ଭୁବନେଶ୍ବରରୁ ଆଜି ୪୧୩ ଜଣ କରୋନା ଆକ୍ରାନ୍ତ ଚିହ୍ନଟ,୩୦୧ ଲୋକାଲ କଣ୍ଟାକ୍ଟ କେସ୍
କେନ୍ୟୁଜ୍(ବ୍ୟୁରୋ): ଭୁବନେଶ୍ବରରୁ ଆଜି ୪୧୩ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ଏଥିରୁ ୩୦୧ ଜଣ ଲୋକାଲ କଣ୍ଟାକ୍ଟ ଦ୍ବାରା କରୋନା ଆକ୍ରାନ୍ତ ହୋଇଥିବା ବେଳେ ୧୧୨ ଜଣ କ୍ବାରେଣ୍ଟାଇନ ସେଣ୍ଟରରୁ ଚିହ୍ନଟ ହୋଇଛନ୍ତି। କ୍ବାରେଣ୍ଟାଇନରୁ ଚିହ୍ନଟ ଆକ୍ରାନ୍ତଙ୍କ ମଧ୍ୟରୁ ୩ ଜଣଙ୍କର ଟ୍ରାଭେଲ ହିଷ୍ଟ୍ରୀ ଥିବା ବେଳେ ୧୦୯ ଜଣ ପୂର୍ବରୁ ଆକ୍ରାନ୍ତଙ୍କ ସଂସ୍ପର୍ଶରେ ଆସିଥିଲେ।
Update on newly detected & cured #COVID19 cases in the last 24 hrs under the BMC area on 11th Sep 2020(till 9am).
Further contact tracing is still continuing.
Primary contacts & nearby houses are being quarantined, sanitized & will be under active surveillance. pic.twitter.com/Tk4I9GsaJb— BMC (@bmcbbsr) September 11, 2020
ବିଏମ୍ସିର ସୂଚନା ଅନୁସାରେ ଲୋକାଲ କଣ୍ଟାକ୍ଟରେ ଆଜି ୩୦୧ ଜଣ କରୋନାରେ ଆକ୍ରାନ୍ତ ହୋଇଛନ୍ତି। ଏଥିରେ ବରମୁଣ୍ଡା, ଝାରପଡ଼ା, ପୁରୁଣା ଭୁବନେଶ୍ୱରରୁ ୭ ଜଣ ଲେଖାଏଁ ଅଛନ୍ତି। ବରମୁଣ୍ଡା ଏଚବି କଲୋନି, ନୟାପଲ୍ଲୀ, ପଳାଶୁଣୀ, ବମିଖାଲରୁ ୬-୬ ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି।ସେହିଭଳି ୭ ଜଣ ପୋଲିସ କର୍ମଚାରୀ କରୋନା ପଜିଟିଭ ଚିହ୍ନଟ ହୋଇଛନ୍ତି।
ଆଜି ୪୨୯ ଜଣ ଆକ୍ରାନ୍ତ ସୁସ୍ଥ ହୋଇଛନ୍ତି। ନୟାପଲ୍ଲୀରୁ ୧୩ ଜଣ, ଆଇଗଣିଆ ଗାଁ, ଡୁମଡୁମା ପିଏଚ୍-୧ରୁ ୧୧-୧୧ ଜଣ, ଭୀମଟାଙ୍ଗୀ ଏଚ୍ବି କଲୋନି, ଉତ୍କଳ ବିଶ୍ୱବିଦ୍ୟାଳୟ ଅଂଚଳରୁ ୯ ଜଣ ଲେଖାଏଁ, ବରମୁଣ୍ଡା ଏଚ୍ବି କଲୋନିରୁ ୮ ଜଣ, ୟୁନିଟ-୨ ଓ ୟୁନିଟ-୩ ସରକାରୀ କ୍ୱାର୍ଟର୍ସରୁ ୮ ଜଣ, ୟୁନିଟ-୯ରୁ ୮ ଜଣ ଆକ୍ରାନ୍ତ ସୁସ୍ଥ ହୋଇଛନ୍ତି।