ସୋସିଆଲ ମିଡିଆରେ ଏକ ନୀଳ ରଙ୍ଗର ଦୁର୍ଲଭ ସାପ ଖୁବ ଭାଇରାଲ ହେବା ସହ ଏହାକୁ ନେଇ ଚର୍ଚ୍ଚା ବି ବେଶ ଜୋର ଧରିଛି । ଆଉ ଏହି ଦୁର୍ଲ୍ଲଭ ସାପଟି ଅନେକଙ୍କୁ ଆକର୍ଷିତ କରିପାରିଛି । ଏମିତିକି ଭିଡିଓ ଟି ଭାଇରାଲ ହେବା ପରେ ଏହାକୁ ପୃଥିବୀର ସବୁଠୁ ସୁନ୍ଦର ସାପ ବୋଲି ଅନେକେ ମତ ଦେଇଛନ୍ତି । ଭିଡିଓଟିରେ ସାପଟି ଏକ ଲାଲ ରଙ୍ଗର ଗୋଲାପ ଫୁଲ ଉପରେ ବସିଥିବାର ନଜର ଆସୁଛି । ଲାଲ ରଙ୍ଗର ଗୋଲାପ ସହ ନୀଳ ରଙ୍ଗର ସାପର ରଙ୍ଗର ଏକ ବିରଳ ଦୃଶ୍ୟ ସମସ୍ତଙ୍କ ମନ ମୋହିନେଉଛି । କିନ୍ତୁ ବିଶେଷଜ୍ଞ ମାନେ ମତ ଦେଇଛନ୍ତିକି ଦେଖିବାକୁ ସୁନ୍ଦର ହୋଇଥିଲେ ମଧ୍ୟ ସାପଟି ଖୁବ ବିଷାକ୍ତ । ଯଦି ଏହି ସାପ ଅନ୍ୟକୌଣସି ଜନ୍ତୁ ଅବା ମଣିଷକୁ କାମୁଡ଼େ ତେବେ ଏହା ଶରୀରର ଉପର ଓ ଭିତର ଭାଗ ଉଭୟକୁ ଗଭୀର କ୍ଷତି ପହଞ୍ଚାଇପାରେ । ରୁଷର ଜଣେ ପଶୁ ବିଶେଷଜ୍ଞଙ୍କ ଅନୁଯାୟୀ, ଏହି ସାପ ସାଧାରଣତଃ ଆଇଲ୍ୟାଣ୍ଡ ପରି ଅଞ୍ଚଳରେ ଦେଖାଯାଇଥାଏ । ଏହି ବିଷାକ୍ତ ସାପ ଇଣ୍ଡୋନେସିଆର ଉପାନ୍ତ ଅଂଚଳ ଓ ତିମୋରର ପୂର୍ବ ଭାଗରେ ଦେଖା ଯାଇଥାଏ ।
The incredibly beautiful Blue Pit Viper pic.twitter.com/zBSIs0cs2t
— Life on Earth (@planetpng) September 17, 2020
ଆଖିକୁ ଧଳା ଦେଖା ଯାଉଥିଲେ ମଧ୍ୟ ଏହି ସାପଙ୍କ ରଙ୍ଗ ବାସ୍ତବରେ ହଳଦିଆ । କିନ୍ତୁ ନୀଳ ରଙ୍ଗର ପିଟ ଭାଇପର ଖୁବ ବିରଳ । ରୁଷର ଏହି ବିଶେଷଜ୍ଞ ଜଣଙ୍କ ଆହୁରି ମଧ୍ୟ କହିଛନ୍ତିକି, ନୀଳରଙ୍ଗର ସାପ ହଳଦିଆ ସାପଙ୍କୁ ଜନ୍ମ ଦେଇପାରନ୍ତି । ଧଳା ବାଇପରସଙ୍କୁ ବିଜ୍ଞାନ ଭାଷାରେ “ବିବିପରସ” ନାଁରେ ଜଣା ଯାଇଥାଏ ।
ଟ୍ୱିଟର ଆକାଉଣ୍ଟରେ “ଲାଇଫ ଅନ ଆର୍ଥ” ସଂସ୍ଥା ଏହି ଭାଇରଲ ଭିଡିଓଟିର କ୍ୟାପ୍ସନରେ ଲେଖିଛନ୍ତିକି, “ଏହି ସୁନ୍ଦରସାପଟି ଦେଖିବାକୁ ଖୁବ ଅବିଶ୍ୱାସନୀୟ ଓ ଅସାଧାରଣ ରୂପରେ ସୁନ୍ଦର ” । ଭିଡିଓଟି ସେପ୍ଟେମ୍ବର ୧୭ ତାରିଖରେ ସେୟାର କରାଯାଇଥିବା ବେଳେ ଏଯାବତ ୫୨ ହଜାରରୁ ଅଧିକ ଜଣ ଦେଖିସାରିଲେଣି । ଭିଡିଓଟି ରେଡ଼ିଟ ରେ ସେୟାର ହୋଇଥିବା ବେଳେ ଏହା ଜରିଆରେ ମଧ୍ୟ ୨.୨ ମିଲିୟନରୁ ଅଧିକ ଜଣ ଦେଖିସାରିଲେଣି ।