ସାକାର ହେବ ବଲାଙ୍ଗିରବାସୀଙ୍କ ସ୍ୱପ୍ନ:ଉଦଘାଟନ ହେବ ମେଡିକାଲ କଲେଜ
ବଲାଙ୍ଗିର : ଆଜି ବଲାଙ୍ଗିର ମେଡିକାଲ କଲେଜ ଓ ହସ୍ପିଟାଲକୁ ଉଦଘାଟନ କରିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ମେଡିକାଲ କଲେଜ ଓ ହସ୍ପିଟାଲର ନାଁ ଭୀମଭୋଇ ମେଡିକାଲ କଲେଜ ଓ ହସ୍ପିଟାଲ ରଖାଯାଇଛି । ବହୁବର୍ଷ ହେବ ବଲାଙ୍ଗିରରେ ମେଡିକାଲ କଲେଜ ପ୍ରତିଷ୍ଠା ନେଇ ଦାବି ହୋଇ ଆସୁଥିଲା । ଶହେ ଏମବିବିଏସ ସିଟ୍ ବିଶିଷ୍ଟ ଏହି ମେଡିକାଲ କଲେଜରେ ଚଳିତ ଶିକ୍ଷା ବର୍ଷରୁ ପାଠ ପଢା ଆରମ୍ଭ ହୋଇଛି ।
ଆଜି ଆନୁଷ୍ଠାନିକ ଭାବେ ଏହାର ଉଦ୍ଘାଟନ ହେବ । ସେପଟେ ବାଲେଶ୍ୱର ଫକୀର ମୋହନ ମେଡିକାଲ କଲେଜ ଏବଂ ହସ୍ପିଟାଲକୁ ଆସନ୍ତା ୩ ତାରିଖ ଦିନ ଉଦ୍୍ଘାଟନ କରାଯିବ । ଏହି ମେଡିକାଲ କଲେଜରେ ଶହେଟି ଏମବିବିଏସ ସିଟ୍ ରହିଛି । ଚଳିତବର୍ଷରୁ ଏଠାରେ ପାଠପଢ଼ା ଆରମ୍ଭ ହୋଇଛି ।
