ତିନି କିମି ପର୍ଯ୍ୟନ୍ତ ବ୍ୟାପିଲା ବିଷାକ୍ତ ଗ୍ୟାସ, ୧୦ ମୃତ ୧୦୦୦ ହସ୍ପିଟାଲରେ ଭର୍ତ୍ତି ଏବଂ ୫ ହଜାରରୁ ଉର୍ଦ୍ଧ୍ବ ଲୋକ ପ୍ରଭାବିତ
କରୋନାର ତାଣ୍ଡବ ବେଳେ ଏବେ ଏକ ଦୁଃଖଦ ଘଟଣା ଘଟିଯାଇଛି। ଆନ୍ଧ୍ରପ୍ରଦେଶ ବିଶାଖାପାଟଣମର ଆର ଆର ଭେଙ୍କଟପୁରମ ଗାଁରେ ଥିବା ଏଲଜି ପଲିମର ଉଦ୍ୟୋଗରେ ରାସାୟନିକ ଗ୍ୟାସ ଲିକ ହୋଇଛି। ଯାହା ଫଳରେ ଜଣେ ଛୋଟ ଶିଶୁ ସମେତ ୧୦ ଜଣଙ୍କର ମୃତ୍ୟୁ ହୋଇଛି। ସେହିପରି ପାଖାପାଖି ୧୦୦୦ରୁ ଉର୍ଦ୍ଧ୍ବ ଲୋକଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି।
There is gas leakage identified at LG Polymers in Gopalpatnam. Requesting Citizens around these locations not to come out of houses for the sake of safety precautions.
— Greater Visakhapatnam Municipal Corporation (GVMC) (@GVMC_OFFICIAL) May 7, 2020
ସୂଚନା ଅନୁଯାୟୀ ଆଖିରେ ଜ୍ୱଳନ ଏବଂ ନିଶ୍ୱାସ ନେବାରେ କଷ୍ଟ ଅନୁଭବ ପରେ ଲୋକଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି। ଘଟଣାସ୍ଥଳରେ ପୋଲିସ୍, ଦମକଳ ବାହିନୀ ଏବଂ ଆମ୍ବୁଲାନ୍ସ ପହଂଚିସରିଛି। କୁହାଯାଉଛି ଯେ ଏହି ଦୁର୍ଘଟଣାରେ ଅତି କମରେ ୫୦୦୦ ରୁ ଅଧିକ ଲୋକ ପ୍ରଭାବିତ ହୋଇଥିବାବେଳେ ୧୦ ଜଣଙ୍କର ମୃତ୍ୟୁ ହୋଇଛି।
ତେବେ ମିଳିଥିବା ସୂଚନା ଅନୁଯାୟୀ ଏହି ବିଷାକ୍ତ ଗ୍ୟାସ ପ୍ରାୟ ତିନି କିଲୋମିଟର ଦୂରତା ପର୍ଯ୍ୟନ୍ତ ବ୍ୟାପିଯାଇଛି ଫଳରେ କିଛି ଗାଁ କୁ ଖାଲି କରାଯାଇ ଲୋକମାନଙ୍କୁ ନିରାପଦ ସ୍ଥାନକୁ ସ୍ଥାନାନ୍ତରଣ କରାଯାଇଛି।
As precautionary measures, the colonies and villages around the industry may leave to the safer locations. PLEASE USE WET CLOTH AS MASK TO COVER NOSE AND MOUTH.
— Greater Visakhapatnam Municipal Corporation (GVMC) (@GVMC_OFFICIAL) May 7, 2020
ଯଦି ଆପଣ ଏହି ସଂକଟରେ ଫସି ରହିଛନ୍ତି ତେବେ ଏହି ନିୟମକୁ ପାଳନ କରି ନିଜକୁ ରକ୍ଷା କରିପାରିବେ।
