ହରିୟାଣା ସରକାରଙ୍କ ନୂଆ ନିଷ୍ପତ୍ତି, ଗଛ ଲଗାଇଲେ ପାଇବେ ପରୀକ୍ଷାରେ ଅଧିକ ନମ୍ବର
କରୋନା କାଳର ଦାଉ ସବୁ କ୍ଷେତ୍ର ଉପରେ ବିଶେଷ ପ୍ରଭାବ ପକାଇଛି । ଏହି ସମୟରେ ପିଲାଙ୍କ ପାଠ ପଢ଼ାରେ ମଧ୍ୟ ଅନେକ ଅସୁବିଧା ଦେଖିବାକୁ ମିଳିଛି । ପିଲାଙ୍କ ସ୍ୱାସ୍ଥ୍ୟକୁ ଦୃଷ୍ଟିରେ ରଖି ସରକାର ସ୍କୁଲ କଲେଜ ବନ୍ଦ କରିବା ସହ ପରୀକ୍ଷାକୁ ମଧ୍ୟ ବାତିଲ କରିଛନ୍ତି । ବୋର୍ଡ ପରୀକ୍ଷା ରଦ୍ଧ ହେବାକୁ ନେଇ ପିଲାଙ୍କ ଭବିଷ୍ୟତ ଏବେ ଅନ୍ଧାରରେ । ତେବେ ଏହି ସମୟରେ ହରିୟାଣାର ମୁଖ୍ୟମନ୍ତ୍ରୀ ମନୋହର ଲାଲ ଖଟ୍ଟର ଏକ ନୂଆ ନିୟମ ବାହାର କରିଛନ୍ତି ।
ପିଲାଙ୍କୁ ପରୀକ୍ଷାରେ ଅଧିକ ମାର୍କ ଯଦି ଦରକାର ତେବେ ସେମାନେ ଗଛ ଲଗାଇବା ବାଧ୍ୟତାମୂଳକ । କରୋନା କାଳରେ ଅକ୍ସିଜେନ ଅଭାବ ପାଇଁ ହରିୟାଣା ସରକାର ଏଭଳି ନିଷ୍ପତ୍ତି ନେଇଛନ୍ତି । କ୍ଲାସ ୮ମରୁ ୧୨ପର୍ଯ୍ୟନ୍ତ ଛାତ୍ର ଛାତ୍ରୀମାନଙ୍କୁ ଅଧିକ ନମ୍ବର ନେବାକୁ ହେଲେ ସେମାନେ ଗଛ ଲଗାଇ ତାର ଧ୍ୟାନ ରଖିବେ । ଏହି ସମ୍ପର୍କରେ ସେ ଟ୍ୱିଟରରେ ସୂଚନା ଦେଇଛନ୍ତି ।
हरियाणा में ऑक्सी-वन की अवधारणा को और आगे बढ़ाने के लिए नई नीति के तहत आठवीं से 12वीं कक्षा तक के विद्यार्थियों को पौधों की देखभाल और पालन-पोषण करने पर परीक्षा में अतिरिक्त अंक दिए जाएंगे।#Oxyvan
— Manohar Lal (@mlkhattar) June 20, 2021
ତେବେ ଏହି ଭଳି ପ୍ରଚେଷ୍ଟା କରି କରୋନା କାଳରେ ନିଜକୁ ସୁରକ୍ଷିତ ରଖିବା ସହ ପାଖ ଲୋକଙ୍କୁ ସୁରକ୍ଷା ଦେବା ନିହାତି ଆବଶ୍ୟକ । ଅକ୍ସିଜେନ ଅଭାବରୁ ଅନେକ ଲୋକ ଏହି ମହାମାରୀରେ ପ୍ରାଣ ତ୍ୟାଗ କରୁଛନ୍ତି । ଏହାର ଅଭାବକୁ ଦୂର କରିବାକୁ ହେଲେ ଗଛ ଲଗାଇବା ଉଚିତ । କାରଣ ଯେତେ ଅଧିକ ଗଛ ଲାଗିବ ପ୍ରାକୃତିକ ଉପାୟରେ ମଣିଷ ତଥା ଜୀବ ମଣ୍ଡଳକୁ ଉତ୍ତମ ଅକ୍ତିଜେନ ମିଳିବ ।
