କାର ପଛରେ କାହିଁକି ଲେଖାଯାଇଥାଏ ‘L’? ଜାଣନ୍ତୁ କ’ଣ ଏହାର ଅର୍ଥ
ରାସ୍ତାରେ ଯିବା ଆସିବା କରିବା ସମୟରେ ଆପଣ ହୁଏତ ଏପରି ଅନେକ ଗାଡି ଦେଖିଥିବେ ଯେଉଁଥିରେ କାରର ଆଗରେ କିମ୍ବା ପଛରେ ଷ୍ଟିକର ଉପରେ L ଅକ୍ଷର ଲେଖା ଯାଇଥାଏ । କିନ୍ତୁ ଆପଣ କେବେ ଚିନ୍ତା କରିଛନ୍ତି କି ଏହାର ଅର୍ଥ କ’ଣ ଏବଂ କାହିଁକି ଏପରି ଯାନଠାରୁ ସବୁବେଳେ ଦୂରରେ ରହିବାକୁ ପରାମର୍ଶ ଦିଆଯାଇଥାଏ ।
ଆମ ଦୈନନ୍ଦିନ ଜୀବନରେ ଆମେ ଏଭଳି ଅନେକ ଜିନିଷ ପ୍ରତିଦିନ ଦେଖିଥାଉ କିନ୍ତୁ ଏହାର ଅର୍ଥ କ’ଣ ଆମେ ଜାଣିନଥାଉ । ଏହା ଉପରେ କେବେ ଅଧିକ ଧ୍ୟାନ ମଧ୍ୟ ଦେଇନଥାଉ କିନ୍ତୁ ଏହି ଜିନିଷ ବିଷୟରେ ଜାଣିବା ଦ୍ୱାରା ଆମର ହିଁ ସୁବିଧା ହୋଇଥାଏ । ସେହିଭଳି ରାସ୍ତାରେ ଯିବା ଆସିବା କରିବା ସମୟରେ ଆପଣ ହୁଏତ ଏପରି ଅନେକ ଗାଡି ଦେଖିଥିବେ ଯେଉଁଥିରେ କାରର ଆଗରେ କିମ୍ବା ପଛରେ ଷ୍ଟିକର ଉପରେ L ଅକ୍ଷର ଲେଖା ଯାଇଥାଏ । କିନ୍ତୁ ଆପଣ କେବେ ଚିନ୍ତା କରିଛନ୍ତି କି ଏହାର ଅର୍ଥ କ’ଣ ଏବଂ କାହିଁକି ଏପରି ଯାନଠାରୁ ସବୁବେଳେ ଦୂରରେ ରହିବାକୁ ପରାମର୍ଶ ଦିଆଯାଇଥାଏ ।
ଯଦି ଆପଣ ଏହି ଯାନଗୁଡିକର ଚାରିପାଖରେ ଉପସ୍ଥିତ ଥାଆନ୍ତି ତେବେ ଏକ ଛୋଟ ଭୁଲ ମଧ୍ୟ ଆପଣଙ୍କ ଜୀବନ ଉପରେ ଭାରି ପଡିପାରେ । ଯେଉଁ ଗାଡିଗୁଡ଼ିକ ଉପରେ L ଲେଖାଯାଇଛି ଏହାର ଅର୍ଥ ହେଉଛି ସେହି ଗାଡିର ଡ୍ରାଇଭର ଏବେବି ନୂଆ ଏବଂ ଗାଡି ଚଲାଇବା ଶିଖୁଛନ୍ତି । ତେବେ ଏହି ‘L’ର ଅର୍ଥ ହେଉଛି ଲର୍ଣ୍ଣିଙ୍ଗ ଲାଇସେନ୍ସ ଏବଂ ଏହାକୁ ସର୍ଟରେ L ଲେଖାଯାଇଥାଏ । ଏପରି ପରିସ୍ଥିତିରେ, ଯେକୌଣସି ରାସ୍ତାରେ ଯାଉଥିବା ବ୍ୟକ୍ତି ବୁଝିବା ଦରକାର ଯେ ତାଙ୍କଠାରୁ ପର୍ଯ୍ୟାପ୍ତ ଦୂରତା ରଖିବା ଏବଂ ତାଙ୍କୁ ସ୍ଥାନ ଦେବା ଆବଶ୍ୟକ ।
ଡ୍ରାଇଭିଂ ପାଇଁ ନୂତନ ଡ୍ରାଇଭରକୁ କିଛି ନିୟମ ଅନୁସରଣ କରିବା ଉପରେ RTO ଦ୍ୱାରା କିଛି ଛୁଟ ଦିଆଯାଇଥାଏ । ଏହାର ଅର୍ଥ ନୁହେଁ ଯେ ସେମାନେ ମନଇଚ୍ଛା ଗାଡି ଚଳାଇବେ । କିନ୍ତୁ ବେଳେବେଳେ ଏହି ନୂଆ ଡ୍ରାଇଭରଙ୍କ ଅବହେଳା ହେତୁ ଦୁର୍ଘଟଣା ମଧ୍ୟ ଘଟେ । ଅନେକ ଥର, ଭୟଙ୍କର ଦୁର୍ଘଟଣା ଯୋଗୁଁ ଲୋକମାନେ ପ୍ରାଣ ମଧ୍ୟ ହରାନ୍ତି ।
ତେବେ ଆସନ୍ତୁ ଜାଣିବା ଲର୍ଣ୍ଣିଙ୍ଗ ଲାଇସେନ୍ସର ଅର୍ଥ କ’ଣ?
