ଭୁବନେଶ୍ୱର(କେନ୍ୟୁଜ୍) : ପହଞ୍ଚିପାରିଲାନି ଭାର। ଅଧାରେ ଚାଲିଗଲା ଜୀବନ। ମର୍ମନ୍ତୁଦ ଦୁର୍ଘଟଣାରେ ବାପାଙ୍କର ଜୀବନ ଚାଲିଯାଇଥିବା ବେଳେ ପୁଅ ଗୁରୁତର ଆହତ ହୋଇଛନ୍ତି । ଭୁବନେଶ୍ୱର ଆଚାର୍ଯ୍ୟବିହାର ଓଭରବ୍ରିଜ ଉପରେ ଦୁର୍ଘଟଣା ଘଟିଛି। ଦୁର୍ଘଟଣା ଏତେ ଭୟଙ୍କର ଥିଲା ଯେ, ସ୍କୁଟିଟି ଡିଭାଇଡରରେ ପିଟି ହେବା ପରେ ଓଭରବ୍ରିଜ ତଳେ ଦୁଇ ଜଣ ପଡିଯାଇଥିଲେ। ଫଳରେ ଘଟଣାସ୍ଥଳରେ ବାପାଙ୍କର ମୃତ୍ୟୁ ହୋଇଥିଲା। ଆଜି ସକାଳେ ବାପା-ପୁଅ ଦୁଇ ଜଣ ସାବିତ୍ରୀ ଭାର ନେଇ ରସୁଲଗଡ଼ ଆଡକୁ ଆସୁଥିଲେ। ହତାଠ୍ ସ୍କୁଟିଟି ଡିଭାଇଡରରେ ପିଟି ହୋଇଯାଇଥିଲା। ଉଭୟ ନୟାଗଡ଼ର ହୋଇଥିବାବେଳେ ସେମାନଙ୍କ ପରିଚୟ ମିଳିପାରିନାହିଁ। ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଉଦ୍ଧାର କରି ବ୍ୟବଛେଦ ପାଇଁ ପଠାଇଛି।