‘ହିରାମଣ୍ଡି’ ଗୀତରେ ‘ବଜରଙ୍ଗୀ ଭାଇଜାନ’ଙ୍କ ‘ମୁନି’ର ଡ୍ୟାନ୍ସ ଦେଖି ଦିଓ୍ଵାନା ହେଲେ ଫ୍ୟାନ୍ସ, ଭାଇରାଲ ହେଉଛି ଭିଡିଓ
୨୦୧୫ର ଏହି ହିଟ୍ ଫିଲ୍ମରେ ଏକ ସୁନ୍ଦର ଛୋଟ ଝିଅ ଭାବରେ ଦେଖାଯାଇଥିବା ମୁନି ବର୍ତ୍ତମାନ ବଡ ହୋଇଯାଇଛନ୍ତି । ତେବେ ହର୍ଷାଲି ବର୍ତ୍ତମାନ ଏକ ସୋସିଆଲ ମିଡିଆ ଷ୍ଟାର ପାଲଟିଛନ୍ତି । ସେ ପ୍ରତିଦିନ ତାଙ୍କ ଫଟୋ ଏବଂ ଭିଡିଓ ସୋସିଆଲ ମିଡିଆରେ ସେୟାର କରି ତାଙ୍କ ଫ୍ୟାନ୍ସଙ୍କ ମଧ୍ୟରେ ଚର୍ଚ୍ଚାରେ ରହିଛନ୍ତି ।
ବଲିଉଡ ସୁପରଷ୍ଟାର ସଲମାନ ଖାନଙ୍କ ଫିଲ୍ମ ‘ବଜରଙ୍ଗୀ ଭାଇଜାନ’ ଏବେ ମଧ୍ୟ ଲୋକଙ୍କ ପ୍ରିୟ ଫିଲ୍ମ ମଧ୍ୟରୁ ଗୋଟିଏ । ଏହି ଫିଲ୍ମରେ ସଲମାନ ଏବଂ ଛୋଟି ମୁନିଙ୍କ ବନ୍ଧନ ପ୍ରଶଂସକଙ୍କ ମନ ଜିତିଥିଲା । କିନ୍ତୁ ୨୦୧୫ର ଏହି ହିଟ୍ ଫିଲ୍ମରେ ଏକ ସୁନ୍ଦର ଛୋଟ ଝିଅ ଭାବରେ ଦେଖାଯାଇଥିବା ମୁନି ବର୍ତ୍ତମାନ ବଡ ହୋଇଯାଇଛନ୍ତି । ତେବେ ହର୍ଷାଲି ବର୍ତ୍ତମାନ ଏକ ସୋସିଆଲ ମିଡିଆ ଷ୍ଟାର ପାଲଟିଛନ୍ତି । ସେ ପ୍ରତିଦିନ ତାଙ୍କ ଫଟୋ ଏବଂ ଭିଡିଓ ସୋସିଆଲ ମିଡିଆରେ ସେୟାର କରି ତାଙ୍କ ଫ୍ୟାନ୍ସଙ୍କ ମଧ୍ୟରେ ଚର୍ଚ୍ଚାରେ ରହିଛନ୍ତି । ଏହି ସମୟରେ ହର୍ଷାଲି ପୁଣିଥରେ ନିଜର ଏକ ଭିଡିଓ ଯୋଗୁ ଇଣ୍ଟରନେଟରେ ଲୋକପ୍ରିୟ ହାସଲ କରିଛନ୍ତି । ଏହି ଭିଡିଓଟି ହର୍ଷାଲି ତାଙ୍କ ଇନ୍ଷ୍ଟାଗ୍ରାମ୍ରେ ସେୟାର କରିଛନ୍ତି ।
ବାସ୍ତବରେ, ହର୍ଷାଲି ନିକଟରେ ସେୟାର କରିଥିବା ଭିଡିଓରେ ସେ ‘ହିରାମଣ୍ଡି’ର ‘ଏକ ବାର ଦେଖ ଲିୟେ ‘ଗୀତରେ ଡ୍ୟାନ୍ସଥିବାର ନଜର ଆସିଛନ୍ତି । ଏହି ସମୟ ମଧ୍ୟରେ ହର୍ଷାଲି ଦର୍ଶକଙ୍କ ଠାରୁ ବହୁତ ଭଲ ପାଇବା ହାସଲ କରିଛନ୍ତି । ଏହି ଭିଡିଓରେ ଲୋକମାନେ ତାଙ୍କ ପୋଷାକ ଠାରୁ ଆରମ୍ଭ କରି ମେକ୍ଅପ୍ ପର୍ଯ୍ୟନ୍ତ ସବୁକିଛି ପସନ୍ଦ କରୁଛନ୍ତି । ଭିଡିଓରେ ହର୍ଷାଲିଙ୍କ କାର୍ଯ୍ୟକଳାପ ଦେଖିବା ପରେ ପ୍ରଶଂସକମାନେ ବହୁତ ପସନ୍ଦ କରୁଛନ୍ତି । କିଛି ପ୍ରଶଂସକ ଏହା ମଧ୍ୟ କହିଛନ୍ତି ଯେ ତାଙ୍କୁ ‘ହିରାମଣ୍ଡି’ରେ ଆଲାମଜେବଙ୍କ ଭୂମିକା ମିଳିବା ଉଚିତ୍।
ତେବେ ‘ବଜରଙ୍ଗୀ ଭାଇଜାନ’ ପୂର୍ବରୁ ହର୍ଷାଲି ଟିଭି ସିରିଏଲ୍ ‘କୁବୁଲ୍ ହେ’, ‘ଲାଉଟ୍ ଆଓ ତୃଷା’ ଏବଂ ‘ସାବଧାନ୍ ଇଣ୍ଡିