ୟୁଟ୍ୟୁବର୍ ସାଗର ଠାକୁରଙ୍କୁ ମାର୍ପିଟ୍ ମାମଲାରେ, ଏଲଭିଶ ଯାଦବଙ୍କୁ ପଚରାଉଚରା କରୁଛି ପୋଲିସ
ଏବେ ସୋସିଆଲ ମିଡିଆରେ ଏକ ଭିଡିଓ ଭାଇରାଲ ହେଉଛି ଯେଉଁଥିରେ ସେ ତାଙ୍କ ଗ୍ୟାଙ୍ଗ ସହିତ ୟୁଟ୍ୟୁବର୍ ସାଗର ଠାକୁର ଅର୍ଥାତ୍ ମ୍ୟାକ୍ସଟର୍ନଙ୍କୁ ପିଟୁଥିବାର ନଜର ଆସିଛନ୍ତି । ତେବେ ଭିଡିଓ ଭାଇରାଲ ହେବା ପରେ ଏଲ୍ଭିସ୍ ଏହି କଥାକୁ ନେଇ ନିଜ ମତ ପ୍ରକାଶ କରିଛନ୍ତି । କିନ୍ତୁ ପୋଲିସ ଏହା ପରେ ମଧ୍ୟ ପୁଣି ଥରେ ପଚରାଉଚରା ପାଇଁ ଏଲଭିଶଙ୍କୁ ପୋଲିସ ଷ୍ଟେସନ୍କୁ ଡକାଇଛନ୍ତି ।
ଫେମସ୍ ୟୁଟ୍ୟୁବର୍ ଏବଂ ବିଗ୍ ବସ୍ ଓଟିଟି ୨ ଟାଇଟଲ୍ ବିଜେତା, ଏଲଭିଶ୍ ଯାଦବ ବିବାଦ ପାଇଁ ପୁଣି ଚର୍ଚ୍ଚାରେ ଅଛନ୍ତି । ସୋସିଆଲ ମିଡିଆ ଜରିଆରେ ଏଲଭିଶ ତାଙ୍କ କ୍ୟାରିୟରରେ ବହୁତ ଭଲ ନାମ କରିଛନ୍ତି । କିନ୍ତୁ ଏବେ ସୋସିଆଲ ମିଡିଆରେ ଏକ ଭିଡିଓ ଭାଇରାଲ ହେଉଛି ଯେଉଁଥିରେ ସେ ତାଙ୍କ ଗ୍ୟାଙ୍ଗ ସହିତ ୟୁଟ୍ୟୁବର୍ ସାଗର ଠାକୁର ଅର୍ଥାତ୍ ମ୍ୟାକ୍ସଟର୍ନଙ୍କୁ ପିଟୁଥିବାର ନଜର ଆସିଛନ୍ତି । ତେବେ ଭିଡିଓ ଭାଇରାଲ ହେବା ପରେ ଏଲ୍ଭିସ୍ ଏହି କଥାକୁ ନେଇ ନିଜ ମତ ପ୍ରକାଶ କରିଛନ୍ତି । କିନ୍ତୁ ପୋଲିସ ଏହା ପରେ ମଧ୍ୟ ପୁଣି ଥରେ ପଚରାଉଚରା ପାଇଁ ଏଲଭିଶଙ୍କୁ ପୋଲିସ ଷ୍ଟେସନ୍କୁ ଡକାଇଛନ୍ତି ।
ବର୍ତ୍ତମାନ ଗୁରୁଗ୍ରାମ ପୋଲିସ ପୁଣି ଏଲଭିଶ ଯାଦବଙ୍କୁ ଧାରା ୪୧A ଅନୁଯାୟୀ ନୋଟିସ ପଠାଇଛି । ଏହି ପ୍ରସଙ୍ଗରେ ତାଙ୍କୁ ପଚରାଉଚରା ପାଇଁ କୁହାଯାଇଛି । ମାର୍ଚ୍ଚ ୧୨ରେ ସେକ୍ଟର ୫୩ ପୋଲିସ ଷ୍ଟେସନରେ ପଚରାଉଚୁରାରେ ଯୋଗଦେବାକୁ ୟୁଟ୍ୟୁବରକୁ ଡକାଯାଇଛି । ବିଗ୍ ବସ୍ ଜିତିବା ପୂର୍ବରୁ ମଧ୍ୟ ୟୁଟ୍ୟୁବର୍ ଏଲଭିଶ ଯାଦବ ଜଣେ ଜଣାଶୁଣା ଚେହେରା ଥିଲେ, କିନ୍ତୁ ବିଗ୍ ବସ୍ ଜିତିବା ପରେ ତାଙ୍କର ପପୁଲାରଟି ଆକାଶ ଛୁଇଛି । କିନ୍ତୁ ବିଗ୍ ବସ୍ ଜିତିବା ପରେ ଏଲଭିଶ ଯାଦବଙ୍କ ସମସ୍ୟା ମଧ୍ୟ ବଢିବାରେ ଲାଗିଛି । ପ୍ରଥମେ ସେ ଏକ ରେଭ୍ ପାର୍ଟିରେ ସାପ ବିଷ ଯୋଗାଇବା ପାଇଁ ବିବାଦରେ ଥିଲେ । ଏହା ପରେ ତାଙ୍କର ଅନେକ ଭିଡିଓ ଏହି ବର୍ଷରେ ଭାଇରାଲ୍ ହୋଇଛି, ଯେଉଁଥିରେ ସେ ଝଗଡା କରୁଥିବାର ନଜର ଆସିଛନ୍ତି । ଏବେ ତାଙ୍କ ବିରୋଧରେ ଏହି ନୂଆ ମାମଲା ସାମ୍ନାକୁ ଆସିଛି ।
ନିକଟରେ ସେଲିବ୍ରିଟି କ୍ରିକେଟ୍ ଲିଗରେ କ୍ରିକେଟ୍ ଖେଳୁଥିବା ନଜର ଆସିଥିଲେ ଏଲଭିଶ ଯାଦବ ଏବଂ ମୁନାୱାର ଫାରୁକି । ଏହା ପୂର୍ବରୁ ଉଭୟଙ୍କ ମଧ୍ୟରେ ଝଗଡା ହୋଇଥିଲା କିନ୍ତୁ ଏହି କ୍ରିକେଟ୍ ମ୍ୟାଚ୍ ପରେ ସେମାନଙ୍କ ଏକ ଫଟୋ ମଧ୍ୟ ସାମ୍ନାକୁ ଆସିଥିଲା । ତେବେ ସାଗର ଠାକୁର ଏହି ଫଟୋରେ ନିଜର କମେଣ୍ଟ ଦେଇଥିଲେ । ଏହାକୁ ନେଇ ସୋସିଆଲ ମିଡିଆରେ ଏଲଭିଶ ଏବଂ ସାଗରଙ୍କ ମଧ୍ୟରେ ବହୁତ ଯୁକ୍ତିତର୍କ ଆରମ୍ଭ ହୋଇଥିଲା । କିନ୍ତୁ ଏହି ଝଗଡା ବଢିବାକୁ ଲାଗିଲା ଏବଂ ଏଥିପାଇଁ ପରେ ଦୁଇ ଜଣ ଏକାଠି ସମାଧାନ ପାଇଁ ଯୋଜନା କରିଥିଲେ । ତେବେ ଦୁଇ ଜଣ ଗୁରୁଗ୍ରାମର ଏକ ମଲରେ ଦେଖା କରିଥିଲେ । ସାଗର ସେଠାରେ ଏକା ଆସିଥିବାବେଳେ ଏଲଭିଶ ତାଙ୍କ ଗ୍ୟାଙ୍ଗ ସହିତ ମଲରେ ପହଞ୍ଚି ସାଗରଙ୍କୁ ପିଟିଥିଲେ । ଏହି ଘଟଣାର ଭିଡିଓ ବର୍ତ୍ତମାନ ଭାଇରାଲ ହେବାରେ ଲାଗିଛି, ଏହା ପରେ ଏଲଭିଶ ଏପରି ଏକ ବିବାଦରେ ପଡିଛନ୍ତି ।