ସ୍ବାମୀଙ୍କୁ ନ୍ୟାୟ ଦେବା ଦାବିରେ ଚାନ୍ଦବାଲି ତହସିଲ ଅଫିସ୍ ଆଗରେ ମହିଳାଙ୍କ ଅନଶନ
ଚାନ୍ଦବାଲି: ଜମିଜମା ବାବଦକୁ କେନ୍ଦ୍ର କରି ଚଳିତ ମାସ ୪ ତାରିଖରେ ଚାନ୍ଦବାଲି ସହରର ଦିଲିପ ସାହୁ ନାମକ ଜଣେ ବ୍ୟକ୍ତିକୁ ତାର ପ୍ରତିପକ୍ଷ ବଜାର ଉପର ମାଡ ମାରିବା ସହ ଅଧାମରା କରି ଛାଡି ପଳାଇଥିଲେ । ଏହି ଘଟଣାରେ ଉଭୟ ତରଫରୁ ଚାନ୍ଦବାଲି ଥାନାରେ ଲିଖିତ ଅଭିଯୋଗ କଲାପରେ ପୋଲିସ ୨ଟି ମାମଲା ରୁଜୁ କରି ତଦନ୍ତ ଚଳାଇଥିଲା।
ତେବେ ଦିଲିଫ ଚିକିତ୍ସିତ ହୋଇ ଘରକୁ ଫେରିବା ପରେ ନ୍ୟାୟ ଦାବିରେ ଦିଲିପ ଓ ତାଙ୍କ ପତ୍ନୀ ଚାନ୍ଦବାଲି ତହସିଲଦାର ଅଫିସ୍ ଆଗରେ ଅନଶନରେ ବସିଛନ୍ତି । ତେବେ ପୋଲିସ ଖବର ପାଇ ଅନଶନ ସ୍ଥଳରୁ ଦିଲିପକୁ ଥାନାକୁ ନେଇ ଯାଇଥିବା ବେଳେ ତାଙ୍କ ପତ୍ନୀ ଅନଶନରେ ସେମିତି ବସିଛନ୍ତି। ମରଣାନ୍ତକ ଆକ୍ରମଣ କରି ଲହୁଲୁହାଣ କରିଥିବା ଅଭିଯୁକ୍ତଙ୍କୁ ପୋଲିସ ଗିରଫ କରୁନାହିଁ ବୋଲି ଅଭିଯୋଗ କରିଛନ୍ତି ଦିଲିପଙ୍କ ପତ୍ନୀ।
