ଶିଶୁକୁ ସ୍ତନପାନ କରାଉଥିବା ସମୟରେ ଭୁଲରେ ବି ଖାଆନ୍ତୁ ନାହିଁ ଏହି ସବୁ ଜିନିଷ, ଜଣାନ୍ତୁ କଣ କଣ
ବିଶେଷଜ୍ଞଙ୍କ ଅନୁଯାୟୀ ଶିଶୁଙ୍କୁ ସ୍ତନପାନ କରାଉଥିବା ମହିଳା ମାନେ ନିଜ ଖାଦ୍ୟ ପେୟ ଉପରେ ବିଶେଷ ଧ୍ୟାନ ରଖିବା ଉଚିତ । ଯଦି ସେମାନେ ଏମିତି ସେମିତି କିଛି ଖାଆନ୍ତି ଯାହା ତେବେ ତାହାର ସିଧାସଳଖ ପ୍ରଭାବ ଶିଶୁଙ୍କ ସ୍ୱାସ୍ଥ୍ୟ ଉପରେ ପଡିଥାଏ । ଏମିତିକି ଶିଶୁ ଗୁରୁତର ରୋଗର ଶିକାର ହୋଇପାରେ । ତେଣୁ ଶିଶୁକୁ ସ୍ତନପାନ କରାଇବା ସମୟରେ ଓ ଗର୍ଭବତୀ ଥିବା ସମୟରେ ମହିଳା ମାନଙ୍କୁ କିଛି ବିଶେଷ ଦିଗ ପ୍ରତି ନିହାତି ଧ୍ୟାନ ଦେବା ଆବଶ୍ୟକ ।
– ଡେଲିଭରି ପରେ ମହିଳା ମାନଙ୍କୁ ତେଲ ମସଲା ମୁକ୍ତ ସାଧା ଖାଦ୍ୟ ଖାଇବାକୁ ଡାକ୍ତର ମାନେ ପରାମର୍ଶ ଦେଇଥାନ୍ତି । ଅପେକ୍ଷାକୃତ କମ ଖାଇବା ପାଇଁ ବି କୁହାଯାଇଥାଏ । କାରଣ ମା’ର ସ୍ୱାସ୍ଥ୍ୟ ଯେତେ ଭଲ ରହିବ ସେହି ପରି ଉତ୍ତମ ରହିବ । ଏହି ସମୟରେ ଅଧିକ ଛଣାଛଣି ଖାଦ୍ୟ ବି ବର୍ଜନୀୟ ।
– ନବଜାତ ଶିଶୁଙ୍କୁ ସ୍ତନପାନ କରାଉଥିବା ସମୟରେ ଆପଣ ଚାହା, କଫି ପରି ମାଦକ ଦ୍ରବ୍ୟ ଠାରୁ ଦୂରେଇ ରହିବା ଦରକାର ।
– ଏହି ସମୟରେ ଅଧିକ ରୁ ଅଧିକ ତଟକା ଫଳ ତଥା ପନିପରିବା ଖାଇବା ସର୍ବୋତ୍ତମ । ଶିଶୁ ଜନ୍ମ ନେବା ପରେ ପ୍ରତ୍ୟକ ମହିଳା ପ୍ରତିଦିନ ଅତି କମରେ ଦୁଇ ଗିନା ଫଳ ଖାଇବା ଉଚିତ । କଦଳୀ, ଆମ୍ବ, କମଳା, ଅଙ୍ଗୁର, ତରଭୁଜ, ସେଓ ଆଦି ସେବନ କରିବା ଉଚିତ ।
– ଶିଶୁଙ୍କୁ ସ୍ତନପାନ କରାଉଥିବା ମହିଳା ମଦ ତଥା ଆଲକୋହଲ ଠାରୁ ଦୂରେଇ ରହିବା ଉଚିତ ।
– ଅନ୍ୟ ଖାଦ୍ୟ ଭିତରେ କାକୁଡି, ଡାଲଚିନି, କଳା ଗୋଲମରିଚ, ମାଛ , ରସୁଣ ଆଦି ବି ଖାଇବା ଉଚିତ ନୁହେଁ ।
