୧୨ ଦିନ ପରେ ପେଟ୍ରୋଲ-ଡିଜେଲ୍ ସାଧାରଣ ଗ୍ରାହକଙ୍କୁ ଝଟକା ଦେଇଛି। ସରକାରୀ ତେଲ କମ୍ପାନୀମାନେ ରବିବାର ଡିଜେଲ୍ ଦାମରେ ୧୬ ପ୍ରତିଶତ ଲିଟର ପିଛା ବୃଦ୍ଧି କରିଛନ୍ତି । ତେବେ ପେଟ୍ରୋଲ୍ ଦାମରେ କିଛି ବୃଦ୍ଧି ଦେଖିବାକୁ ମିଳିନି । ଦିଲ୍ଲୀରେ ଲିଟର ପେଟ୍ରୋଲ୍ ଦାମ୍ ୮୦.୪୩ ଟଙ୍କା ପ୍ରତି ଲିଟର ସ୍ଥିର ଥିବାବେଳେ ଡିଜେଲ୍ ପାଇଁ ଏବେ ଆପଣଙ୍କୁ ୮୦.୯୪ ଟଙ୍କା ଦେବାକୁ ପଡିବ। ଶନିବାର ଦିଲ୍ଲୀରେ ପେଟ୍ରୋଲ ଦାମ୍ ୮୦.୪୩ ଟଙ୍କା ପ୍ରତି ଲିଟର ଓ ଡିଜେଲ୍ ୮୦.୭୮ ଟଙ୍କା ପ୍ରତି ଲିଟର ଥିଲା ।
ପ୍ରତିଦିନ ସକାଳ ୬ଟାରେ ପେଟ୍ରୋଲ୍ ଓ ଡିଜେଲ୍ ଦାମରେ ପରିବର୍ତ୍ତନ ହୋଇଥାଏ । ସକାଳ ୬ଟାରେ ନୂଆ ଦର ଲାଗୁ ହୁଏ । ପେଟ୍ରୋଲ୍ ଓ ଡିଜେଲ୍ ଦାମରେ ଏକ୍ସସାଇଜ ଡ୍ୟୁଟି, ଡିଲର କମିଶନ ଓ ଅନ୍ୟ ଜିନିଷ ଯୋଡିବା ପରେ ଏହାର ଦାମ୍ ପ୍ରାୟ ଦୁଇଗୁଣା ହୋଇଯାଏ ।
ସେହିପରି ମୁମ୍ବାଇରେ ପେଟ୍ରୋଲ ଦାମ ୮୭.୧୯ ଟଙ୍କା ଏବଂ ଡିଜେଲ ଦାମ ୭୯.୧୭ ଟଙ୍କା ରହିଛି। କଲିକତାରେ ପେଟ୍ରୋଲ ଓ ଡିଜେଲ ଦାମ ଯଥାକ୍ରମେ ୮୨.୧୦ ଏବଂ ୭୬.୦୫ ଟଙ୍କା ରହିଛି। ଭୁବନେଶ୍ୱରରେ ପେଟ୍ରୋଲ ଏବଂ ଡିଜେଲ ଦାମ୍ ୮୧.୦୫ ରହିଥିବା ବେଳେ ଡିଜେଲ ଦାମ୍ ୭୯.୦୭ ଟଙ୍କା ରହିଛି।