ଇସ୍ଲାମ୍ବାଦ : ଆତଙ୍କବାଦ ମାମଲାରେ ପୁଣି ଥରେ ପାକିସ୍ତାନ ପଦାରେ ପଡ଼ିଛି । ଆତଙ୍କବାଦ ମାମଲା ନେଇ ବିଶ୍ୱରେ ନିଜର ଭାବମୂର୍ତ୍ତିକୁ ସଫା କରୁଥିବା ପାକିସ୍ତାନ ନିଜ ଭାଷଣରେ ନିଜେ ଫଶିଯାଇଛି ।
ନିକଟରେ ପାକିସ୍ତାନର ପ୍ରଧାନମନ୍ତ୍ରୀ ଇମ୍ରାନ୍ ଖାନ୍ ଆତଙ୍କବାଦୀ ଓସମା ବିନ୍ ଲାଦେନକୁ ସହିଦ କହି ଏବେ ଫସି ଯାଇଛନ୍ତି । ପାକିସ୍ତାନ ଆସେମ୍ବ୍ଲିରେ ସମ୍ବୋଧନ କରୁଥିବା ବେଳେ ଦୁର୍ଦ୍ଦାନ୍ତ ଆତଙ୍କବାଦୀ ଓସମାବିନ୍ ଲାଦେନକୁ ସହିଦ ବୋଲି କହିଥିଲେ ।
ଇମ୍ରାନ ଆହୁରି କହିଥିଲେ ଯେ ଆତଙ୍କବାଦୀଙ୍କ ଖିଲାପରେ ଆମେରିକାକୁ ସହଯୋଗ କରି ପାକିସ୍ତାନ ଓଲଟା ବଦନାମ ମୁଣ୍ଡାଇଛି । ଆମେରିକା ଆମ ମାଟିରେ ଲାଦେନକୁ ମାରି ଆମକୁ ଆତଙ୍କବାଦର କାଠଗଡାରେ ଠିଆ କରିଛି ।
#WATCH America came inside Pakistan and killed and martyred Osama Bin Laden. After which all the countries cursed us. Pakistan has faced humiliation for many years in war on terror, says Pak PM Imran Khan in National Assembly (Video Source: Pak media) pic.twitter.com/LbfmKDAs6a
— ANI (@ANI) June 25, 2020
ଯେଉଁଥିପାଇଁ ସାରା ବିଶ୍ୱରେ ଆମର ଇଜ୍ଜତ ଯାଇଛି । ଆମେରିକାକୁ ଇଙ୍ଗିତ କରି ଇମ୍ରାନ କହିଥିଲେ ଯେ ଆଜି ଯଦି ଆଫ୍ଗାନ୍ସ୍ତାନରେ ସେ ସଫଳ ନ ହୁଅନ୍ତି ତେବେ ମଧ୍ୟ ଆମକୁ ଦାୟୀ କରାଯିବ । ଆମରି ମୁଲକରେ ଆସି ଲାଦେନକୁ ମାରିଦେଲେ, ତାଙ୍କୁ ସହିଦ କରିଦେଇ ଗଲେ ।
ଶେଷରେ ଆମର ଦୋଷ ଦେଲେ । ଆମେରିକା କାରଣରୁ ଆମର ୭୦ ହଜାର ଲୋକ ମୃତ୍ୟୁ ମୁଖରେ ପଡ଼ିଲେ । ପାକିସ୍ତାନର ସଂସଦରେ ଓସମା ବିନ୍ ଲାଦେନ ଉପରେ ବିସ୍ତତ ଭାଷଣ ଦେବା ସହ ଲାଦେନକୁ ସହିଦ କହିବା ନେଇ ପାକ୍ର ମୁଖା ଖୋଲିଯାଇଛି ।
ପ୍ରକାଶଯୋଗ୍ୟ ଯେ ଆମେରିକାର ଓ୍ଵାର୍ଲ୍ଡ ଟ୍ରେଡ୍ ଟ୍ଵାଓାର ଉପରେ ଲାଦେନର ୯/୧୧ ଆକ୍ରମଣ ସାରା ବିଶ୍ୱକୁ ସ୍ତବ୍ଧ କରିଦେଇଥିଲା । ଏଥିରେ ଶହ ଶହ ଲୋକଙ୍କ ପ୍ରାଣହାନୀ ଘଟିଥିଲା ।