ଘରେ ଠାକୁର ପୂଜା କରୁଥିବା ବେଳେ ଲାଗିଗଲା ନିଆଁ ଜଳିଗଲେ ଶାଶୁ ବୋହୂ
ଯାଜପୁର ଜିଲ୍ଲା ପାଣିକୋଇଲି ଥାନା ବଡ଼ବିରୁହାଁ ଗାଁରେ ଅଘଟଣ ଘଟିଛି । ଘରେ ଠାକୁର ପୂଜା କରୁଥିବା ବେଳେ ନିଆଁ ଲାଗି ଜଳିଗଲେ ଶାଶୁ ବୋହୂ । ସେମାନଙ୍କୁ ରକ୍ଷା କରିବାକୁ ଯାଇ ଅନ୍ୟ ୩ ଜଣ ମଧ୍ଯ ଆହତ ହୋଇଥିବା ସୂଚନା ମିଳିଛି
ଯାଜପୁର ରୋଡ଼(କେନ୍ୟୁଜ୍): ନିଆଁରେ ପୋଡ଼ି ଶାଶୁ-ବୋହୂ ଗୁରୁତର । ଯାଜପୁର ଜିଲ୍ଲା ପାଣିକୋଇଲି ଥାନା ବଡ଼ବିରୁହାଁ ଗାଁରେ ଅଘଟଣ ଘଟିଛି । ଘରେ ଠାକୁର ପୂଜା କରୁଥିବା ବେଳେ ନିଆଁ ଲାଗି ଜଳିଗଲେ ଶାଶୁ ବୋହୂ । ସେମାନଙ୍କୁ ରକ୍ଷା କରିବାକୁ ଯାଇ ଅନ୍ୟ ୩ ଜଣ ମଧ୍ଯ ଆହତ ହୋଇଥିବା ସୂଚନା ମିଳିଛି । ଗାଁର କମଳା କାନ୍ତ ସ୍ୱାଇଁଙ୍କ ଘରେ ଗ୍ୟାସ ଡେଲିଭରି କର୍ମଚାରୀ ଗ୍ୟାସ ଟାଙ୍କି ଦେଇ ଯାଇଥିଲେ। ଏହି ଟାଙ୍କିରେ କମଳାକାନ୍ତ ରେଗୁଲେଟର ଲଗାଇବା ସମୟରେ ଅଘଟଣ ଘଟିଥିଲା ।
ରେଗୁଲେଟର ଲଗାଇବା ସମୟରେ ସେଥିରୁ ଗ୍ୟାସ ବାହାରି ପୁରା ଘରେ ଖେଳେଇ ହୋଇ ଯାଇଥିଲା । ସମସ୍ତ ଆହତଙ୍କୁ ତୁରନ୍ତ ଯାଜପୁର ରୋଡ ମେଡିକାଲରେ ଭର୍ତ୍ତି କରାଯାଇଥିଲା। ତେବେ ଶାଶୁ ବୋହୁଙ୍କ ଅବସ୍ଥା ସଙ୍କଟାପନ୍ନ ହେବାରୁ ପ୍ରାଥମିକ ଚିକିତ୍ସା ପରେ ସେମାନଙ୍କୁ କଟକ ସ୍ଥିତ ଏସସିବିକୁ ସ୍ଥାନାନ୍ତର କରାଯାଇଛି।..
