କିଣନ୍ତୁ ସେଫ୍ଟି ଫିଚର୍ ଥିବା ୪ ଟି ଟପ୍ କାର୍
ଯଦି ଆପଣ ଏକ କାର କିଣିବାକୁ ବର୍ତ୍ତମାନ ଯୋଜନା କରୁଛନ୍ତି, ତେବେ ସ୍ୱଳ୍ପ ବଜେଟରେ ବେଷ୍ଟ ସେଫ୍ ଫିଚର୍ ସହିତ ଆପଣଙ୍କ ପାଇଁ ରହିଛି ୪ ଟି ବେଷ୍ଟ କାର୍। ଭାରତରେ ଲଞ୍ଚ ହୋଇଥିବା ଏହି କାର୍ ସେଫ୍ଟି ରେଟିଂ କାର୍ ଭାବେ ଭଲ ରେଟିଙ୍ଗ ମଧ୍ୟ ପାଇଛି। ଯଦି ଆପଣଙ୍କ ବଜେଟ୍ କମ୍ ରହିଛି ତେବେ ମଧ୍ୟ ଆପଣ ଏହି କାର୍ କିଣିପାରିବେ। ସୁରକ୍ଷା ଦୃଷ୍ଟିରୁ ଏହି କାର୍ ଆପଣ କିଣିପାରିବେ।
ଅଧିକାଂଶ ଲୋକ କାର କିଣିବା ପୂର୍ବରୁ ସେମାନଙ୍କ ସୁରକ୍ଷା ସହିତ ଜଡିତ ସମସ୍ତ ପାରାମିଟରକୁ ଦେଖନ୍ତି। ବିଶେଷକରି କ୍ରାସ୍ ପରୀକ୍ଷଣରେ କାରର କ୍ୱାଲିଟି କ’ଣ ? ତାହା ସମସ୍ତେ ଜାଣିବାକୁ ଚେଷ୍ଟା କରନ୍ତି। ଭାରତରେ ମଧ୍ୟ ଏପରି କାର୍ ଅଛି, ଯାହାକୁ ସୁରକ୍ଷା କ୍ଷେତ୍ରରେ ୫ ଷ୍ଟାର ମୂଲ୍ୟାୟନ ମିଳିଛି। ତେବେ ଏହି କାର ଗୁଡ଼ିକର ଫିଚର୍ ଓ କ୍ରାସ୍ ପରୀକ୍ଷଣ କରିଛି ଏକ ଆନ୍ତର୍ଜାତୀୟ କମ୍ପାନୀ ଗ୍ଲୋବାଲ୍ NCAP।
ଆସନ୍ତୁ ଜାଣିବା ଏହି କାର୍ ସୁରକ୍ଷା :
୧. ଟାଟା ପଞ୍ଚ:
ଟାଟା କମ୍ପାନୀର ସବୁଠାରୁ ଛୋଟ SUV ଟାଟା ପଞ୍ଚ ୧୮ ଅକ୍ଟୋବର ୨୦୨୧ ରେ ଭାରତରେ ଲଞ୍ଚ କରାଯାଇଥିଲା। ସେବେଠାରୁ ଏହା ଗ୍ରାହକଙ୍କ ଅଧିକ ପସନ୍ଦ ଗାଡ଼ି। ଟାଟା ମୋଟର୍ସର ଏହା ହେଉଛି ତୃତୀୟ କାର ଯାହା ସୁରକ୍ଷା ଦୃଷ୍ଟିରୁ 5 ଷ୍ଟାର୍ ମୂଲ୍ୟାୟନ ପାଇଛି। ଏହା ମିନି ଏସୟୁଭି ସେଗମେଣ୍ଟର ଏକ କାର, ଯାହାର ମୂଲ୍ୟ ଅନେକ କାର ସହିତ ଟକ୍କର କରିପାରିବ। ନିକଟରେ ଗ୍ଲୋବାଲ୍ NCAP ଦ୍ୱାରା ଏହାକୁ ୫ ଷ୍ଟାର୍ ମୂଲ୍ୟାୟନ ଦିଆଯାଇଛି। ଏହା ବ୍ୟତୀତ, ଦୁଇଟି ଏୟାରବ୍ୟାଗ, ଏବିଏସ୍ ବ୍ରେକ୍ ଏବଂ ISOFIX ଆଙ୍କୋରେଜ୍ ସହିତ ସଜ୍ଜିତ ସବୁଠାରୁ ମୌଳିକ ସୁରକ୍ଷା ପାଇଁ ଟାଟା ପୁଞ୍ଚ ପରୀକ୍ଷା କରାଯାଇଥିଲା।
୨. ମହିନ୍ଦ୍ରା XUV300:
