ଭଦ୍ରକ: ନ୍ୟାୟ ଦାବିରେ ସ୍ୱାମୀ ଘର ଆଗରେ ସ୍ତ୍ରୀର ଧାରଣା , ମାଡ଼ ମାରି ଘରୁ ତଡିଦେଲେ ଶାଶୁ ଓ ଶ୍ବଶୁର
ଚାନ୍ଦବାଲି(କେନ୍ୟୁଜ୍): ସ୍ତ୍ରୀର ଅଧିକାର ଦାବି କରି ନ୍ୟାୟ ଦାବିରେ ସ୍ୱାମୀର ଘର ଆଗରେ ସ୍ତ୍ରୀର ଧାରଣା । ସ୍ୱାମୀ ସହ ଶ୍ବଶୁର ଘରେ ରହିବା ପାଇଁ ଧାରଣାରେ ବସିଛନ୍ତି ସ୍ତ୍ରୀ । ଗତକାଲି ରାତି ତମାମ ଧାରଣାରେ ବସିଛନ୍ତି ମହିଳା ଜଣକ । ଏଭଳି ଘଟଣା ଘଟିଛି ଭଦ୍ରକ ଜିଲ୍ଲା ବାଂଶଡା ଥାନା ଚଡଦିଆରେ ।
ଅଭିଯୋଗ ମୁତାବକ ବାଂଶଡା ଥାନା ନଳଗୋହିରା ପୋଖରିସାହିର ଶୁକଦେବ ଜେନାଙ୍କ ଝିଅ ସବିତା ଜେନା ଚଡଦିଆ ମହାଳିକସାହିର ଧନି ମହାଳିକଙ୍କ ପୁଅ ଶଙ୍କର ମହାଳିକ ୨୦୧୯ ମସିହାରେ ପ୍ରେମ ବିବାହ କରିଥିଲା । ମନ୍ଦିରରେ ବିବାହ କରିବା ସହ କୋର୍ଟ ମ୍ୟାରେଜ ମଧ୍ୟ ହୋଇଥିଲା। ପରେ ସ୍ୱାମୀ ନିଜ ସ୍ତ୍ରୀକୁ ତାର ବାପ ଘରେ ଛାଡି ବାହାରକୁ କାମ କରିବାକୁ ପଳାଇଥିଲା । ସେବେଠାରୁ ସବିତା ନିଜ ବାପ ଘରେ ରହିଆସୁଛି । ତେବେ ଗତକାଲି ସବିତାକୁ ତାର ସ୍ୱାମୀ ନିଜ ଘରକୁ ଡାକିଥିଲେ । କିନ୍ତୁ ସବିତା ଶ୍ବଶୁର ଘରକୁ ଯିବା ପରେ ତାଙ୍କ ଶାଶୁ ଓ ଶ୍ବଶୁର ତାଙ୍କୁ ମାଡ ମାରିବା ସହ ଘର ଭିତରକୁ ପୁରାଇଦେଲେନାହିଁ ବୋଲି ଅଭିଯୋଗ କରିଛନ୍ତି ସବିତା । ଏମିତିକି ସବିତାର ସ୍ୱାମୀକୁ ଘରେ ପୁରାଇ କବାଟ ଦେଇ ସବିତାକୁ ମାଡ ମାରି ବାହାରକୁ ବିଦା କରିଦେଇଥିବା ଅଭିଯୋଗ କରିଛନ୍ତି ସବିତା ।
ତେବେ ନିଜର ଅଧିକାର ସାବ୍ୟସ୍ତ କରିବା ସହ ନ୍ୟାୟ ଦାବିରେ ବିଳମ୍ବିତ ରାତି ଯାଏ ସବିତା ତାଙ୍କ ଶଶୁର ଘର ଆଗରେ ଧାରଣାରେ ବସିଛନ୍ତି । ଦୀର୍ଘ ସମୟଧରି ଶ୍ବଶୁର ଘର ଆଗରେ ବସିରହିଥିବା ବେଳେ ସବିତାଙ୍କ ସ୍ୱାମୀର ଦେଖାମିଳିନଥିଲା । ଏ ଘଟଣାକୁ ନେଇ ସବିତାଙ୍କ ଭାଇ ବାଂଶଡା ଥାନାରେ ଲିଖିତ ଅଭିଯୋଗ କରିଛନ୍ତି ।
