ଗଛରେ ଉପରେ ଚାଲିଛି ଚୋର-ପୋଲିସ ଖେଳ, ମଜା ନେବା ପାଇଁ ଦେଖନ୍ତୁ ଏହି ଭିଡିଓ
ସୋସିଆଲ ମିଡିଆରେ ଏବେ ଏକ ରୋଚକପୂର୍ଣ୍ଣ ତଥା ମଜାଦାର ଭିଡିଓ ଖୁବ ଭାଇରାଲ ହେବାରେ ଲାଗିଛି । ଭିଡିଓଟିକୁ ଯଦି ଦେଖିବେ ତେବେ ଜାଣି ପାରିବେ ଏକ ବିରାଟ କାୟ ଗଛ ମୂଳରେ କିଛି ପୋଲିସ କର୍ମୀ ଛିଡା ହୋଇଛନ୍ତି । ଆଉ ଗଛ ଉପରେ ଏକ ବ୍ୟକ୍ତି ଚଢ଼ିଛି । ହୁଏତ ପୋଲିସ ଠାରୁ ରକ୍ଷା ପାଇବା ପାଇଁ ବ୍ୟକ୍ତିଟି ଭୟରେ ଗଛ ଉପରେ ଚଢି ଯାଇଛି । କାରଣ ଯେବେ ଜଣେ ପୋଲିସ ତା ନିକଟକୁ ଯିବାକୁ ଚେଷ୍ଟା କରୁଛନ୍ତି ବ୍ୟକ୍ତିଟି ଆହୁରି ଆହୁରି ଉଚ୍ଚାକୁ ଚଢି ଚଢି ଚାଲିଛି । ତଳେ ଛିଡ଼ା ହୋଇଥିବା ପୋଲିସ ଠାରୁ ପ୍ରାଣପଣେ ଖସି ଯିବାକୁ ଚେଷ୍ଟା କରୁଛି ବ୍ୟକ୍ତିଟି । ନିଶ୍ଚୟ କୌଣସି ଘଟଣାରେ ଦୋଷୀ ସାବ୍ୟସ୍ତ ହୋଇଥିବାରୁ ହିଁ ପୋଲିସ ତାର ପିଛା କରୁଛନ୍ତି । ଘଟଣାଟି ପ୍ରକୃତରେ କେବେ ଓ କେଉଁଠି ଘଟିଛି ସ୍ପଷ୍ଟ ହୋଇନଥିଲେ ମଧ୍ୟ ଭିଡିଓଟି ଲୋକଙ୍କୁ ଖୁବ ପସନ୍ଦ ଆସିଥିବା ଜଣାଯାଇଛି । ଏହାର ଭରପୁର ମଜା ନେଉଛନ୍ତି ଦର୍ଶକ । ଏମିତିରେ ଘଟଣାଟି ଖୁବ ସାଧାରଣ । କିନ୍ତୁ ଚୋର, ପୋଲିସର ଏହି ଲୁଚା ଛପା ଖେଳ ଲୋକଙ୍କୁ ଖୁବ ପସନ୍ଦ ଆସିଛି ।
खुदी को कर के बुलंद इतना चढ़ गए ऊपर जैसे तैसे,
पर #Khakhi वाले उतार देंगे, बड़े आराम से 😅😝 pic.twitter.com/FoePjKOLfj— Dipanshu Kabra (@ipskabra) May 12, 2021
ଭିଡିଓଟିକୁ ଆଇପିଏସ ଅଫିସର ଦୀପାଆଁଶୁ କାବରା ଟ୍ୱିଟରରେ ସେୟାର କରିଥିବା ବେଳେ ଏହାର କ୍ୟାପ୍ସନରେ ଲେଖିଛନ୍ତି” ନିଜକୁ ରକ୍ଷା କରିବା ପାଇଁ ଲୋକଟି ଜେଣ ତେଣ ଭାବେ ଗଛରେ ଚଢ଼ି ଯାଇଛି ସିନା # କିନ୍ତୁ ପୋଲିସ ଵାଲା ତାଙ୍କୁ ଓଲ୍ହାଇ ଦେବେ ।” ଅନେକ ସୋସିଆଲ ମିଡ଼ିଆ ପ୍ଲାଟ୍ଫର୍ମରେ ଏହାକୁ ସେୟାର କରାଯାଇଥିବା ବେଳେ ମାତ୍ର କିଛି ମିନିଟରେ ଏହାକୁ ୬ ହଜାରରୁ ଅଧିକ ଜଣ ଦେଖିଥିବା ବେଳେ ଅନେକ ଜଣ ମଧ୍ୟ ଲାଇକ କରିଛନ୍ତି ।
