ପାଣି ପିଇବା ଶରୀର ଏବଂ ସ୍ବାସ୍ଥ୍ୟ ପାଇଁ ନିହାତି ଜରୁରୀ । ଶରୀରରେ ପାଣି କମ୍ ହୋଇଗଲେ ବିଭିନ୍ନ ସ୍ବାସ୍ଥ୍ୟଗତ ସମସ୍ୟା ଦେଖାଦେଇଥାଏ । ତେଣୁ ପ୍ରତିଦିନ ୮ ରୁ ୧୦ ଗ୍ଲାସ୍ ପାଣି ପିଇବାକୁ ଡାକ୍ତର ପରାମର୍ଶ ଦେଇଥାନ୍ତି । ତେବେ ପ୍ରତିଦିନ ସକାଳେ ଖାଲି ପେଟରେ ଦୁଇ ଗ୍ଲାସ୍ ପାଣି ପିଇଲେ ଅନେକ ରୋଗରୁ ମୁକ୍ତି ମିଳିଥାଏ । ଏବେ ଆସନ୍ତୁ ଜାଣିବା ଖାଲି ପେଟରେ ଦୁଇ ଗ୍ଲାସ୍ ପାଣି ପିଇଲେ କି ଲାଭ ମିଳିଥାଏ ।
– ସକାଳେ ଖାଲି ପେଟରେ ଦୁଇ ଗ୍ଲାସ୍ ପାଣି ପିଇଲେ ଶରୀରରେ ଥିବା ଅପରିସ୍କାର ତଥା ବିଷାକ୍ତ ପ୍ରଦାର୍ଥ ବାହାରି ଯାଇଥାଏ ।
– ଖାଲି ପେଟରେ ପାଣି ପିଇଲେ ପେଟରେ ଥିବା ମଳ ସହଜରେ ବାହାରି ଯାଇଥାଏ । ପେଟ ଭଲ ଭାବରେ ସଫା ହେବା ଯୋଗୁଁ ଭୋକ ମଧ୍ୟ ଭଲ ଭାବରେ ଲାଗିଥାଏ ।
ଏହା ସହ ପଢନ୍ତୁ ଜାଣିବାକୁ ଚାହୁଁଛନ୍ତି ତମ୍ବା ପାତ୍ରରେ ପାଣି ପିଇଲେ କି ଲାଭ ମିଳେ ? ପଢନ୍ତୁ ଏହି ରିପୋର୍ଟ
– ଖାଲି ପେଟରେ ପାଣି ପିଇବା ଯୋଗୁଁ ମସ୍ତିସ୍କକୁ ଅକ୍ସିଜେନ୍ ସହଜରେ ମିଳିଥାଏ । ଯାହା ଫଳରେ ଚିନ୍ତା ଦୂର ହୋଇ ମସ୍ତିସ୍କ ସକ୍ରିୟ ରହିଥାଏ ।
– ସକାଳେ ଖାଲି ପେଟରେ ପାଣି ପିଇବା ଯୋଗୁଁ ଶରୀରରେ ଜମା ଅତିରିକ୍ତ ଚର୍ବି କମ୍ ହୋଇଯାଏ । ଯାହା ଫଳରେ ଓଜନ କମିଥାଏ ।
– କିଡନୀରେ ଥିବା ଅପରିସ୍କାର ପଦାର୍ଥ ବାହାରି ଯାଇଥାଏ । ଯାହା ଫଳରେ କିଡନୀ ସୁସ୍ଥ ରହିବା ସହ ଷ୍ଟୋନର ଭୟ ନଥାଏ ।
– ପ୍ରତିଦିନ ଖାଲି ପେଟରେ ପାଣି ପିଇବା ଯୋଗୁଁ କୋଷ ଗୁଡକିୁ ଅକ୍ସିଜେନ୍ ମିଳିଥାଏ । ଯାହା ଫଳରେ ତ୍ବଚା ଭିତରୁ ସଫା ହେବା ସହ ତ୍ବଚାରେ ପ୍ରାକୃତିକ ଚମକ ଆସିଥାଏ ।
– ଯେଉଁ ଲୋକଙ୍କ ମୁଣ୍ଡ ସର୍ବଦା ବିନ୍ଧୁଥାଏ ସେମାନେ ପ୍ରତିଦିନ ଖାଲିପେଟରେ ଦୁଇ ଗ୍ଲାସ୍ ପାଣି ପିଇବା ଉଚିତ୍ ।
