ରବିବାର କିପରି ହେଲା ଛୁଟିଦିନ? ଜାଣନ୍ତୁ ଏହା ପଛର କାହାଣୀ
ଛୁଟିଦିନ ମାନେ ସମସ୍ତଙ୍କ ମନରେ ଆସେ ରବିବାର । କାରଣ ବିଶ୍ୱର ଅଧିକାଂଶ ଲୋକଙ୍କ ପାଇଁ ସପ୍ତାହରେ ଗୋଟିଏ ଛୁଟି ଦିନ ଥାଏ ଏବଂ ତାହା ହେଉଛି ରବିବାର । କିନ୍ତୁ ଆପଣ କେବେ ଚିନ୍ତା କରିଛନ୍ତି କି ଛୁଟି ପାଇଁ କେବଳ ରବିବାର ହିଁ କାହିଁକି ଆଉ କୌଣସି ବାର କାହିଁକି ନୁହେଁ? ବାସ୍ତବରେ, ଏହା ପଛରେ କାହାଣୀ କ’ଣ?
ଛୁଟିଦିନ ମାନେ ସମସ୍ତଙ୍କ ମନରେ ଆସେ ରବିବାର । କାରଣ ବିଶ୍ୱର ଅଧିକାଂଶ ଲୋକଙ୍କ ପାଇଁ ସପ୍ତାହରେ ଗୋଟିଏ ଛୁଟି ଦିନ ଥାଏ ଏବଂ ତାହା ହେଉଛି ରବିବାର । ଜଣେ ବ୍ୟକ୍ତି ପୁରା ସପ୍ତାହ ରବିବାର ପାଇଁ ଅପେକ୍ଷା କରିଥାଏ । ଏହି ଦିନ ଅଫିସଠାରୁ ଆରମ୍ଭ କରି ସ୍କୁଲ ପର୍ଯ୍ୟନ୍ତ ସବୁକିଛି ଛୁଟି ଥାଏ । କିନ୍ତୁ ଆପଣ କେବେ ଚିନ୍ତା କରିଛନ୍ତି କି ଛୁଟି ପାଇଁ କେବଳ ରବିବାର ହିଁ କାହିଁକି ଆଉ କୌଣସି ବାର କାହିଁକି ନୁହେଁ? ବାସ୍ତବରେ, ଏହା ପଛରେ କାହାଣୀ କ’ଣ? ତେବେ ଆଜି ଆମେ ଆପଣଙ୍କୁ ଏହି ବିଷୟରେ ସମ୍ପୂର୍ଣ୍ଣ କଥା ଜଣାଇବୁ ବାସ୍ତବରେ କେଉଁଠାରୁ ଆରମ୍ଭ ହେଲା ଏହି ରବିବାର ଛୁଟି?
ସୂଚନାନୁସାରେ, ପୂର୍ବରୁ ଭାରତରେ ବ୍ରିଟିଶ ଶାସନ ସମୟରେ ଶ୍ରମିକମାନଙ୍କୁ ପ୍ରତିଦିନ କାମ କରିବାକୁ ଦିଆଯାଉଥିଲା, ସାପ୍ତାହିକ ଛୁଟି ନଥିଲା । ତେବେ ସେହି ସମୟରେ ସପ୍ତାହକୁ ଗୋଟିଏ ଦିନ ଛୁଟି ପାଇଁ ମଧ୍ୟ ଏକ ଆନ୍ଦୋଳନ ହୋଇଥିଲା । ସୂଚନା ଅନୁଯାୟୀ, ରବିବାର ଛୁଟି ପାଇଁ ସମସ୍ତ ଶ୍ରେୟ ୟୁରୋପର ରୋମାନ୍ ଅମ୍ପାୟାରଙ୍କୁ ଦିଆଯିବା ଉଚିତ୍ । ଯାହା ପରଠାରୁ ଏହା ୟୁରୋପରେ ବ୍ୟାପିଗଲା ଏବଂ ପରେ ଧୀରେ ଧୀରେ ରବିବାରକୁ ସମଗ୍ର ବିଶ୍ୱରେ ଛୁଟି ଦିନ ଭାବେ ଘୋଷଣା କରାଗଲା ।
ଏହି ଦିନ ସୂର୍ଯ୍ୟ ପୂଜା ମଧ୍ୟ କରାଯାଏ:
ଆପଣଙ୍କୁ କହି ରଖୁଛୁ ଯେ ସମସ୍ତ ପ୍ରାଚୀନ ସଭ୍ୟତାରେ ରବିବାର ଦିନ ଭଗବାନ ସୂର୍ଯ୍ୟଙ୍କୁ ପୂଜା କରାଯାଏ । କାରଣ ଲୋକମାନେ ଏକ ନିର୍ଦ୍ଦିଷ୍ଟ ଦିନରେ ଭଗବାନଙ୍କୁ ଉପାସନା କରୁଥିଲେ, ଏହି ଦିନକୁ ‘ରବିବାର’ ଅର୍ଥାତ୍ ସୂର୍ଯ୍ୟ ଦିବସ ଭାବରେ ଘୋଷଣା କରାଯାଇଥିଲା । ଯେତେବେଳେ ଚର୍ଚ୍ଚ ଗଠନ ହେଲା, ଲୋକମାନେ ଏହି ଦିନ ପ୍ରାର୍ଥନା ପାଇଁ ସେଠାକୁ ଯିବା ଆରମ୍ଭ କଲେ । ତେଣୁ ଲୋକଙ୍କ ଭାବନାକୁ ସମ୍ମାନ ଜଣାଇ ସର୍ବସମ୍ମତି କ୍ରମେ ‘ରବିବାର’କୁ ଛୁଟିଦିନ ଭାବେ ଘୋଷଣା କରିବାକୁ ନିଷ୍ପତ୍ତି ନିଆଗଲା ।
