ଲଞ୍ଚ ହେଲା Xiaomi 11i Hyperchrage 5G : ମାତ୍ର ୧୫ ମିନିଟରେ ଫୁଲ୍ ଚାର୍ଜ ହେବ ଏହି ସ୍ମାର୍ଟଫୋନ ,ଦାମ୍ ରହିଛି ୨୬,୯୯୯ ଟଙ୍କା
ଭାରତରେ Xiaomi 11i HyperCharge 5G ଏବଂ Xiaomi 11i 5G ସ୍ମାର୍ଟଫୋନ୍ ଲଞ୍ଚ ହୋଇଛି । ଏଥିମଧ୍ୟରୁ ଜିଆଓମି 11i ହାଇପରଚାର୍ଜ 5G ହେଉଛି ଭାରତର ଦ୍ରୁତତମ ଚାର୍ଜିଂ ସ୍ମାର୍ଟଫୋନ୍ । ଏହା ସହିତ 120W ଚାର୍ଜିଂ ପାଇଁ ସପୋର୍ଟ ଅଛି, କମ୍ପାନୀ କହିଛି ଯେ ଫୋନର ବ୍ୟାଟେରୀ ମାତ୍ର ୧୫ ମିନିଟରେ ପୂର୍ଣ୍ଣ ହେବ ।Xiaomi 11i ସିରିଜର ଏହି ଦୁଇଟି ଫୋନରେ 120Hz ରିଫ୍ରେଶରେଟ ସହିତ ସୁପର AMOLED ଡିସପ୍ଲେ ଅଛି । 120W ଚାର୍ଜର Xiaomi 11i HyperCharge 5G ସହିତ ଉପଲବ୍ଧ ହେବ ଏବଂ ୩,୯୯୯ ଟଙ୍କାରେ ମଧ୍ୟ ପୃଥକ ଭାବରେ ବିକ୍ରି ହେବ ।
ଭାରତରେ Xiaomi 11i HyperCharge 5G, Xiaomi 11i 5G ମୂଲ୍ୟ
Xiaomi 11i HyperCharge 5G ର 6 GB RAM ସହିତ 128 GB ଷ୍ଟୋରେଜର ମୂଲ୍ୟ ୨୬,୯୯୯ ଟଙ୍କା ଥିବାବେଳେ 8 GB RAM ସହିତ 128 GB ଷ୍ଟୋରେଜ୍ର ମୂଲ୍ୟ ୨୮,୯୯୯ ଟଙ୍କା ରଖାଯାଇଛି ।Xiaomi 11i 5G ର 6 GB RAM ସହିତ 128 GB ଷ୍ଟୋରେଜ୍ର ମୂଲ୍ୟ ୨୪,୯୯୯ ଟଙ୍କା ଥିବାବେଳେ 8 GB RAM ସହିତ 128 GB ଷ୍ଟୋରେଜ୍ର ମୂଲ୍ୟ ୨୬,୯୯୯ ଟଙ୍କା ରଖାଯାଇଛି । Xiaomi 11i HyperCharge 5G ଏବଂ Xiaomi 11i 5G ଜାନୁଆରୀ ୧୨ ରୁ Flipkart, Mi.com, Mi Home ଷ୍ଟୋର୍ ଏବଂ ଅଫଲାଇନ୍ ଷ୍ଟୋର ମାଧ୍ୟମରେ ବିକ୍ରି ହେବ । ଲଞ୍ଚିଂ ଅଫର ଅନୁଯାୟୀ, ଏସବିଆଇ କାର୍ଡ ସହିତ ୨୫୦୦ ଟଙ୍କା ପର୍ଯ୍ୟନ୍ତ କ୍ୟାସବ୍ୟାକ୍ ଉପଲବ୍ଧ ହେବ ।
Xiaomi 11i HyperCharge 5G ର ସ୍ପେସିଫିକେସନ
Xiaomi 11i Hyperchrage 5G, Android 11 ଏବଂ MIUI 12.5 ଦ୍ୱାରା ପରିଚାଳିତ । ଏହାର 6.67 – ଇଞ୍ଚ ଫୁଲ୍ HD + ସୁପର AMOLED ଡିସପ୍ଲେ ସହିତ 1080×2400 ପିକ୍ସେଲ ଅଛି । ଡିସପ୍ଲେ ରିଫ୍ରେଶରେଟ ହେଉଛି 120Hz ଏବଂ ବ୍ରାଇଟନେସ ହେଉଛି 1,200 ନଟ୍ । ଏହି ଫୋନରେ ମିଡିଆଟେକ ଡାଇମେନସିଟି 920 ପ୍ରୋସେସର, 8 GB ପର୍ଯ୍ୟନ୍ତ LPDDR4x RAM ଏବଂ 128 GB ପର୍ଯ୍ୟନ୍ତ ଷ୍ଟୋରେଜ୍ ଅଛି ।
