ବନ୍ଧୁକ ସଫା କରୁଥିବାବେଳେ ଫୁଟିଲା ଗୁଳି, ଯୋଗୀ ଆଦିତ୍ୟନାଥଙ୍କ ସୁରକ୍ଷା ଦାୟିତ୍ୱରେ ନିଯୁକ୍ତ ପୋଲିସଙ୍କ ହୋଇଗଲା ମୃତ୍ୟୁ
ଯୋଗୀ ଆଦିତ୍ୟନାଥଙ୍କ ସୁରକ୍ଷା ଦାୟିତ୍ୱରେ ନିଯୁକ୍ତ ହୋଇଥିବା ଜଣେ ପୋଲିସ ଅସାବଧାନ ବଶତଃ ନିଜ ସର୍ଭିସ ବନ୍ଧୁକରୁ ଗୁଳି ଦ୍ୱାରା ମୃତ୍ୟୁବରଣ କରିଛନ୍ତି । ସେ ଶୁକ୍ରବାର ନିଜ ସର୍ଭିସ ରିଭଲଭର ସଫା କରୁଥିବା ବେଳେ ଏହି ଦୁର୍ଘଟଣା ଘଟିଥିଲା । ଉକ୍ତ ପୋଲିସ କର୍ମଚାରୀଙ୍କ ନାମ ସନ୍ଦୀପ ଯାଦବ । ସେ ଶନିବାର ଦିନ ଯୋଗୀ ଆଦିତ୍ୟନାଥଙ୍କ ସୁରକ୍ଷା ଦାୟିତ୍ୱରେ ଯୋଗ ଦେଇଥାନ୍ତେ ବୋଲି ଅତିରିକ୍ତ ପୋଲିସ ଆରକ୍ଷୀ ଆଶୁତୋମିଶ୍ର କହିଛନ୍ତି ।
ଲକ୍ଷ୍ନୌ : ଯୋଗୀ ଆଦିତ୍ୟନାଥଙ୍କ ସୁରକ୍ଷା ଦାୟିତ୍ୱରେ ନିଯୁକ୍ତ ହୋଇଥିବା ଜଣେ ପୋଲିସ ଅସାବଧାନ ବଶତଃ ନିଜ ସର୍ଭିସ ବନ୍ଧୁକରୁ ଗୁଳି ଦ୍ୱାରା ମୃତ୍ୟୁବରଣ କରିଛନ୍ତି । ସେ ଶୁକ୍ରବାର ନିଜ ସର୍ଭିସ ରିଭଲଭର ସଫା କରୁଥିବା ବେଳେ ଏହି ଦୁର୍ଘଟଣା ଘଟିଥିଲା । ଉକ୍ତ ପୋଲିସ କର୍ମଚାରୀଙ୍କ ନାମ ସନ୍ଦୀପ ଯାଦବ । ସେ ଶନିବାର ଦିନ ଯୋଗୀ ଆଦିତ୍ୟନାଥଙ୍କ ସୁରକ୍ଷା ଦାୟିତ୍ୱରେ ଯୋଗ ଦେଇଥାନ୍ତେ ବୋଲି ଅତିରିକ୍ତ ପୋଲିସ ଆରକ୍ଷୀ ଆଶୁତୋମିଶ୍ର କହିଛନ୍ତି ।
ମସୁଲି ପୋଲିସ ଷ୍ଟେସନ ନିକଟରେ ଥିବା ନିଜ ଘରେ ଯାଦବ ନିଜ ସର୍ଭିସ ରିଭଲଭର ସଫା କରୁଥିଲେ । ଏହି ସମୟରେ ଅସାବଧାନ ବଶତଃ ଯାଦବଙ୍କ ରିଭଲଭରରୁ ଗୁଳି ଫୁଟିଥିଲା । ଗୁଳି ସିଧା ଯାଇ ତାଙ୍କ ମୁଣ୍ଡରେ ବାଜିଥିଲା । ଫଳରେ ସେଠାରେ ସେ ଟଳି ପଡିଥିଲେ । ଯାଦବଙ୍କ ମୃତ ଶରୀର ପୋଷ୍ଟମର୍ଟମ ପାଇଁ ପଠାଯାଇ ତଦନ୍ତ ଜାରି ରହିଛି । ଏହି ସମାନ ଦୁର୍ଘଟଣାକ୍ରମେ ଗତ ଜାନୁଆରୀ ମାସରେ ଦିଲ୍ଲୀ ପୋଲିସ ହେଡ କନେଷ୍ଟବଳଙ୍କର ମୃତ୍ୟୁ ହୋଇଥିଲା ।