ମହିନ୍ଦ୍ରାଙ୍କ ଫ୍ଲାଗସିପ୍ ସବ୍-କମ୍ପାକ୍ଟ SUV XUV300 ମଧ୍ୟ ସୁରକ୍ଷିତ କାର ତାଲିକାରେ ଅଛି। ଏକ ହାଇ କ୍ଲାସ ସ୍ତରର ସୁରକ୍ଷା କାର୍ଯ୍ୟଦକ୍ଷତା ହାସଲ କରିବା ପାଇଁ XUV300 ଗ୍ଲୋବାଲ୍ NCAP ର ପ୍ରଥମ ‘ସୁରକ୍ଷା ପୁରସ୍କାର’ ଜିତିଛି। ବୟସ୍କଙ୍କ ପାଇଁ ଏହା ୫ ଷ୍ଟାର ମୂଲ୍ୟାୟନ ଏବଂ ଶିଶୁଙ୍କ ସୁରକ୍ଷା ପାଇଁ ୪ ଷ୍ଟାର୍ ମୂଲ୍ୟାୟନ ପାଇଛି।
୩. ଟାଟା ଆଲଟ୍ରୋଜ 5/5:
ଟାଟା ମୋଟର୍ସର ଅନ୍ୟ ଏକ ପ୍ରିମିୟମ୍ ହ୍ୟାଚ୍ ବ୍ୟାକ୍ କାର୍ ହେଉଛି ଟାଟା ଆଲଟ୍ରୋଜ, ଯାହା ଗ୍ଲୋବାଲ୍ ଏନସିଏପିରୁ ସୁରକ୍ଷା ଦୃଷ୍ଟିରୁ ୫ ଷ୍ଟାର୍ ମୂଲ୍ୟାୟନ ପାଇଛି। ଏହାର ପୂର୍ବ ଶୋ’ରୁମ୍ ମୂଲ୍ୟ ୫.୯୦-୯.୬୫ ଲକ୍ଷ ଟଙ୍କା। ନିରାପତ୍ତା ପାଇଁ, ଏଥିରେ ଦୁଇଟି ଏୟାରବ୍ୟାଗ ମଧ୍ୟ ଦିଆଯାଇଛି। କାରଟି ଉଭୟ ପେଟ୍ରୋଲ ଏବଂ ଡିଜେଲ ଭାରିଆଣ୍ଟରେ ମଧ୍ୟ ଉପଲବ୍ଧ। ଏହା ବ୍ୟତୀତ, ଅଲ୍ଟ୍ରୋଜ ଏହାର ଷ୍ଟେବୁଲ ଫ୍ରେମୱାର୍କ ପାଇଁ ଅନେକ ପ୍ରଶଂସା ପାଇଛି। ଗ୍ଲୋବାଲ ଏନସିଏପି କହିଛି ଯେ କାରଟି ମୁଣ୍ଡ ଓ ବେକକୁ ଭଲ ସୁରକ୍ଷା ଯୋଗାଇଥାଏ, ଆଗ ସିଟରେ ବସିଥିବା ଦୁଇ ଜଣ ବ୍ୟକ୍ତି ମଧ୍ୟ ଅଧିକ ସୁରକ୍ଷା ପାଇଥାନ୍ତି। କାରରେ ABS, EBD, ସ୍ଥିରତା ନିୟନ୍ତ୍ରଣ, ପାର୍କିଂ ସହାୟତା, ଭଏସ୍ ଆଲର୍ଟ ଭଳି ସୁରକ୍ଷା ଫିଚର୍ ରହିଛି।
୪. ଟାଟା ନକ୍ସନ୍ 5/5:
ଭାରତରେ ନିରାପତ୍ତା ଦୃଷ୍ଟିରୁ ଗ୍ଲୋବାଲ୍ ଏନସିଏପି ଦ୍ୱାରା ଟାଟା ନକ୍ସନ୍ ପ୍ରଥମ କାର୍ ଥିଲା। ଟାଟା ମୋଟର୍ସରୁ ଏହା ଏକ ବହୁତ ଲୋକପ୍ରିୟ ଗାଡ଼ି। ଏହାର ପୂର୍ବ ଶୋ’ରୁମ୍ ମୂଲ୍ୟ ୭.୩୦ ରୁ ୧୩.୩୫ ଲକ୍ଷ ଟଙ୍କା। 1.2L ଟର୍ବୋ ଚାର୍ଜଡ୍ ରେଭୋଟ୍ରନ୍ ପେଟ୍ରୋଲ୍ ଇଞ୍ଜିନ୍ ଏବଂ 1.5L ଟର୍ବୋ ଚାର୍ଜଡ୍ ରେଭୋଟ୍ରନ୍ ଡିଜେଲ ଇଞ୍ଜିନ୍ ଦ୍ୱାରା ଚାଳିତ ଏହି ଗାଡ଼ି। ଏହାର ଇନ୍ଧନ ଟ୍ୟାଙ୍କର କ୍ଷମତା ୪୪ ଲିଟର। ସୁରକ୍ଷା ପାଇଁ ଦୁଇଟି ଏୟାରବ୍ୟାଗ ମଧ୍ୟ ଅଛି। ଏହା ବ୍ୟତୀତ ବୟସ୍କଙ୍କ ସୁରକ୍ଷା ପାଇଁ ୫ ଷ୍ଟାର୍ ଏବଂ ଶିଶୁଙ୍କ ସୁରକ୍ଷା ପାଇଁ ୩ ଷ୍ଟାର୍ ତାରକା ଦିଆଯାଇଛି ଏହି ଗାଡ଼ିକୁ। ତେଣୁ ସୁରକ୍ଷା ପାଇଁ ଆପଣ ଏହି ଚାରିଟି ଗାଡ଼ି ମଧ୍ୟରୁ କୌଣସି ଗାଡ଼ି କିଣି ପାରିବେ।
