ଖୋର୍ଦ୍ଧା: ଜଙ୍କିଆ ଗୋଡିପଡାର ଏକ କୂଅରେ ଭାସୁଛି ମା ଓ ପୁଅର ମୃତଦେହ, ପୋଲିସ କଲା ଉଦ୍ଧାର
ଖୋର୍ଦ୍ଧା(କେନ୍ୟୁଜ୍): କୂଅରେ ଭାସୁଛି ମା ଓ ପୁଅର ମୃତଦେହ । ଏପରି ଘଟଣା ଦେଖିବାକୁ ମିଳିଛି ଖୋର୍ଦ୍ଧା ଜିଲା ଜଙ୍କିଆ ଥାନା ଅନ୍ତର୍ଗତ ଗୋଡିପଡା ଗ୍ରାମରେ । ଏହି ଗ୍ରାମର ମନୋଜ ଶ୍ରୀଚନ୍ଦନଙ୍କ ପତ୍ନୀ ବର୍ଷା ଶ୍ରୀଚନ୍ଦନ ଓ ତାଙ୍କ ୬ ବର୍ଷର ପୁଅର ମୃତଦେହ ଆଜି ସନ୍ଧ୍ୟାରେ କୂଅରେ ଭାସୁଥିବା ଗ୍ରାମବାସୀ ଦେଖିବାକୁ ପାଇଥିଲେ। ପରେ ଜଙ୍କିଆ ପୋଲିସକୁ ଖବର ଦେଇଥିଲେ ।
ପୋଲିସ ଘଟଣା ସ୍ଥଳରେ ପହଞ୍ଚି ମୃତଦେହକୁ କୂଅରୁ କାଢି ବ୍ୟବଛେଦ ପାଇଁ ଖୋର୍ଦ୍ଧା ମୁଖ୍ୟ ଚିକିତ୍ସାଳୟକୁ ପଠାଇବା ସହ ଅଧିକ ତଦନ୍ତ ଜାରି ରଖିଛି । ମୃତ୍ୟୁର କାରଣ ଏଯାବତ ଅସ୍ପଷ୍ଟ ରହିଛି। ।
