ବଲ୍ ଭାବି ବୋମା ଉଠାଇଲେ ପିଲା: ବିସ୍ଫୋରଣ ହେବାରୁ ଚାଲିଗଲା ଜଣକ ଜୀବନ, ୩ ଗୁରୁତର
ହୁଗୁଲୀର ପାଣ୍ଡୁଆରେ ବୋମା ବିସ୍ଫୋରଣ ଘଟି ଜଣେ ପିଲାର ମୃତ୍ୟୁ ହୋଇଥିବା ବେଳେ ୩ ଜଣ ପିଲା ଆହତ ହୋଇଛନ୍ତି । ପିଲାମାନେ ଖେଳୁଥିବା ବେଳେ ବଲ୍ ଭାବି ବୋମାକୁ ଉଠାଇବା ବେଳେ ବିସ୍ଫୋରଣ ହୋଇଥିଲା । କିନ୍ତୁ ୧୧ ବର୍ଷୀୟ ରାଜ ବିଶ୍ୱାସ ହସପିଟାଲରେ ହିଁ ଜୀବନ ଚାଲିଯାଇଥିଲା । ଘଟଣାରେ ଜଣେ ପିଲାର ହାତ ଚାଲିଯାଇଛି ।
ପଶ୍ଚିମବଙ୍ଗ ହୁଗୁଲୀରେ ବିସ୍ଫୋରଣ । ହୁଗଲୀର ପାଣ୍ଡୁଆରେ ବୋମା ବିସ୍ଫୋରଣ ଘଟି ଜଣେ ପିଲାର ମୃତ୍ୟୁ ହୋଇଥିବା ବେଳେ ୩ ଜଣ ପିଲା ଆହତ ହୋଇଛନ୍ତି । ପିଲାମାନେ ଖେଳୁଥିବା ବେଳେ ବଲ୍ ଭାବି ବୋମାକୁ ଉଠାଇବା ବେଳେ ବିସ୍ଫୋରଣ ହୋଇଥିଲା ।
ପ୍ରତ୍ୟକ୍ଷଦର୍ଶୀଙ୍କ କହିବା ମୁତାବକ, ପିଲା ଜଣକ ଏହାକୁ ଭୁଲରେ ବଲ୍ ଭାବି ଉଠାଇଥିବା ବେଳେ ବୋମା ବିସ୍ଫୋରଣ ହୋଇଥିଲା । ବିସ୍ଫୋରଣ ହେବାରୁ ଅନ୍ୟ ପିଲାମାନେ ମଧ୍ୟ ଆହତ ହୋଇଛନ୍ତି । ପିଲାଙ୍କୁ ତୁରନ୍ତ ହସପିଟାଲରେ ଭର୍ତ୍ତି କରାଯାଇଥିଲା । କିନ୍ତୁ ୧୧ ବର୍ଷୀୟ ରାଜ ବିଶ୍ୱାସ ହସପିଟାଲରେ ହିଁ ଜୀବନ ଚାଲିଯାଇଥିଲା । ଘଟଣାରେ ଜଣେ ପିଲାର ହାତ ଚାଲିଯାଇଛି ।
#WATCH | West Bengal: Two children critically injured in a mysterious blast in Tinna Netaji Colony at Pandua, Hooghly. The blast occurred at the spot where they were playing. The injured have been admitted to hospital. Police investigation is underway. Details awaited. pic.twitter.com/cb2Pou7lXr
— ANI (@ANI) May 6, 2024
ତେବେ ଯେଉଁ ସ୍ଥାନରେ ବିସ୍ଫୋରଣ ହୋଇଛି, ସେଠାରେ କିଛିଦିନ ତଳେ ଲୋକସଭା ନିର୍ବାଚନ ପାଇଁ ଭୋଟିଂ ହେବ । ହୁଗଳୀ ସିଟରେ ୫ମ ପର୍ଯ୍ୟାୟରେ ୨୦ ମଇରୁ ଭୋଟିଂ ହେବ । ଏଠାରେ ବର୍ତ୍ତମାନ ଲକେଟ ଚାଟାର୍ଜୀ ସାଂସଦ ରହିଛନ୍ତି । ସେ ୨୦୧୯ ଲୋକସଭା ନିର୍ବାଚନରେ ଟିଏମସିର ରତ୍ନାଙ୍କୁ ହରାଇଥିଲେ । ଏଥର ପାଇଁ ବିଜେପି ଲକେଟ ଚାଟାର୍ଜୀଙ୍କୁ ଟିକେଟ ଦେଇଛି ।
ସୂଚନାଯୋଗ୍ୟ, ପଶ୍ଚିମବଙ୍ଗର କୋଲକତା ଠାରୁ ୩୫ କିମି ଦୂର ଉତ୍ତର ବେରକପୁରରେ ଦୁଇ ଜଣ ପିଲା ଏକ ଦେଶୀ ବୋମାକୁ ବଲ୍ ଭାବି ଖେଳୁଥିଲେ । ପିଲାମାନେ ଏହାକୁ ଖେଳୁଥିବା ସମୟରେ ବୋମାଟି ହଠାତ୍ ଫାଟିଯାଇଥିଲା । ଫଳରେ ପିଲାମାନେ ଛିଟକି ପଡିଥିଲେ। ବିସ୍ଫୋରଣ ପରେ ପିଲାମାନଙ୍କୁ ସ୍ଥାନୀୟ ଲୋକ ତୁରନ୍ତ ଭାଟପାରା ସରକାରୀ ମେଡିକାଲକୁ ନେଇଥିଲେ କିନ୍ତୁ ସେଠାରୁ ସେମାନଙ୍କୁ କୋଲକତା ମେଡିକାଲକୁ ସ୍ଥାନାନ୍ତର କରିଯାଇଥିଲା । ମେଡିକାଲରେ ଡାକ୍ତର ଜଣେ ପିଲାକୁ ମୃତ ଘୋଷଣା କରିଥିବା ବେଳେ ଅନ୍ୟ ଜଣେ ପିଲା ଗୁରୁତର ଥିବା ଜଣାପଡିଥିଲେ।