ସିଦ୍ଦରମୈୟା ଖୋଲିଲେ ବିଧାନସଭାରେ ବନ୍ଦ ଥିବା ଅଶୁଭ ଦକ୍ଷିଣ ଦ୍ବାର, ଦୀର୍ଘବର୍ଷ ହେଲାଣି ବାସ୍ତୁ ଦୋଷ କାରଣରୁ ଥିଲା ବନ୍ଦ

କର୍ଣ୍ଣାଟକ ମୁଖ୍ୟମନ୍ତ୍ରୀ ସିଦ୍ଦରମୈୟା ବିଧାନସଭାର ଦକ୍ଷିଣ ଦ୍ବାର ଖୋଲିଛନ୍ତି । ବାସ୍ତୁଦୋଷ ଯୋଗୁଁ ଏହି ଗେଟକୁ ଅନେକ ବର୍ଷ ହେଲାଣି ବନ୍ଦ କରିଦିଆଯାଇଥିଲା । ଶନିବାର ନିଜ ଅଧିକାରୀଙ୍କ ସହ ବୈଠକ ଲାଗି ବିଧାନସଭାରେ ଥିବା ନିଜ କାର୍ଯ୍ୟାଳୟକୁ ଯାଉଥିବା ସମୟରେ ଦକ୍ଷିଣ ଦ୍ବାର ବନ୍ଦ ଥିବାର ଦେଖିଥିଲେ । ତା’ ପରେ ତୁରନ୍ତ ଦକ୍ଷିଣ ଦ୍ବାର ଖୋଲିବା ପାଇଁ ଅଧିକାରୀଙ୍କୁ କହିବା ସହିତ ସେ ସେହି ରାସ୍ତାରେ ଯିବା ଆସିବା କରିବା ପାଇଁ ନିଷ୍ପତ୍ତି ନେଇଛନ୍ତି । ଯାହାର ଭିଡିଓ ଭାଇରଲ ହେଉଛି । ମୁଖ୍ୟମନ୍ତ୍ରୀ ଅନ୍ନ ଭାଗ୍ୟ ଯୋଜନା ବିଷୟରେ ବରିଷ୍ଠ ଅଧିକାରୀଙ୍କ ସହ ଆଲୋଚନା ଲାଗି ଗତକାଲି ବିଧାନସଭାରୁ ନିଜ କାର୍ଯ୍ୟାଳୟକୁ ଆସିଥିଲେ ।

ସିଦ୍ଦରୈମୟା ଶନିବାର ଦିନ ବିଧାନସଭାକୁ ଯାଉଥିବା ବେଳେ ଦକ୍ଷିଣ ଦ୍ବାର ବନ୍ଦ ଥିବା ଦେଖିଥିଲେ । ଯେତେବେଳେ ସେ ଅଧିକାରୀଙ୍କୁ ଏ ବିଷୟରେ ପଚାରିଥିଲେ ସେତେବେଳେ ସେମାନେ କହିଥିଲେ ବାସ୍ତୁ ଦୋଷ କାରଣରୁ ଏହି ଦ୍ବାର ବର୍ଷ ବର୍ଷ ଧରି ବନ୍ଦ ରହିଛି । ଏହାପରେ ମୁଖ୍ୟମନ୍ତ୍ରୀ ଏହି ଗେଟ୍ ଖୋଲିବାକୁ କହି ନିଜେ ପ୍ରଥମେ ସେହି ଦ୍ବାର ଦେଇ ପ୍ରବେଶ କରିଥିଲେ । ଅଶୁଭ କୁହାଯାଇ ବହୁ ବର୍ଷ ତଳୁ ଏହି ଗେଟ୍ କୁ ବନ୍ଦ ରଖାଯାଇଥିଲା ।

ಜನರ ಬಗ್ಗೆ ಕಾಳಜಿ,
ನಡತೆಯಲ್ಲಿ ಪ್ರಾಮಾಣಿಕತೆ,
ಕರ್ತವ್ಯದಲ್ಲಿ ನಿಷ್ಠೆ ನಮ್ಮೊಳಗಿದ್ದರೆ ದಿಕ್ಕು, ಘಳಿಗೆ, ಮುಹೂರ್ತ ಎಲ್ಲವೂ ನಗಣ್ಯ.

ವಾಸ್ತುದೋಷದ ಕಾರಣಕ್ಕಾಗಿ ಕಳೆದ ಐದು ವರ್ಷಗಳಿಂದ ಮುಚ್ಚಲಾಗಿದ್ದ ವಿಧಾನಸೌಧದ ಮುಖ್ಯಮಂತ್ರಿಗಳ ಕಚೇರಿಯ ದಕ್ಷಿಣ ದ್ವಾರವನ್ನು ತೆರೆಸಿ,
ಅದೇ ಬಾಗಿಲಿನಿಂದ ಕಚೇರಿ ಪ್ರವೇಶ ಮಾಡಿದೆ.

ಕೊಠಡಿಯೊಳಗೆ ಒಳ್ಳೆಯ… pic.twitter.com/40gAY6HgkY

— Siddaramaiah (@siddaramaiah) June 24, 2023

ଏହାକୁ ନେଇ ମୁଖ୍ୟମନ୍ତ୍ରୀ କହିଥିଲେ, ଏକ ଭଲ ବାସ୍ତୁ ହେଉଛି ତାହା ଯାହା ଆପଣଙ୍କୁ ସୁସ୍ଥ ମସ୍ତିଷ୍କ, ସୁନ୍ଦର ହୃଦୟ ଓ ଲୋକଙ୍କ ଲାଗି କାମ କରିବାକୁ ପ୍ରୋତ୍ସାହିତ କରିଥାଏ ।  ବାସ୍ତୁ ନିୟମ ଅନୁଯାୟୀ, ନିର୍ମିତ ଘରକୁ ପ୍ରାକୃତିକ ଆଲୋକ ଓ ସ୍ୱଚ୍ଛ ବାୟୁ ଆସିବା ଜରୁରୀ । ତେବେ ଏହା ପୂର୍ବରୁ କୌଣସି ମୁଖ୍ୟମନ୍ତ୍ରୀ ଦକ୍ଷିଣ ଦ୍ବାର ଖୋଲିବାକୁ ସାହସ ମଧ୍ୟ କରିନଥିଲେ । ରାଜନୀତି କ୍ୟାରିଅର ପାଇଁ ଏହି ଦ୍ବାର ଅଶୁଭ ମାନୁଥିଲେ, ତେଣୁ କେହି ଖୋଲୁନଥିଲେ । ଦକ୍ଷିଣ ଦ୍ବାରର ଉଦଘାଟନ ଶନିବାର ଦିନ ହୋଇଥିଲା । ଜୀବନରେ ଦୁଃଖର କାରଣ ହୋଇପାରେ ବୋଲି ଆଶଙ୍କା କରି ଖୋଲାଯାଉନଥିଲା ।

ତେବେ ସିଦ୍ଦରମୈୟାଙ୍କ ଏହି ପଦକ୍ଷେପକୁ ବହୁ ୟୁଜର୍ସ ଅନେକ ପ୍ରଶଂସା କରିଛନ୍ତି । ଅନ୍ଧବିଶ୍ୱାସକୁ ହଟାଇବା ଦିଗରେ ଏହା ଏକ ଉତ୍ତମ ପଦକ୍ଷେପ ବୋଲି ବହୁ ୟୁଜର୍ସ କହିଛନ୍ତି ।