ପୁରୀ(କେନ୍ୟୁଜ୍): ପୁରୀକୁ ବିଶ୍ୱସ୍ତରୀୟ ଐତିହ୍ୟ ସହର କରାଯିବ । ଆଗାମୀ ୩ ବର୍ଷରେ ୩୨୦୮ କୋଟି ଟଙ୍କା ଖର୍ଚ୍ଚ ହେବ । ହେରିଟେଜ ସିକ୍ୟୁରିଟି ଜୋନ, ଶ୍ରୀସେତୁ ପ୍ରକଳ୍ପ, ବ୍ୟକ୍ତିଗତ କ୍ଷତିପୂରଣ ବାବଦ ପ୍ରକଳ୍ପ, ବହୁମୁଖୀ କାର ପାର୍କିଂ ଜେଲ ରୋଡରେ ହେବ । ୪୦୦ ଭେଣ୍ଡରଙ୍କ ପାଇଁ ଘର ହେବ । ସେହିପରି ମଡେଲ କମ୍ପେକ୍ସ, ମ୍ୟୁନିସିପାଲିଟି ମାର୍କେଟର ପୁନଃଉଦ୍ଧାର ହେବ । ଏମିତି ୧୫ ପ୍ରକଳ୍ପ ରାଜ୍ୟ ସରକାର ଅନୁମୋଦନ କରିଛନ୍ତି। ଲୋକସେବା ଭବନରେ ବସିଥିବା ରାଜ୍ୟ କ୍ୟାବିନେଟ ବୈଠକରେ ଏହି ଗୁରୁତ୍ୱପୂର୍ଣ୍ଣ ନିଷ୍ପତ୍ତି ହୋଇଛି। ମୋଟ ୧୦ଟି ନିଷ୍ପତ୍ତିରେ କ୍ୟାବିନେଟ ମୋହର ମାରିଛି । ଅବଢା ଯୋଜନାକୁ କ୍ୟାବିନେଟ୍ର ମଞ୍ଜୁରୀ ଦେଇଛି । ଏହାସହ ପୁରୀରେ ଫନି ବାତ୍ୟା ଯୋଗୁଁ ଅନେକ କ୍ଷୟକ୍ଷତି ହୋଇଛି। ଏହାକୁ ଦୃଷ୍ଟିରେ ରଖି ୧୦ ଏକର ଜାଗାରେ ପୁରୀ ଜିଲ୍ଲାପାଳଙ୍କ କାର୍ଯ୍ୟାଳୟ ନିର୍ମାଣ ହେବ। ତାକୁ ପୁରୀ ଲୋକସେବା ଭବନ ନାମରେ ନାମିତ କରାଯିବ ବୋଲି ବୈଠକରେ ନିଷ୍ପତ୍ତି ହୋଇଛି।