ନୂଆଦିଲ୍ଲୀ : ନୋକିଆ ବ୍ରାଣ୍ଡର ହ୍ଯାଣ୍ଡସେଟ୍ ର୍ନିମାତା କମ୍ପାନି HMD Global ଭାରତରେ ଲଞ୍ଚ କରିଛି ନିଜର ନୂଆ ସ୍ଲାଇଡ଼ର ଫିଚର ଫୋନ୍ ନୋକିଆ ୮୧୧୦ ଫୋନ୍ । ଏହି ଫିଚର ଫୋନର ସବୁଠାରୁ ଖାସ କଥା ହେଉଛି ଏହା ଗୁଗୁଲ ଆସିଷ୍ଟାଣ୍ଟ ସପୋର୍ଟର ସହିତ ରହିଛି। ଏଥିରେ ଗ୍ରାହକଙ୍କୁ ଫେସବୁକ୍, ଟ୍ବିଟର ଏବଂ ଅନ୍ଯାନ ସମସ୍ତ ଆପ୍ସ ମଧ୍ୟ ମିଳିବ। ଏହା ୪ଜି ଫୋନ ହେବା ସହ ଏଥିରେ ହଟସ୍ପଟର ମଧ୍ୟ ସୁବିଧା ମିଳିବ। ଯଦି ଗ୍ରାହକ ଚାହିଁବେ ତେବେ ନିଜର ୪ଜି ଡ଼ାଟା ଆଉ କାହା ସହ ଶେୟାର ମଧ୍ୟ କରିପାରିବେ।
ଏହି ମୋବାଇଲର ମୂଲ୍ଯ ୫,୯୯୯ ଟଙ୍କା ରହିଥିବା ବେଳେ ଏହାର ବିକ୍ରି ଭାରତରେ ୨୪ ଅକ୍ଟୋବରରୁ ଆରମ୍ଭ ହେବାକୁ ଯାଉଛି। ଏହାକୁ କମ୍ପାନି ବ୍ଲାକ୍ ଏବଂ ବାନାନା ୟେଲୋରେ ରଙ୍ଗରେ ଉପଲବ୍ଧ କରାଯାଉଛି।
କଣ ରହିଛି ଫିଚର
ନୋକିଆ ମୋବାଇଲର ଡ଼ିସପ୍ଲେ ୨.୪ଇଞ୍ଚ ରହିଥିବା ବେଳେ କ୍ଲାଲକମ୍ ସ୍ନାପଡ଼୍ରାଗନ୍ ୨୦୫ ମୋବାଇଲ ପ୍ଲାଟଫର୍ମକୁ ସାମିଲ କରାଯାଇଛି। ଏଥିରେ ୫୧୨ ଏମବି ରାମ୍ ରହିବା ସହ ୪ଜିବି ଇଣ୍ଟରନ୍ଯାଲ ଷ୍ଟୋରେଜକୁ ସାମିଲ କରାଯାଉଛି। ମୋବାଇଲଟି ପୋଟେକ୍ଟିଭ୍ କଭର ସହିତ ଆସୁଛି। ଆଗଭଳି ଏଥିରେ କଲ ପିକ୍ ଅପ୍ କରିବା ପାଇଁ ସ୍ଲାଇଡ଼କୁ ଓପନ କରିବାକୁ ପଡ଼ିବ।
ନୋକିଆ ୮୧୧୦ ମୋବାଇଲରେ ୨ଏମପି କ୍ଯାମେରା ରହିଥିବା ବେଳେ ୧୫୦୦MAHର ବ୍ଯାଟେରୀ ରହିଛି। କମ୍ପାନି ଅନୁଯାୟୀ ଏହି ମୋବାଇଲର ବ୍ଯାଟେରୀ ବ୍ଯାକ୍ଅପ୍ ୭ଘଣ୍ଟାର ଟକଟାଇମ୍ ଦେବା ସହ ୨୫ଦିନର ଷ୍ଟାଣ୍ଟଟାଇମ୍ ଦେଇ ପାରିବ।
ଏହି ମୋବାଇଲ ସହ ନୋନିଆ କିଛି ସ୍ମାର୍ଟଫୋନ ମଧ୍ୟ ଲଞ୍ଚ କରିଛି। ନୋକିଆ ୩.୧ ପ୍ଲସରେ ଡ଼ୁଆଲ କ୍ଯାମେରା ସହ ୬ଇଞ୍ଚର ଡ଼ିସପ୍ଲେ ମଧ୍ୟ ଦିଆଯାଇଛି।