Xiaomi 11i HyperCharge 5G ର କ୍ୟାମେରା
କ୍ୟାମେରା କହିଲେ ଏଥିରେ ଟ୍ରିପଲ ରିୟର କ୍ୟାମେରା ରହିଛି ପ୍ରାଇମେରୀ ଲେନ୍ସ 108 MP ର ହୋଇଥିବାବେଳେ, 8 MP ର ଅଲ୍ଟ୍ରା ୱାଇଡ ଏବଂ 2 MP ର ମାକ୍ରୋ ସେନ୍ସର ଦିଆଯାଇଛି । ସେଲ୍ଫୀ ପାଇଁ ଫୋନରେ 16 MP ର ଫ୍ରଣ୍ଟ କ୍ୟାମେରା ରହିଛି ।
Xiaomi 11i HyperCharge 5G ବ୍ୟାଟେରୀ
ଫୋନରେ 4,500 mAhର ବ୍ୟାଟେରୀ 120 W ର ଫାଷ୍ଟ ଚାର୍ଜିଂ ସପୋର୍ଟ ରହିଛି । କମ୍ପାନୀ ଏଥିରେ ଚାର୍ଜର ମଧ୍ୟ ଦେଇଛି । କମ୍ପାନୀର ଦାବି ରହିଛି ଏହି ଚାର୍ଜର ଦ୍ୱାରା ଫୋନର ବ୍ୟାଟେରୀ କେବଳ ୧୫ ମିନିଟରେ ୧୦୦ ପ୍ରତିଶତ ଚାର୍ଜ ହୋଇଯିବ । ଏଥିରେ IP 53 ୱାଟର ଏବଂ ଡଷ୍ଟ ପ୍ରୁଫ୍ ମଧ୍ୟ ରହିଛି ।
Xiaomi 11i 5G ର ସ୍ପେସିଫିକେସନ
ଏଥିରେ ଆଣ୍ଡ୍ରଏଡ୍ 11 ଆଧାରିତ MIUI 12.5 ମଧ୍ୟ ଅଛି । ଏହି ଫୋନରେ 6.67 ଇଞ୍ଚ ଫୁଲ୍ HD ପ୍ଲସ୍ ସୁପର AMOLED ଡିସପ୍ଲ ଅଛି । ଡିସପ୍ଲେ ରିଫ୍ରେଶରେଟ ହେଉଛି 120Hz । ବ୍ରାଇଟନେସ 1,200 ନଟ୍ । ଏହି ଫୋନରେ ମିଡିଆଟେକ ଡାଇମେନସିଟି ୯୨୦ ପ୍ରୋସେସର , 8 GB ପର୍ଯ୍ୟନ୍ତ LPDDR4x RAM ଏବଂ 128 GB ପର୍ଯ୍ୟନ୍ତ ଷ୍ଟୋରେଜ୍ ଅଛି ।
Xiaomi 11i 5G କ୍ୟାମେରା
Xiaomi 11i HyperCharge 5G ର ତିନୋଟି ପଛ କ୍ୟାମେରା ଅଛି, ଯେଉଁଥିରେ ପ୍ରାଥମିକ ଲେନ୍ସ ହେଉଛି 108 ମେଗାପିକ୍ସେଲ ସାମସଙ୍ଗ HM2 ସେନସର, ଯାହାର f / 1.89 ର ଆପେଚର ଅଛି । ଦ୍ୱିତୀୟ ଲେନ୍ସ ହେଉଛି ୮ମେଗାପିକ୍ସେଲ ଅଲ୍ଟ୍ରା ଚଉଡା ଏବଂ ତୃତୀୟ ଲେନ୍ସ ହେଉଛି ୨ ମେଗାପିକ୍ସେଲ ମାକ୍ରୋ । ଆଗରେ 16 ମେଗାପିକ୍ସେଲ କ୍ୟାମେରା ଅଛି।
Xiaomi 11i 5G ବ୍ୟାଟେରୀ
କନେକ୍ଟିଭିଟି ପାଇଁ ଡୁଆଲ୍ 5G, 4G LTE, ୱାଇ-ଫାଇ 6, ବ୍ଲୁଟୁଥ୍ v5.2, GPS / A-GPS ଏବଂ USB Type-C ପୋର୍ଟ ବ୍ୟତୀତ 3.5 ମିଲିମିଟର ହେଡଫୋନ୍ ଜ୍ୟାକ୍ ଅଛି । ଫୋନରେ ସାଇଡ୍ ମାଉଣ୍ଟେଡ୍ ଫିଙ୍ଗର ପ୍ରିଣ୍ଟ୍ ସେନ୍ସର ଦିଆଯାଇଛି ।ଏଥିରେ ଡଲବି ଆଟମୋସ୍ ଏବଂ ହାଇ-ରେସ୍ ଅଡିଓ ପାଇଁ ସମର୍ଥନ ସହିତ ଡୁଆଲ୍ ସ୍ପିକର ଅଛି । 67W ଫାଷ୍ଟ ଚାର୍ଜିଂ ସହିତ ଏହାର 5160mAh ଡୁଆଲ୍ ସେଲ୍ ବ୍ୟାଟେରୀ ଅଛି ।