ଯଦି କୌଣସି ବ୍ୟକ୍ତି ଜଣେ ଜ୍ଞାନୀ ବ୍ୟକ୍ତିଙ୍କ ସହିତ କାର, ବାଇକ୍ କିମ୍ବା କୌଣସି ଗାଡି ଚଲାଇବା ଶିଖିବାକୁ ଅନୁମତି ଦିଆଯାଏ, ତେବେ ତାଙ୍କୁ ଏକ ଲର୍ଣ୍ଣିଙ୍ଗ ଲାଇସେନ୍ସ ଦିଆଯାଏ । ତେବେ ଏହି ଲର୍ଣ୍ଣିଙ୍ଗ ଲାଇସେନ୍ସ ପାଇବାକୁ ହେଲେ ଏକ ପରୀକ୍ଷା ଦେବାକୁ ପଡିଥାଏ, ଯାହା ପରେ RTO ଏହି ଲର୍ଣ୍ଣିଙ୍ଗ ଲାଇସେନ୍ସ ପ୍ରଦାନ କରିଥାଏ । ଏହି ଲାଇସେନ୍ସର ଭାଲିଡିଟି ୬ ମାସ ପାଇଁ ହୋଇଥାଏ । ଏହା ପରେ ଏହାକୁ ସ୍ଥାୟୀ କରିବାକୁ ହେବ । ଲର୍ନର ଲାଇସେନ୍ସର ୩୦ ଦିନ ପରେ ହିଁ ଜଣେ ପରମାନେଣ୍ଟ ଡ୍ରାଇଭିଂ ଲାଇସେନ୍ସ ପାଇପାରିବେ ।
ଲାଇସେନ୍ସ ନେବା ପାଇଁ ନିୟମ କ’ଣ?
ଲର୍ଣ୍ଣିଙ୍ଗ ଲାଇସେନ୍ସ ଗ୍ରହଣ କରୁଥିବା ବ୍ୟକ୍ତିଙ୍କୁ ଏକାକୀ ଗାଡି ଚଲାଇବାକୁ ଅନୁମତି ନାହିଁ । ଏଥିପାଇଁ ୫୦୦ ରୁ ୧୦୦୦ ଟଙ୍କା ପର୍ଯ୍ୟନ୍ତ ଜୋରିମାନା ଲଗାଯାଇପାରିବ । ମୁଖ୍ୟ ରାସ୍ତା ପରିବର୍ତ୍ତେ, ସେମାନେ ଏକ ଖୋଲା ପଡ଼ିଆ କିମ୍ବା କଲୋନୀରେ ଗାଡି ଚଲାଇପାରିବେ । କିନ୍ତୁ ଏଥିପାଇଁ ଗାଡିର ଆଗ କିମ୍ବା ପଛରେ ନାଲି ରଙ୍ଗରେ ‘L’ ଲେଖା ହୋଇଥିବା ଆବଶ୍ୟକ । ଯାହା ଦ୍ୱାରା ଅନ୍ୟ ଡ୍ରାଇଭରମାନେ ଜାଣିପାରିବେ ଯେ ଆପଣ ଏପର୍ଯ୍ୟନ୍ତ ଶିକ୍ଷଣ ଅବଧିରେ ଅଛନ୍ତି । ଏହାଦ୍ୱାରା ଅନ୍ୟ ଡ୍ରାଇଭରମାନେ ମଧ୍ୟ ସତର୍କ ରହିପାରିବେ ଏବଂ ଦୁର୍ଘଟଣାର ଆଶଙ୍କା ମଧ୍ୟ କମିପାରିବ ।
