ଅଗ୍ନିକାଣ୍ଡ ପରେ ଅଚଳ ହୋଇପଡିଛି ଏମକେସିଜି ସୁପର ସ୍ପେସାଲିଟି ବିଲଡିଂରେ ଥିବା ୟୁରୋଲୋଜି ବିଭାଗର ଓଟି
ବ୍ରହ୍ମପୁର (କେନ୍ୟୁଜ୍): ଅଗ୍ନିକାଣ୍ଡ ପରେ ଅଚଳ ହୋଇପଡିଛି ଓଟି । ବ୍ରହ୍ମପୁର ଏମକେସିଜି ମେଡିକାଲ ସୁପର ସ୍ପେସାଲିଟି ବିଲଡିଂରେ ଥିବା ୟୁରୋଲୋଜି ବିଭାଗ ଓଟି ଅଲୋଡା ହୋଇପଡିଛି । ଗତ ଅଗଷ୍ଟ ୨୬ ତାରିଖରେ ଅଗ୍ନିକାଣ୍ଡ ହୋଇଥିଲେ ବି ଏପର୍ଯ୍ୟନ୍ତ ମରାମତି ହୋଇପାରିନାହିଁ ।
ଏପରିକି ସେହି ମହଲାରେ ଥିବା ଅନ୍ୟ ଓଟି ଗୁଡିକ ମଧ୍ୟ ଅଚଳ ହୋଇପଡିଛି । ୟୁରୋଲୋଜି ବିଭାଗ ଓଟିର ସିଲିଂରେ ନିଆଁ ଲାଗିଯାଇଥିଲା । ନିଆଁ ବ୍ୟାପିବା ପୂର୍ବରୁ ତୁରନ୍ତ ଆୟତ୍ତ କରିଥିଲା ଅଗ୍ନିଶମ ବାହିନୀ । ଫଳରେ ବଡ ଅଘଟଣ ଟଳିଯାଇଥିଲା।
