କନ୍ୟା ବେଶରେ ପହଂଚିଲେ ପୋଲିଂ ବୁଥ, ପ୍ରଥମେ ଦେଲେ ଭୋଟ୍ ପରେ ଗଲେ ଶାଶୁଘର
ଗଣତନ୍ତ୍ରର ମହାପର୍ବର ଦ୍ୱିତୀୟ ପର୍ଯ୍ୟାୟ ମତଦାନ । ମତଦାନ କରିବାକୁ ନେଇ ଲୋକଙ୍କ ମଧ୍ୟରେ ବେଶ୍ ଉତ୍ସାହ । ବିବାହ ହେଉ ବା ବିଦାୟ ସମୟ, ପରୀକ୍ଷା ହେଉ ବା ପାଠ ପଢା ସମୟ । ନିଜ ମତଦାନ ଅଧିକାର ସାବ୍ୟସ୍ତ କରିବା ପାଇଁ କେହି ବି ପଛ ଘୁଂଚା ଦେଉ ନାହାଁନ୍ତି । ସେମିତି ଏକ ଘଟଣା ଆଲିଗଡରୁ ଆସିଛି ସାମ୍ନାକୁ ।
ଜଣେ ଯୁବତୀ ବିବାହ ପରେ ସିଧା ଶାଶୁ ଘର ନଯାଇ ପହଂଚିଥିଲେ ଭୋଟ ଗ୍ରହଣ କେନ୍ଦ୍ରରେ । କନ୍ୟା ବେଶରେ ନାଲି ଶାଢୀ ପିନ୍ଧି ଭୋଟ ଦେବାକୁ ପହଂଚିଥିଲେ ଅଂଶୁ ବର୍ମା । ଯାହାକୁ ଦେଖି ଚକିତ ହୋଇ ଯାଇଥିଲେ ଲୋକେ । ଭୋଟ୍ ଦେଇ ସାରିବା ପରେ ନିଜ ଘରକୁ ଯାଇଥିଲେ । ଆଉ ଏହା ପରେ ଝିଅ ବିଦା ହେବା କାର୍ଯ୍ୟକ୍ରମ ହୋଇଥିଲା ।
Jammu & Kashmir: A newly married couple arrive at a polling station in Udhampur to cast their votes for #LokSabhaElections2019 pic.twitter.com/RWTHAmAEwE
— ANI (@ANI) April 18, 2019
ସେହିପରି ଆଉ ଘଟଣା ଦେଖିବାକୁ ମିଳିଛି ଜମ୍ମୁ-କଶ୍ମୀରର ଉଧମପୁର ଜିଲ୍ଳାରେ । ନବବିବାହିତ ଦମ୍ପତି ନିଜ ମତ ସାବ୍ୟସ୍ତ କରିବାକୁ ପୁଲିଂ ବୁଥ୍ରେ ପହଞ୍ଚିଥିଲେ । ବର-କନ୍ୟା ବେଶ୍ରେ ଯାଇ ମତଦାନ କେନ୍ଦ୍ରରେ ପହଞ୍ଚିବା ପରେ ତାଙ୍କୁ ଦେଖି ଲୋକେ ଆଶ୍ଚର୍ୟ୍ୟ ହୋଇ ଯାଇଥିଲେ। ଭାଇରାଲ୍ ହେବା ପରେ ଏହି ଦମ୍ପତିଙ୍କୁ ଏବେ ଅନେକ ଟ୍ଵିଟର୍ ବ୍ୟବହାରକାରୀ ନିଜର ଶୁଭେଚ୍ଛା ଜ୍ଞାପନ କରିଛନ୍ତି।
