ନୂଆଦିଲ୍ଲୀ: ପୁଣି ଦିଲ୍ଲୀରେ ଅଗ୍ନିକାଣ୍ଡ । ଫଳରେ ଜଣଙ୍କର ମୃତ୍ୟୁ ହୋଇଥିବା ଜଣାପଡିଛି। ପୂର୍ବ ଦିଲ୍ଲୀର ପଟପଡଗଞ୍ଜ ଅଞ୍ଚଳରେ ଥିବା ଏକ ଫ୍ୟାକ୍ଟ୍ରିରେ ଏହି ଅଗ୍ନିକାଣ୍ଡ ଘଟିଛି। ଖବର ପାଇ ଘଟଣାସ୍ଥଳରେ ୩୫ଟି ଦମକଳ ଗାଡି ନିୟୋଜିତ ହୋଇଛନ୍ତି । ନିଆଁ ଲିଭାଇବା ପାଇଁ ଉଦ୍ୟମ ଜାରି ରହିଛି । ତେବେ ଗତ ମାସେ ଭିତରେ ଦିଲ୍ଲୀରେ ଏମିତି ଅନେକ ଘଟଣା ଘଟିସାରିଲାଣି ଯେଉଁଥିରେ ପାଖାପାଖି ୪୫ ଜଣଙ୍କର ମୃତ୍ୟୁ ହୋଇସାରିଛି ।
#UPDATE Delhi Police: One person died in the fire which has broken out in Patparganj Industrial Area. https://t.co/YFHoDeKG9C
— ANI (@ANI) January 9, 2020
ସୂଚନା ଅନୁସାରେ ପଟପଡଗଞ୍ଜ ଏକ ଇଣ୍ଡଷ୍ଟ୍ରିଆଲ ଅଞ୍ଚଳ । ଏଠାରେ ଅନେକ ଉଦ୍ୟୋଗ ରହିଥିବା ବେଳେ ହଜାର ହଜାର ଲୋକ କାମ କରନ୍ତି । ତେବେ ହଠାତ୍ କାହିଁକି ନିଆଁ ଲାଗିଲା ତାହା ଜଣାପଡ଼ିନାହିଁ । ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।