ବିଦେଶରେ ବି ଓଡ଼ିଆମାନେ ଧୁମ୍ଧାମ୍ରେ ହୋଲି ଖେଳିଛନ୍ତି । ବାହାରିନ୍ ଓଡିଆ ସମାଜ ପକ୍ଷରୁ ବେଶ୍ ଉତ୍ସାହର ସହ ରଙ୍ଗର ପର୍ବକୁ ପାଳନ କରାଯାଇଛି । ସେଠାକାର ଓଡ଼ିଆ ସମାଜର ସଦସ୍ୟମାନେ ସଂଗଠନର ପ୍ରତିଷ୍ଠାତା ଅଧ୍ୟକ୍ଷ ଡକ୍ଟର ଅରୁଣ କୁମାର ପ୍ରହରାଜଙ୍କ ନେତୃତ୍ୱରେ ପବିତ୍ର ଦୋଳ ଉତ୍ସବ ପାଳନ କରିଥିଲେ । ଯାହା ଫଳରେ ବିଦେଶ ମାଟିରେ ବି ଓଡିଆ ସଂସ୍କୃତିକୁ ଉସଭାସିତ କରିଥିଲା।
ଏହି କାର୍ଯ୍ୟକ୍ରମରେ ଓଡିଆ ଲୋକ ନୃତ୍ୟ, ହୋଲି ରଙ୍ଗ ଖେଳ ଏବଂ ସୁସ୍ୱାଦୁ ଓଡିଆ ରୋଷେଇ ପ୍ରତିଯୋଗିତା ର ଆୟୋଜନ କରାଯାଇଥିଲା। ବିଦେଶ ମାଟିରେ ଓଡ଼ିଆ ଭାଷାଭାଷୀମାନେ ସପରିବାର ମିଳିତ ହୋଇ ରଙ୍ଗ ଖେଳର ମଜା ନେଇଥିଲେ । ଯାହା ଏକ ବିଶେଷ ପରିବେଶ ସୃଷ୍ଟି କରିଥିଲା।
ପରସ୍ପରକୁ ରଙ୍ଗ ଏବଂ ଶୁଭେଚ୍ଛା ଜଣାଇଥିଲେ। ପ୍ରତିଷ୍ଠାତା ଅଧ୍ୟକ୍ଷ ଡକ୍ଟର ଅରୁଣ କୁମାର ପ୍ରହରାଜ କହିଛନ୍ତି କି ଏହି ପ୍ରେମ ଏବଂ ସୌହାର୍ଦ୍ଦର ପର୍ବ ପାଳନ କରିବା ବେଳେ ଆମେ ବିଶ୍ୱ ଶାନ୍ତି ଓ ଭାଇଚାରା ପାଇଁ ମଧ୍ୟ ମହାପ୍ରଭୁ ଜଗନ୍ନାଥଙ୍କୁ ପ୍ରାର୍ଥନା କରିଛୁ।