ଚତୁର୍ଥ ଶତାବ୍ଦୀରେ ରୋମାନ୍ ସମ୍ରାଟ:
୩୨୧ ଖ୍ରୀଷ୍ଟାବ୍ଦରେ ସମ୍ରାଟ କନଷ୍ଟାଣ୍ଟାଇନ ରବିବାରକୁ ଏକ ସାଧାରଣ ଛୁଟି ଭାବରେ ଘୋଷଣା କରିଥିଲେ । ସାତ ଦିନର ରୋମାନ ସପ୍ତାହରେ ରବିବାରକୁ ଏକ ସାଧାରଣ ଛୁଟିଦିନ କରାଯିବାକୁ ସେ ନିର୍ଦ୍ଦେଶ ଦେଇଥିଲେ । ଏଥିପାଇଁ ସେ ପ୍ରଥମ ନାଗରିକ ଆଇନ ପ୍ରଣୟନ କରିଥିଲେ । ତେବେ ଏହିଦିନ କୃଷକମାନେ କାମ କରିପାରିବେ ବୋଲି ମଧ୍ୟ ସେ କହିଥିଲେ । ସୂଚନା ଅନୁଯାୟୀ, ଏହି ଧାରଣା ସମଗ୍ର ୟୁରୋପରେ ବ୍ୟାପିଗଲା । ଯେତେବେଳେ ୟୁରୋପ ଏବଂ ଆମେରିକାର ଜନସଂଖ୍ୟାର ଅଧିକାଂଶ ଲୋକ ଖ୍ରୀଷ୍ଟିଆନ ହେଲେ, ସେମାନେ ଏହି ଦିନ ଚର୍ଚ୍ଚକୁ ଯାଇ ସେଠାରେ ପ୍ରାର୍ଥନା କରିବା ଆରମ୍ଭ କଲେ ।
ତେବେ ଆସନ୍ତୁ ଜାଣିବା ଭାରତରେ ରବିବାର କିପରି ଭାବେ ଛୁଟିଦିନ ହେଲା?
ମହାରାଷ୍ଟ୍ରର ଶ୍ରମିକ ନେତା ନାରାୟଣ ମେଘାଜୀ ଲୋଖଣ୍ଡେଙ୍କୁ ରବିବାର ଦିନ ଭାରତରେ ଛୁଟି ଘୋଷଣା କରିବା ପାଇଁ ସମସ୍ତ ଶ୍ରେୟ ଦିଆଯାଇଛି । ସୂଚନା ଅନୁଯାୟୀ, ବ୍ରିଟିଶମାନଙ୍କ ଆଗମନ ପରେ ଭାରତରେ ଶ୍ରମିକମାନଙ୍କୁ ସପ୍ତାହର ସମସ୍ତ ସାତ ଦିନ କାମ କରିବାକୁ ପଡୁଥିଲା । ତାଙ୍କ ପାଇଁ କୌଣସି ଦିନ ଛୁଟି ନଥିଲା । ଯେଉଁଠାରେ ବ୍ରିଟିଶ ଶାସକ ଏବଂ ତାଙ୍କ କର୍ମଚାରୀମାନେ ରବିବାରକୁ ଛୁଟିଦିନ ଭାବରେ ପାଳନ କରୁଥିଲେ । କିନ୍ତୁ ଯେତେବେଳେ ଟ୍ରେଡ ୟୁନିଅନ ପରି ସଂଗଠନଗୁଡ଼ିକ ଭାରତରେ ସୃଷ୍ଟି ହେବାକୁ ଲାଗିଲେ, ସେମାନେ ଶ୍ରମିକମାନଙ୍କୁ ଗୋଟିଏ ଦିନ ଛୁଟି ଦେବା ପାଇଁ ବ୍ରିଟିଶମାନଙ୍କ ଆଗରେ ସ୍ୱର ଉତ୍ତୋଳନ କଲେ । ଏହା ପରେ, ୭ ବର୍ଷ ପାଇଁ ଏହି ପ୍ରସଙ୍ଗରେ ଏକ ଆନ୍ଦୋଳନ ଚାଲିଥିଲା । ଶେଷରେ, ଜୁନ୍ ୧୦ ୧୮୯୦ ରେ ବ୍ରିଟିଶ ସରକାର ରବିବାରକୁ ଶ୍ରମିକ ଏବଂ ଅନ୍ୟମାନଙ୍କ ପାଇଁ ଛୁଟି ଦିନ ଭାବେ ଘୋଷଣା କଲେ । ତେବେ ଏହି ପରି ଭାବେ ଆରମ୍ଭ ହୋଇଥିଲା ରବିବାର ଛୁଟି ଯାହା ଆଜି ପର୍ଯ୍ୟନ୍ତ ମଧ୍ୟ ଚାଲିଆସୁଛି ।