– ରୋଗ ସହ ଲଢିବା ପାଇଁ ରୋଗପ୍ରତିରୋଧକ କ୍ଷମତା ମଜଭୂତ ହେବା ନିହାତି ଜରୁରୀ । ଖାଲି ପେଟରେ ପାଣି ପିଇବା ଯୋଗୁଁ ରୋଗପ୍ରତିରୋଧକ ଶକ୍ତି ବଢିଥାଏ ।
– ହାନିକାରକ ତତ୍ବକୁ ରକ୍ତ ସହ ମିଶିବାକୁ ଦେଇନଥାଏ ପାଣି । ପର୍ୟ୍ୟାପ୍ତ ପରିମାଣର ପାଣି ପିଇବା ଯୋଗୁଁ ନୂଆ କୋଷ ତିଆରି ହେବାର ପ୍ରକ୍ରିୟା ବଢିଯାଇଥାଏ ।
– ପ୍ରତିଦିନ ଖାଲି ପେଟରେ ପାଣି ପିଇବା ଦ୍ବାରା ମେଟାବୋଲିଜିମ୍ ସକ୍ରିୟ ହୋଇଯାଇଥାଏ ।
ଏହା ସହ ପଢନ୍ତୁ : ବଜାରରୁ ପାଣି କିଣି ପିଉଥିବା ଲୋକ ହୋଇଯାଆନ୍ତୁ ସାବଧାନ୍, ଗୋଟିଏ ବୋତଲରେ ରହିଛି ଲକ୍ଷ ଲକ୍ଷ ଜୀବାଣୁ
ଏବେ ଜାଣନ୍ତୁ ଦୈନିକ ୮ – ୧୦ ଗ୍ଲାସ୍ ପାଣି ପିଇଲେ କେଉଁ ଲାଭ ହୋଇଥାଏ
ବ୍ୟାୟାମରେ ସାହାଯ୍ୟ କରିଥାଏ
ସଠିକ୍ ପରିମାଣର ପାଣି ପିଇଲେ ଅନେକ ଲାଭ ହୋଇଥାଏ । ତାହା ମଧ୍ୟରୁ ଗୋଟିଏ ହେଉଛି ଏହା ଆପଣଙ୍କୁ ବ୍ୟାୟାମରେ ସାହାଯ୍ୟ କରିଥାଏ । ମାଂସପେଶୀକୁ ଠିକ୍ ଭାବରେ କାମ କରିବା ପାଇଁ ସୋଡିୟମ୍, ପୋଟାସିୟମ୍ ଏବଂ ମ୍ୟାଗ୍ନେସିୟମର ଉତ୍ତମ ସନ୍ତୁଳନ ରହିବା ଅବଶ୍ୟକତା ଥାଏ। ଆଉ ଉଚିତ୍ ହାଇଡ୍ରେସନ୍ ବିନା ଏହା ସମ୍ଭବ ହୋଇନଥାଏ । ତେଣୁ ବ୍ୟାୟାମ୍ ପୂର୍ବରୁ ହାଇଡ୍ରେଟେଡ୍ ରହିବା ପାଇଁ ଦୈନିକ ୮ ଗ୍ଲାସ୍ ପାଣି ପିଇବା ନିହାତି ଜରୁରୀ ।
ଅପରିଷ୍କାର ପଦାର୍ଥ ବାହାର କରିଥାଏ
ତରଳ ପଦାର୍ଥ ରୂପରେ କିଡନୀ ଆପଣଙ୍କ ଶରୀରରୁ ଅପରିଷ୍କାର ଖାଦ୍ୟ ପଦାର୍ଥକୁ ବାହାର କରିଥାଏ । ଆଉ ଏପରି କରିବା ପାଇଁ ହେଲେ ଶରୀରକୁ ଆବଶ୍ୟକ ପର୍ଯ୍ଯାପ୍ତ ପରିମାଣର ପାଣି । ଯଦି ଆପଣ ଡିହାଇଡ୍ରେସନର ଶିକାର ତେବେ କିଡନୀକୁ ନିଜ କାମ କରିବା ପାଇଁ କଷ୍ଟ ହୋଇଥାଏ ।
ଆପଣଙ୍କ ଉର୍ଜା ବଢାଇଥାଏ
