୫ମ ଥର ପାଇଁ ଆଇପିଏଲ ଚମ୍ପିୟାନସ ଜିତିବା ଲକ୍ଷ୍ୟରେ ରୋହିତଙ୍କ ମୁମ୍ବାଇ ଇଣ୍ଡିଆନସ ଟିମ
ଏଯାବତ ସର୍ବାଧିକ ଥର ଆଇପିଏଲ ଚମ୍ପିୟାନ ହୋଇଥିବା ମୁମ୍ବଈ ଇଂଡିଆନ୍ସ ଦଳ ଚଳିତ ବର୍ଷ ବି ଟ୍ରଫି ନିଜ ନାଁରେ କରିବା ପାଇଁ ଚେଷ୍ଟା ଜାରି ରଖିଛି । ମୁମ୍ବାଇ ଟିମର କ୍ୟାପଟେନ ରୋହିତ ଶର୍ମାଙ୍କ ନେତୃତ୍ୱରେ ଦଳ ଉତ୍ତମ ପ୍ରଦର୍ଶନ କରିଥାଏ । ଖେଳରେ ଅନ୍ତିମ ମୁହୂର୍ତ୍ତରେ ବାଜି ପାଲଟୁଥିବା ଭାବେ ଜଣା ଶାନ୍ତ ସ୍ୱଭାବର ରୋହିତଙ୍କ ଉପରେ ଏଥର କିନ୍ତୁ ଏକ ବଡ ଦାୟିତ୍ୱ ରହିଛି । ମୁମ୍ବାଇ ଟିମର ବ୍ୟାଟିଙ୍ଗ ଖୁବ ଷ୍ଟ୍ରଙ୍ଗ ଥିବା ବେଳେ କୌଣସି ପ୍ରକାର ବୋଲିଙ୍ଗକୁ ବି ଏହା ସହଜରେ ସାମ୍ନା କରିପାରିବାର କ୍ଷମତା ରଖିଛି । କ୍ରିଶ ଲିନ, ସେରଫେନ ରଦରଫୋର୍ଡଙ୍କୁ ନେଇ ମୁମ୍ବାଇ ଦଳର ବ୍ୟାଟିଙ୍ଗ ଖୁବ ଷ୍ଟ୍ରଙ୍ଗ ରହିଛି । ରୋହିତଙ୍କ ବାଦ କ୍ରିଟିନ ଡିକକ, କିରନ ପୋଲାର୍ଡ, ଈଶାନ କିଷାନ,
ସୂର୍ଯ୍ୟକୁମାର ଯାଦବ, ହାର୍ଦ୍ଦିକ ପାଣ୍ଡ୍ୟାଙ୍କ ପରି ଆକ୍ରମଣାତ୍ମକ ବ୍ୟାଟ୍ସମ୍ୟାନ ମାନଙ୍କୁ ନେଇ ମୁମ୍ବାଇ ଦଳର ସ୍ଥିତି ଖୁବ ଷ୍ଟ୍ରଙ୍ଗ ରହିଛି ।
ବ୍ୟାଟିଙ୍ଗ ବ୍ୟତୀତ ବୋଲିଙ୍ଗରେ ବି ଦଳର ସ୍ଥିତି କିଛି କମ ନାହିଁ । ଯଶପ୍ରୀତ ବୁମରାହା, ଟେଣ୍ଟ ବୋଲ୍ଟ, ମିଶେଲ ମେକଲେନାଘନ, ନାଥନ କୁଳତାର ନାଇଲ, ଧବଳ କୁଲକର୍ଣ୍ଣିଙ୍କ ପରି ଦ୍ରୁତ ବୋଲର ବି ସାମିଲ ଅଛନ୍ତି । ମୁମ୍ବାଇ ଇଣ୍ଡିୟାନ୍ସଙ୍କ ସହ ରାହୁଲ ଚହାର, ପ୍ରିନ୍ସ ବଳବନ୍ତ ରାୟ ସିଂହ, ଦିଗବିଜୟ ଦେଶମୁଖଙ୍କ ପରି ଯୁବ କ୍ରିକେଟର ବି ଅଛନ୍ତି । କିନ୍ତୁ ସ୍ପିନିଂଙ୍ଗରେ ଦଳ କିଛିଟା ଦୁର୍ବଳ ଥିବା ବେଳେ ଅଭିଙ୍ଗତା ସମ୍ପର୍ଣ୍ଣ ଖେଳାଳି ମାନେ ଏହାକୁ ଆଡେଇ ଭଲ ପ୍ରଦର୍ଶନ କରିବେ ବୋଲି ଆଶା ରଖାଯାଇଛି ।
