ଆରମ୍ଭ ହୋଇ ଯାଇଛି ପାର୍ବଣ ଋତୁ। ନବରାତ୍ରୀ, ଦଶହରା, କରବା ଚୌଥ୍ ପରେ ଲୋକମାନେ ଦୀପାବଳି ପ୍ରସ୍ତୁତିରେ ଲାଗିପଡ଼ିଥାନ୍ତି। ଏଥର ୨୭ ଅକ୍ଟୋବରରେ ଦିପାବଳୀ ପାଳନ ହେବ । ଦୀପାବଳି ଆସିବାର ବହୁତ ଦିନ ପୂର୍ବରୁ ଏହାର ପ୍ରସ୍ତୁତି ଆରମ୍ଭ ହୋଇଯାଇଥାଏ। ସୁଖ-ସମୃଦ୍ଧିର କାମନା କରି ସମସ୍ତେ ଦୀପାବଳିରେ ନିଜ ଘର ସଫା ନିଶ୍ଚୟ କରିଥାନ୍ତି । ତେବେ ବାସ୍ତୁଶାସ୍ତ୍ର ଅନୁସାରେ ଏମିତି କିଛି ଜିନିଷ ଅଛି ଯାହାକୁ ଦୀପାବଳୀ ପୂର୍ବରୁ ହିଁ ଘରୁ ବାହାର କରିଦେବା ଉଚିତ୍। ନଚେତ୍ ଆପଣ କାଙ୍ଗାଳ ହୋଇଯାଇପାରନ୍ତି। ତେବେ ଜାଣନ୍ତୁ ଦୀପାବଳି ପୂର୍ବରୁ ଘରୁ କେଉଁ ସବୁ ଜିନିଷ ବାହାର କରିବା ଉଚିତ୍।
-ଯଦି ଆପଣଙ୍କ ଘରେ କିଛି ଇଲେକଟ୍ରିକ୍ ସାମଗ୍ରୀ ଖରାପ ହୋଇ ପଡିଛି ତେବେ ତାକୁ ତୁରନ୍ତ ସଜାଡିଦିଅନ୍ତୁ କିମ୍ବା ଘରୁ ବାହାର କରିଦିଅନ୍ତୁ । ଏହା ଆଦୌ ଶୁଭ ନୁହେଁ ।
-ଘରର କୌଣସି ବି କୋଣରେ ଭଙ୍ଗା କାଚ ରଖାଯାଇଛି କିମ୍ବା ଝରକାରେ ଭଙ୍ଗା କାଚ ଲାଗିଛି ତେବେ ତୁରନ୍ତ ଘରୁ ବାହାର କରି ନୂଆ କାଚ ଲଗାଇଦିଅନ୍ତୁ । କାରଣ ଘରେ ଭଙ୍ଗା କାଚ ସାମଗ୍ରୀ ରଖିବା ଅଶୁଭ ହୋଇଥାଏ।
-ଏହି ଦିପାବଳୀ ପୂର୍ବରୁ ଘରର ଛାତକୁ ସଫା କରନ୍ତୁ ଏବଂ ଯଦି କିଛି ଅଳିଆ ପଡିଛି ବାହାରକୁ ଫୋପାଡି ଦିଅନ୍ତୁ।
ଏହାସହ ପଢନ୍ତୁ: ପିଓକେର ଶାରଦା ପୀଠରେ ୭୨ ବର୍ଷ ପରେ ଜଳିଲା ଦୀପ, ହଙ୍ଗକଙ୍ଗ୍ରୁ ଆସି ଦମ୍ପତି କଲେ ପୂଜାର୍ଚ୍ଚନା
-ବାସ୍ତୁ ଅନୁସାରେ ଘଣ୍ଟା ଆପଣଙ୍କ ପ୍ରଗତିର ପ୍ରତୀକ । କିନ୍ତୁ ବନ୍ଦ ଘଣ୍ଟା ଆପଣଙ୍କ ଉନ୍ନତିରେ ବାଧକ ସାଜିଥାଏ । ଏଥିପାଇଁ ଘରେ ଯଦି ଘଣ୍ଟା ବନ୍ଦ ହୋଇପଡିଛି ତେବେ ତାକୁ ଘରୁ ବାହାର କରିଦିଅନ୍ତୁ ।
-ଯଦି ଆପଣଙ୍କ ଘରେ ଭାଙ୍ଗିଯାଇଥିବା ପଲଙ୍କ ବା ଖଟ ଅଛି ତାହେଲେ ତାକୁ ଠିକ୍ କରିଦିଅନ୍ତୁ ନହେଲେ ଘରୁ ବାହାର କରିଦିଅନ୍ତୁ। କୁହାଯାଏ କି ଘରେ ଭଙ୍ଗା ପଲଙ୍କ ରହିଲେ ବୈବାହିକ ଜୀବନରେ କଳହ ଲାଗିରହେ।