ବାଲିଗୁଡା: କରୋନା ମୁକାବିଲା ପାଇଁ ସମଗ୍ର ଦେଶରେ ଲକ୍ ଡାଉନ ଜାରି ହୋଇଛି । ଅତି ଜରୁରୀ କାମ ନଥିଲେ କେହି ବାହାରକୁ ନବାହାରିବାକୁ ପରାମର୍ଶ ଦିଆଯାଇଛି । ଏହି ଅବସରରେ ଜନସାଧାରଣ କିପରି ଘରେ ରହିବେ ସେନେଇ କନ୍ଧମାଳ ଜିଲ୍ଲା ବାଲିଗୁଡା ପୋଲିସ ପକ୍ଷରୁ ଆରମ୍ଭ ହୋଇଛି ନୂଆ ପ୍ରୟାସ । ବାଲିଗୁଡା ଏସ୍ଡିପିଓ ଓ ଆଇଆଇସିଙ୍କ ନେତୃତ୍ୱରେ ଅନେକ ପ୍ରତିଯୋଗିତା ଆରମ୍ଭ ହୋଇଛି ।
ଜନସାଧାରଣ ଘରେ ରହି କବିତା, ଗଳ୍ପ, ରଚନା ଆଦି ଲେଖି ଏକ ହ୍ଵାଟସ୍ ଆପ୍ ନମ୍ବରକୁ ପଠାଇବେ । ଯାହାର ଗଳ୍ପ ଓ କବିତା ଶ୍ରେଷ୍ଠ ହେବ ତାଙ୍କୁ ପୁରସ୍କୃତ କରାଯିବ । ଏହାସହ ଶ୍ରେଷ୍ଠ କବିତାକୁ ବାଲିଗୁଡା ଥାନା ଅଧିକାରୀ ଜନସାଧାରଣଙ୍କୁ ଟ୍ଵିଟ୍ର ମାଧ୍ୟମରେ ଶୁଣାଇବେ ବୋଲି ଏସ୍ଡିପିଓ ମାନସ ରଞ୍ଜନ ବାରିକ କହିଛନ୍ତି।