ବ୍ରେଡକୁ ସାଧାରଣତଃ ଆମେ ଜାମ କିମ୍ବା ବଟର ସହିତ ଅଥବା ସାଂଡବିଚ ଆଦି ପ୍ରସ୍ତୁତ କରି ଖାଇଥାଉ । ନଚେତ କେବେ କେବେ ବ୍ରେଡ ପକୋଡା କିମ୍ବା ବ୍ରେଡରେ ରୋଲ ପ୍ରସ୍ତୁତ କରି ବି ଖାଇଥାଉ । କେବେ ଭାବିଛନ୍ତିକି ବ୍ରେଡରେ ଟେଷ୍ଟି ବରା ବି ପ୍ରସ୍ତୁତ କରାଯାଇପାରିବ | ଆଉ ଜାଣି ଆଶ୍ଚର୍ଯ୍ୟ ହେବେ ବ୍ରେଡରେ ତିଆରି ହୋଇଥିବା ବରା ସାଧାରଣ ବିରି ବରା ଠାରୁ ଟେଷ୍ଟରେ କୌଣସି ଗୁଣରେ କମ ନୁହେଁ । ତେବେ ସନ୍ଧ୍ୟା ଜଳଖିଆରେ କିଛିଟା ଭିନ୍ନତା ଆଣିବା ପାଇଁ ଆଉ ଏକ ନୂଆ ସ୍ୱାଦ ଚାଖିବା ପାଇଁ ଆଜି “ବ୍ରେଡ ବରା”ର ପ୍ରସ୍ତୁତି ପ୍ରଣାଳୀ ବିଷୟରେ ଜାଣି ରଖନ୍ତୁ ଓ ଘରେ ପ୍ରସ୍ତୁତ କରି ଟେଷ୍ଟ ବି କରନ୍ତୁ ।
ଆବଶ୍ୟକୀୟ ସାମଗ୍ରୀ:
– 6 ଟି ବ୍ରେଡ ସ୍ଲାଇସ
– ଅଧା କପ ଦହି
– ଅଧା କପ ଚାଉଳ ଗୁଣ୍ଡ
– କିଛି ସୁଜି
– ଗୋଟେ ଚାମଚ ଜିରା
– ଗୋଟେ ପିଆଜ
– ଅଦା ଖଣ୍ଡେ
– ଧନିଆ ପତ୍ର
– ଲୁଣ ସ୍ୱାଦ ଅନୁସାରେ
– ଭୃସଙ୍ଗ ପତ୍ର
– ତେଲ
– କିଛି କଟା ଯାଇଥିବା ଲଙ୍କା
ପ୍ରସ୍ତୁତି ପ୍ରଣାଳୀ:
ପ୍ରଥମେ ଏକ ବାଉଲରେ ବ୍ରେଡ ଖଣ୍ଡ, ଦହି, ଚାଉଳ ଗୁଣ୍ଡ, ସୁଜି ଆଦିକୁ ଭଲ ଭାବରେ ମିକ୍ସ କରି ଦିଅନ୍ତୁ । ୨୦ ରୁ ୩୦ ମିନିଟ ପାଇଁ ଛାଡି ଦିଅନ୍ତୁ । ଏବେ ସେଥିରେ ବାକି ଜିନିଷ ଗୁଡିକ ମିଶାଇ ଦିଅନ୍ତୁ | ଏବେ ଏକ କଡେଇରେ ତେଲ ଗରମ କରନ୍ତୁ । ଏବେ ପୂର୍ବରୁ ପ୍ରସ୍ତୁତ ହୋଇଥିବା ମିଶ୍ରଣକୁ ହାତରେ ଛୋଟ ଛୋଟ ବରା ପ୍ରସ୍ତୁତ କରି ଛାଣି ଦିଅନ୍ତୁ । ଗାଢ଼ ସୁନେଲି ରଙ୍ଗ ହେବା ପର୍ଯ୍ୟନ୍ତ ଛାଣି ଦିଅନ୍ତୁ । ଏବେ ଗରମ ଗରମ ମୁସମୁସ ବରା କୁ ନିଜ ପସନ୍ଦର ଚଟଣି ସହିତ ଚାଖନ୍ତୁ ।