ପତଞ୍ଜଳି ବାହାର କଲା କରୋନା ମେଡିସିନ୍, ୮୦ ପ୍ରତିଶତ ରୋଗୀ ଭଲ ହେବା ନେଇ ଦାବି କଲେ ଆଚାର୍ଯ୍ୟ ବାଲକ୍ରିଷ୍ଣ
ନୂଆଦିଲ୍ଲୀ : କରୋନା ଭାଇରସ୍ ମହାମାରୀ ଚିକିତ୍ସା ପାଇଁ ଆଜି ଯାଏ କୈାଣସି ଦେଶ ମେଡିସିନ୍ ବାହାର କରିବାରେ ସଫଳତତା ପାଇ ପାରି ନାହାଁନ୍ତି । ଯଦିଓ ସମସ୍ତେ ଏହି କାର୍ଯ୍ୟରେ ଲାଗି ପଡିଛନ୍ତି । ସମସ୍ତଙ୍କର ନଜର ଏବେ ରହିଛି କିଏ ବାହାର କରିବ କରୋନା ମେଡିସିନ୍ ।
ଆଉ ଲୋକଙ୍କ ଜୀବନରେ ଆସି ପାରିବ ସୁଧାର । ଏଭଳି ସଙ୍କଟ ମଧ୍ୟରେ ଭାରତର ପତଞ୍ଜଳି ସଂସ୍ଥା କରୋନାର ଉପଯୁକ୍ତ ଚିକିତ୍ସା ପାଇଁ ମେଡିସିନ୍ ବାହାର କରିଥିବା ଘୋଷଣା କରିଛି । ଏଭଳି ଘୋଷଣା କରିଛନ୍ତି ପତଞ୍ଜଳିର ଫାଉଣ୍ଡର ଆଚାର୍ଯ୍ୟ ବାଲ୍କ୍ରିଷ୍ଣ ।
ସେ କହିଛନ୍ତି ଯେ ପତଞ୍ଜଳି କରୋନା ମେଡିସିନ୍ ବାହାର କରି ସାରିଛି । ଏହି ମେଡିସିନ୍ ଖାଇ ୮୦ ଭାଗ ରୋଗୀ ଭଲ ହୋଇ ସାରିଲେଣି । ପତଞ୍ଜଳିର ଏହି ମେଡିସିନ୍ ଖାଇ ହଜାରରୁ ଉର୍ଦ୍ଧ୍ୱ କରୋନା ରୋଗୀ ଭଲ ହୋଇ ସାରିଲେଣି ବୋଲି ଆଚାର୍ଯ୍ୟ ବାଲ୍କ୍ରିଷ୍ଣ ପ୍ରକାଶ କରିଛନ୍ତି ।
ଏହି ମେଡିସିନ୍କୁ ଆମେ ବିଭିନ୍ନ ସ୍ଥାନରେ କରୋନା ରୋଗୀଙ୍କ ଉପରେ ପ୍ରୟୋଗ କରି ଦେଖିଛୁ । ଯେଉଁଥିରେ ୮୦ ପ୍ରତିଶତ ରୋଗୀ ଭଲ ହୋଇଥିବା ବାଲ୍କ୍ରିଷ୍ଣ କହିଛନ୍ତି । କରୋନା ରୋଗ ଚୀନ୍ରେ ଆରମ୍ଭ ହେବା ପର ଠାରୁ ଆମେ ଏହି ରୋଗର ମେଡିସିନ୍ ପାଇଁ ଗବେଷଣା ଜାରି କରିଦେଇଥିଲୁ ।
ଏଥିପାଇଁ ଆମେ ବିଭିନ୍ନ ଶାସ୍ତ୍ର ଓ ବେଦର ସହାୟତା ନେଇ ବୈଜ୍ଞାନିକ ଫର୍ମୁଲାରରେ ଏହି ମେଡିସିନ୍କୁ ବିକଶିତ କରିଛୁ । ଯାହାକି କରୋନା ରୋଗରେ ଅତି ସଫଳତାର ସହ କାମ କରିବ ବୋଲି ପତଞ୍ଜଳି ସଂସ୍ଥାର ମୁଖ୍ୟ ବୈଜ୍ଞାନିକ ପ୍ରକାଶ କରିଛନ୍ତି ।
