ଉଡାଣ ବେଳେ ଖସିଲା ବିମାନ ଚକ, ଜରୁରୀ ଅବତରଣ କଲା ବୋଇଂ ୭୩୭

ଉଡ଼ାଣ ଭରିବା ବେଳେ ବିମାନରୁ ଖସିଲା ଚକ । ଯେଉଁଠୁ ଉଡ଼ାଣ ଭରିଥିଲା ପୁଣି ଫେରି ସେଠାରେ ହିଁ କଲା ଜରୁରୀ ଅବତରଣ । ଫ୍ଲାଏସଫାୟର ବୋଇଂ ୭୩୭ ବିମାନକୁ ଜରୁରୀ ଅବତରଣ କରାଯାଇଛି । ତେବେ ଘଟଣାଟି ଦକ୍ଷିଣ ଆଫ୍ରିକାର ଓଆର ଟମ୍ବୋ ଅର୍ନ୍ତଜାତୀୟ ବିମାନ ବନ୍ଦରରେ ଘଟିଛି । ଯାହାର ଭିଡିଓ ଏବେ ସାମ୍ନାକୁ ଆସିଛି ।

ଭିଡିଓରେ ଦେଖିବାକୁ ମିଳିଛି, ରନ-ୱେରେ ଲ୍ୟାଣ୍ଡିଂ ସମୟରେ ହ୍ବିଲରୁ ଧୂଆଁ ବାହାରୁଛି । ଡାହାଣ ପାର୍ଶ୍ବ ସମ୍ପୂର୍ଣ୍ଣ ତଳକୁ ଖସିପଡ଼ିଥିବା ବି ଦେଖିବାକୁ ମିଳିଛି । ତେବେ ଏଥିରେ କେହି ଆହତ ହୋଇନଥିବା ବିମାନ କର୍ତ୍ତୃପକ୍ଷ ସୂଚନା ଦେଇଛନ୍ତି । ବିମାନର କ୍ରୁ ମେମ୍ବରଙ୍କ ଉପସ୍ଥିତି ବୁଦ୍ଧି ଯୋଗୁଁ ସମସ୍ତଙ୍କ ଜୀବନ ବଞ୍ଚିଯାଇଛି ।

🇿🇦🇺🇸 A Boeing 737-800 lost a wheel while taking off from Johannesburg Airport (South Africa), Aviation24 reports.

Ground personnel identified the damage and informed the pilots. The plane returned and landed safely.

No one was injured during the emergency, but there were flight… pic.twitter.com/5JNIyE6zGA

— Lord Bebo (@MyLordBebo) April 23, 2024

ତେବେ ଏୟାରଲାଇନ୍ସର ପ୍ରବକ୍ତାଙ୍କ କହିବାନୁଯାୟୀ, ଏହି ଘଟଣାରେ କେହି ଆହତ ହୋଇନାହାନ୍ତି । ସମସ୍ତ ଯାତ୍ରୀ ସୁରକ୍ଷିତ ରହିଛନ୍ତି । ବିମାନର କ୍ର୍ୟୁ ମେମ୍ବର ଚକା ଖସିବା ଜାଣିବା ପରେ ବିମାନ ଉଡାଣ ଭରିବା ପରେ ପରେ ଅବତରଣ ପାଇଁ ଏଟିସିକୁ ଜଣାଇଥିଲେ ।

ତେବେ ବୋଇଂ ୭୩୭ ରେ ଏପରି ହେବା ପ୍ରଥମ ନୁହେଁ ୨୦୨୩ ଅଗଷ୍ଟ ମାସରେ ଇଞ୍ଜିନରୁ ଧୂଆଁ ବାହାରିଥିବାରୁ ଏପରି ଏକ ଜରୁରୀକାଳିନ ଅବତରଣ କରିଥିଲା ବିମାନ ।