମାସ ସମୟ ଲାଗିଥିଲା ବୋଲି ଖଦୀ ଡାଏରସ ଆଣ୍ଡ୍ ପ୍ରିଣ୍ଟରର୍ସ ର ଡି ଏନ୍ ଭଟ୍ଟ ପ୍ରକାଶ କରିଛନ୍ତି । ଏହା ବିଶ୍ୱର ସବୁଠୁ ବଡ଼ ଜାତୀୟ ପତାକାର ମାନ୍ୟତା ପାଇଛି ।
#WATCH World’s largest Khadi national flag installed in Leh town, inaugurated by Ladakh Lieutenant Governor RK Mathur
Army Chief General Manoj Mukund Naravane also present pic.twitter.com/6lNxp0lM0n
— ANI (@ANI) October 2, 2021
Courtest : ANI
ଭାରତୀୟ ସେନା ବାହିନୀର ୫୭ ଇଂଜିନିୟର ରେଜିମେଣ୍ଟ ଏହାକୁ ପ୍ରସ୍ତୁତ କରିଛନ୍ତି :
ଏକ ହଜାର କିଲୋଗ୍ରାମ ଓଜନ ବିଶିଷ୍ଟ ୨୨୫ ଫୁଟ ଲମ୍ବ ଓ ୧୫୦ ଫୁଟ ଓସାରର ଏହି ତ୍ରିରଙ୍ଗା ପତାକାକୁ ପ୍ରସ୍ତୁତ କିରିବା ପାଇଁ ଭାରତୀୟ ସେନା ବାହିନୀର ୫୭ ଇଂଜିନିୟର ରେଜିମେଣ୍ଟ ଲାଗିଥିଲେ । ଏହି ଜାତୀୟ ପତାକାର ଉଦ୍ଘାଟନ ଉତ୍ସବକୁ ପ୍ରସାରଣ କରିବା ଅବସରରେ ଦୂରଦର୍ଶନ ପକ୍ଷରୁ ଏ ସମ୍ପର୍କରେ ତଥ୍ୟ ପ୍ରକାଶ ପାଇଛି ।
ଆମର ଜାତୀୟ ପତାକା ଆମ ଏକତା ଓ ମାନବିକତାର ପରିଚୟ ଓ ଏହାକୁ ସବୁ ଦେଶବାସୀ ଗ୍ରହଣ କରିବା ଉଚିତ ବୋଲି ଗାନ୍ଧିଜୀ କହିଥିଲେ । ଆଗାମୀ ଦିନରେ ଏହା ଆମ ଦେଶର ମହାନତା ସମ୍ପର୍କରେ ସର୍ବଦା ବାର୍ତ୍ତା ଦେଉଥିବ । ଏହା ଆମ ସେନାମାନଙ୍କ ମନୋବଳ ଦୃଢ଼ କରିବ ବୋଲି ଲଦାଖର ଲିପ୍ଟିନାଣ୍ଟ ଗଭର୍ଣ୍ଣର ପତାକା ଉତ୍ତୋଳନ ଅବସରରେ କହିଥିଲେ ।
#WATCH | 150 troops of Indian Army’s 57 Engineer regiment carried the world’s largest Indian National flag made of khadi to the top of a hill at over 2000 feet above the ground level in Leh, Ladakh. It took two hours for troops to reach the top. pic.twitter.com/ZvlKEotvXy
— ANI (@ANI) October 2, 2021
Courtest : ANI
୧୫୦ ଜଣ ସେନା ଏହାକୁ ଲେହର ପର୍ବତ ଉପରକୁ ବୋହି ନେଇଥିଲେ :
ଏହି ପତାକାକୁ ପର୍ବତ ଉପରକୁ ନେବା ପାଇଁ ୧୫୦ ଜଣ ସୈନିକ ନିୟୋଜିତ ଥିଲେ । ପର୍ବତର ଶିଖରରେ ପହଞ୍ଚିବାକୁ ୧୫୦ ଜଣ ସୈନିକଙ୍କୁ ପ୍ରାୟ ୨ ଘଣ୍ଟା ସମୟ ଲାଗିଥିଲା । ଉଦ୍ଘାଟନ ଅବସରରେ ଭାରତୀୟ ଏୟାର ଫୋର୍ସର ହେଲିକପ୍ଟର ଆକାଶ ମାର୍ଗରୁ ପତାକାକୁ ସାଲ୍ୟୁଟ କରିଥିବାର ଦେଖାଯାଇଥିଲା । ଏହି ପତାକାକୁ ଖଦୀ ଆଣ୍ଡ ଭିଲେଜ ଇଣ୍ଡଷ୍ଟ୍ରି କମିଶନଙ୍କ ଦ୍ୱାରା ପ୍ରସ୍ତୁତ କରାଯାଇଥିଲାବେଳେ ଭାରତୀୟ ସେନାଙ୍କ ଦ୍ୱାରା ଲେହରେ ଉତ୍ତୋଳନ କରାଯାଇଥିଲା । ସେନା ମୁଖ୍ୟ ମନୋଜ ମୁକୁଣ୍ଡ ନରଓ୍ଵାଣେ ଦୁଇ ଦିନିଆ ଲଦାଖ ଗସ୍ତ ସମୟରେ ଏହି ପତାକା ଉତ୍ତୋଳନ ଉତ୍ସବରେ ସାମିଲ ହୋଇଥିଲେ ।
