କରୋନା ଭାଇରସ ଯୋଗୁ ଏବେ ଫିଲ୍ମ ଇଣ୍ଡଷ୍ଟ୍ରିରେ ଲକଡାଉନ ଚାଲିଛି। ଫିଲ୍ମ ଏବଂ ଟିଭି ଶୋର ଶୁଟିଂ ବନ୍ଦ କରିଦିଆଯାଇଛି। ଏହାରି ଭିତରେ ଦୁଇଜଣ ଫେମସ କପଲ ମଧ୍ୟ ନିଜ ବିବାହ ତାରିଖକୁ ଘୁଞ୍ଚାଇ ଦେଇଛନ୍ତି। ଏହି ଦୁଇ ଯୋଡ଼ି ହେଲେ ବରୁଣ ଧବନ ଓ ନତାଶା ଦଲାଲ ଏବଂ ରୁଚା ଚଢ଼ା ଓ ଅଲି ଫଜଲ।
ଖବର ଅନୁସାରେ, ବରୁଣ ଓ ନତାଶାଙ୍କ ବିବାହ ମେ ରେ ଏବଂ ରୁଚା ଓ ଅଲିଙ୍କ ବିବାହ ଅପ୍ରିଲରେ ହୋଇଥାନ୍ତା। କିନ୍ତୁ ଏହି ଦୁଇ ବହୁ ପ୍ରତୀକ୍ଷିତ ବିବାହ ବର୍ତ୍ତମାନ ଘୁଞ୍ଚିଯାଇଛି। ବରୁଣଙ୍କ ବିବାହ ଥାଇଲାଣ୍ଡରେ ହେବାର ଥିଲା। ପରେ ତାକୁ ଯୋଧପୁର ସିଫ୍ଟ କରାଯାଇଥିଲା। ଶେଷରେ ମୁମ୍ବାଇରେ କରାଯିବାକୁ ସ୍ଥିର ହୋଇଥିଲା। କିନ୍ତୁ ଏବେ ବିବାହକୁ ନଭେମ୍ବର ପର୍ଯ୍ୟନ୍ତ ଟାଳି ଦିଆଯାଇଛି। ସମ୍ଭବତଃ ଏହା ଥାଇଲାଣ୍ଡରେ ହୋଇପାରେ।