ପିତାଙ୍କ ମୃତ୍ୟୁ ପରେ ବି ମୈଦାନକୁ ଓହ୍ଲାଇଥିଲେ ଏହି ଖେଳାଳି, ଟିମକୁ ଚାମ୍ପିୟନ୍ କରାଇ ଦେଶକୁ କଲେ ଗର୍ବିତ
ଅନେକ ସମୟରେ ନିଜ ପରିବାର ଏବଂ ଅନୁଭବଠୁ ବଡ଼ ହୋଇଥାଏ ଦେଶ ପାଇଁ କର୍ତ୍ତବ୍ୟ । ଆଉ ଏହା ପ୍ରମାଣ କରି ଦେଖାଇଛନ୍ତି ଭାରତୀୟ ମହିଳା ହକି ଖେଳାଳି ଲାଲରେମସିଆମୀ । ତାଙ୍କ ଟିମ୍ ହିରୋସିମାରେ ଏଫଆଇଏଚ୍ ସିରିଜ୍ ଫାଇନାଲ୍ ଜିତିଲା କିନ୍ତୁ ଲାଲରେମସିଆମୀ ଯାହା କରିଛନ୍ତି ତାହା ସମସ୍ତଙ୍କ ପାଇଁ କିନ୍ତୁ ସହଜ ନୁହେଁ ।
ସେମିଫାଇନାଲ ମ୍ୟାଚର ଗୋଟିଏ ଦିନ ପୂର୍ବରୁ ଲାଲରେମସିଆମୀଙ୍କ ବାପାଙ୍କ ମୃତ୍ୟୁ ହୋଇଥିଲା । ଏହି ଦୁଃଖଦ ଘଟଣା ପରେ ବି ଲାଲରେମସିଆମୀ ଦଳକୁ ଅଧାବାଟରେ ନଛାଡି ଦଳ ସହ ରହିଥିଲେ । ଏବଂ ଚାମ୍ପିୟନ ହୋଇ ଦେଶକୁ କରିଥିଲେ ଗର୍ବିତ । ମିଜୋରାମର ଲାଲରେମସିଆମୀ ଫାଇନାଲ୍ ମ୍ୟାଚ୍ ଖେଳିଲେ ଏବଂ ଜାପାନକୁ ୩-୧ ରେ ହରାଇ ମହିଳା ଏଫ୍ଆଇଏଚ୍ ସିରିଜ ଫାଇନାଲ ହକି ଟୁର୍ଣ୍ଣାମେଣ୍ଟକୁ ନିଜ ନାଁରେ କରିଥିଲେ । ଭାରତୀୟ ଟିମ ନିଜର ଏହି ବିଜୟକୁ ଲାଲରେମସିଆମୀଙ୍କ ବାପାଙ୍କୁ ସମର୍ପିତ କରିଛି, ଯାହାଙ୍କ ଦେହାନ୍ତ ଶୁକ୍ରବାର ଦିନ ହୃଦଘାତରେ ହୋଇଥିଲା ।
ଅନ୍ୟପଟେ ମଙ୍ଗଳବାର ଦିନ ମିଜୋରାମର ନିଜ ଗାଁ କୋଲାସିବରେ ପହଞ୍ଚିଥିଲେ ଲାଲରେମସିଆମୀ । ଗାଁର ଲୋକମାନେ ତାଙ୍କୁ ବିପୁଳ ସ୍ୱାଗତ ସମ୍ୱର୍ଦ୍ଧନା ଜଣାଇ ଥିଲେ । ତେବେ ବାପାଙ୍କ ମୃତ୍ୟୁ ପରେ ଘରେ ପହଞ୍ଚିଥିବା ଲାଲରେମସିଆମୀଙ୍କୁ ଦେଖି ଲୁହରେ ବୁଡି ଯାଇଥିଲା ପରିବାର ଲୋକଙ୍କ ଆଖି ।
Mizoram: Lalremsiami, a member of Indian women’s team which won FIH Series Finals hockey tournament in Hiroshima on Sunday, was received at her village in Kolasib dist, y’day. Lalremsiami lost her father to heart attack on Friday but stayed with her team to play finals on Sunday. pic.twitter.com/fTcvyN8ToX
— ANI (@ANI) June 26, 2019