ସଠିକ୍ ମାତ୍ରାରେ ପାଣି ପିଇଲେ ଆପଣଙ୍କ ଶରୀରର ଉର୍ଜାର ସ୍ତରକୁ ବଢାଇବାରେ ସାହାଯ୍ୟ କରିଥାଏ । ତେଣୁ ଆପଣଙ୍କ ଶରୀରରେ ଉର୍ଜାର ସ୍ତରକୁ ନିୟନ୍ତ୍ରିତ ରଖିବା ପାଇଁ ପାଣିର ଆବଶ୍ୟକତା ରହିଛି । ଏହା ହିଁ ହେଉଛି କାରଣ ଯେ ପ୍ରତିଦିନ ପର୍ଯ୍ଯାପ୍ତ ପରିମାଣର ପାଣି ପିଇଲେ ସୁସ୍ଥ ଅନୁଭବ କରିଥାନ୍ତି ।
ଏହା ସହ ପଢନ୍ତୁ : ମାଇଗ୍ରେନରୁ କେମିତି ମୁକ୍ତି ପାଇବେ ? ଜାଣନ୍ତୁ କିଛି ଘରୋଇ ଉପଚାର
କୋଷ୍ଠକାଠିନ୍ୟ ଦୂର କରିଥାଏ
ଯଦି ଆପଣ ଡିହାଇଡ୍ରେସନର ଶିକାର ହୁଅନ୍ତି ତେବେ ମଳାତ୍ୟାଗ କରିବାରେ ସମସ୍ୟା ହୋଇଥାଏ । ଯଦି ପର୍ଯ୍ଯାପ୍ତ ପରିମାଣ ପାଣି ପିଉଛନ୍ତି ତେବେ ଏହି ସମସ୍ୟା ରହିବ ନାହିଁ । ଜାଣି ଆଶ୍ଚର୍ଯ୍ଯ ହେବେ କେବଳ ପାଣି ପିଇଲେ ଅନେକ ରୋଗ ଭଲ ହୋଇଯାଇଥାଏ । ବୈଜ୍ଞାନିକଙ୍କ କହିବା ଅନୁଯାୟୀ ପ୍ରତିଦିନ ସକାଳେ ଏକ ଗ୍ଲାସ୍ ଗରମ ପାଣି ପିଇଲେ ପେଟ ସମ୍ବନ୍ଧୀୟ ଅନେକ ରୋଗରୁ ମୁକ୍ତି ମିଳିଥାଏ ।
ଚେହେରାରେ ଆସିଥାଏ ଚମକ
ଅନେକ ବିଶେଷଜ୍ଞଙ୍କ କହିବା ଅନୁଯାୟୀ ପର୍ଯ୍ଯାପ୍ତ ପରିମାଣର ପାଣି ପିଇବା ଦ୍ବାରା ଚେହେରାରେ ଚମକ ଆସିଥାଏ । ଉଭୟ ସୌନ୍ଦର୍ଯ୍ଯ ଏବଂ ସ୍ବାସ୍ଥ୍ୟ ପାଇଁ ପାଇଁ ଆବଶ୍ୟକ ପାଣି । ଆପଣଙ୍କ ଚେହେରାରେ ଥିବା କୋଷ ଗୁଡିକୁ ପର୍ଯ୍ଯ।ପ୍ତ ପାଣି ନମିଳିଲେ ଏହା ଝାଉଁଳି ପଡେ । ତେଣୁ ଚେହେରାରେ ଚମକ ଆଣିବା ପାଇଁ ପର୍ଯ୍ଯାପ୍ତ ପାଣି ପିଅନ୍ତୁ ।
ରୋଗକୁ ଶୀଘ୍ର କରିଥାଏ ଭଲ
ପର୍ଯ୍ଯାପ୍ତ ପାଣି ପିଇଲେ ଆଉ ଏକ ଲାଭ ହୋଇଥାଏ ଯେ ଆପଣଙ୍କ ରୋଗ ଖୁବ୍ ଶୀଘ୍ର ଭଲ ହୋଇଥାଏ । ଏହା ହିଁ କାରଣ ଯେଉଁଥିପାଇଁ ଡାକ୍ତର ସବୁବେଳେ ତରଳ ପଦାର୍ଥ ଖାଇବା ପାଇଁ କହିଥାନ୍ତି । ରୋଗକୁ ଶରୀରର ଠାରୁ ଦୂରରେ ରଖିବା ପାଇଁ ହେଲେ ଆପଣଙ୍କ କୋଷକୁ ଅଧିକ କ୍ୟାଲୋରୀ ଏବଂ ତରଳ ପଦାର୍ଥ ଆବଶ୍ୟକ । ଏହା ବ୍ୟତୀତ ସଠିକ୍ ପରିମାଣର ପାଣି ପିଇଲେ ମୁଣ୍ଡ ବିନ୍ଧା ଭଲ ହୋଇଥାଏ ।