ଜାଣନ୍ତୁ ଭଗବାନ ବିଷ୍ଣୁଙ୍କ ପର୍ଶୁରାମ ଅବତାରର ରହସ୍ୟ
ଭାରତୀୟ ପୌରାଣିକ ମାନ୍ୟତା ଅନୁଯାୟୀ ଭଗବାନ ବିଷ୍ଣୁ ଧର୍ମର ଅଭିନ୍ନ ସ୍ଥାନରେ ରହିଛନ୍ତି। ଭଗବାନ ବିଷ୍ଣୁ ମଧ୍ୟ ଅନେକ ଅବତାର ଧାରଣ କରିଥାନ୍ତି। ସେହିପରି ପର୍ଶୁରାମ ଅବତାର ହେଉଛି ଭଗବାନ ବିଷ୍ଣୁଙ୍କର ୬ଷ୍ଠ ଅବତାର।
ପର୍ଶୁରାମ ଜମଦଗ୍ନି ଏବଂ ରେଣୁକାଙ୍କର ପୁତ୍ର ଥିଲେ। ଭୟାନକ ପରିକ୍ରମା କରିବା ପରେ ପର୍ଶୁରାମ ଭଗବାନ ଶିବଙ୍କ ଠାରୁ ଏକ କୁରାଢି ପ୍ରାପ୍ତ କରିଥିଲେ। ଭଗବାନ ଶିବ ତାଙ୍କୁ ଯୁଦ୍ଧ ଶିକ୍ଷା ସହ ଅନ୍ୟ କୌଶଳ ମଧ୍ୟ ଶିକ୍ଷାଦାନ କରିଥିଲେ। ବ୍ରାହ୍ମଣ ପରିବାରରେ ଜନ୍ମ ହୋଇ ମଧ୍ୟ ତାଙ୍କର ଲକ୍ଷଣ ବ୍ରାହ୍ମଣଙ୍କ ବିପରୀତ ଥିଲା। ଏହିକାରଣରୁ ପର୍ଶୁରାମ କ୍ଷେତ୍ରୀୟ ଲକ୍ଷଣକୁ ଆପଣାଇ ଥିଲେ, ଯେଉଁଥିରେ ଆକ୍ରାମକତା, ଯୁଦ୍ଧ ଏବଂ ବିରତା ସାମିଲ ରହିଥିଲା। ଏହିକାରଣରୁ ତାଙ୍କୁ ‘ବ୍ରହ୍ମ-କ୍ଷତ୍ରୀୟ’ କୁହାଯାଇଥାଏ କାରଣ ତାଙ୍କ ପାଖରେ ଅନେକ ବଳ ରହିଥିଲା।
ପର୍ଶୁରାମଙ୍କ ଜଡିତ ଅନ୍ୟ ଏକ ତଥ୍ୟ ଅନୁଯାୟୀ, ଥରେ ରାଜା କାର୍ତ୍ତବୀର୍ଯ୍ୟ ସହସ୍ରାର୍ଜୁନ ଏବଂ ତାଙ୍କର ସେନା ପର୍ଶୁରାମଙ୍କ ପିତାଙ୍କର କାମଧେନୁ ନାମକ ଗାଈକୁ ଜୋର୍ ଜବରଦସ୍ତ ନେବା ପାଇଁ ଚେଷ୍ଟା କରିଥିଲେ। ଏହି ସମୟରେ ପର୍ଶୁରାମ କ୍ରୋଧିତ ଏବଂ ପ୍ରତିଶୋଧ ପରାୟଣ ହୋଇ ସମସ୍ତ ସେନା ଏବଂ ରାଜା କାର୍ତ୍ତବୀର୍ଯ୍ୟଙ୍କର ବଧ କରିଥିଲେ। ନିଜ ପିତାଙ୍କ ମୃତ୍ୟୁର ପ୍ରତିଶୋଧ ନେବା ପାଇଁ ରାଜାଙ୍କ ପୁତ୍ର ପର୍ଶୁରାମଙ୍କ ଅନୁପସ୍ଥିତିରେ ଋଷି ଜମଦଗ୍ନିଙ୍କର ହତ୍ୟା କରିଥିଲେ। ତାଙ୍କର ଏହି କୃତ୍ୟ କାର୍ଯ୍ୟରେ କ୍ରୋଧିତ ହୋଇ ରାଜାଙ୍କର ସମସ୍ତ ପୁତ୍ର ଏବଂ ପୃଥିବୀରେ ଭ୍ରଷ୍ଟ ରାଜା ଏବଂ ପ୍ରଜାମାନଙ୍କର ହତ୍ୟା କରିଥିଲେ।
ଏହାସହ ପଢନ୍ତୁ: ଜାଣନ୍ତୁ ଭଗବାନ ବିଷ୍ଣୁଙ୍କ ବାମନ ଅବତାରର ରହସ୍ୟ
ପର୍ଶୁରାମଙ୍କୁ ଅମର ବୋଲି ମଧ୍ୟ କୁହାଯାଇଥାଏ। କାରଣ ସେ ଆଗକୁ ବଢି ସମୁଦ୍ରରେ ମଧ୍ୟ ଯୁଦ୍ଧ କରିଥିଲେ, ଯାହା କୋକଣ ଏବଂ ମାଲବାର ଭୂମିରେ ପ୍ରହାର ହୋଇଥିଲା। ମହାରାଷ୍ଟ୍ର, କର୍ଣ୍ଣାଟକ ମଧ୍ୟରେ ଅବସ୍ଥିତ କ୍ଷେତ୍ରକୁ ପର୍ଶୁରାମ କ୍ଷେତ୍ର କୁହାଯାଇଥାଏ। ଲୋକକଥା ଅନୁଯାୟୀ ପର୍ଶୁରାମ ଭଗବାନ କୃଷ୍ଣଙ୍କୁ ସୁଦର୍ଶନ ଚକ୍ର ଦେଇଥିଲେ। ଉଲ୍ଲେଖ ରହିଛି ଭଗବାନ ବିଷ୍ଣୁଙ୍କ ୬ଷ୍ଠ ଅବତାର ପର୍ଶୁରାମ ଅବତାରର ମୁଖ୍ୟ ଉଦ୍ଦେଶ୍ୟ ହେଉଛି ସଂସାରରେ ସମସ୍ତ ପାପୀ ଏବଂ ଅଧାର୍ମିକ ରାଜାମାନଙ୍କର ହତ୍ୟା କରି ପୃଥିବୀକୁ ମୁକ୍ତ କରିବା, ଯାହା ଭଗବାନ ବିଷ୍ଣୁ ପର୍ଶୁରାମ ଅବତାରରେ କରିଛନ୍ତି।
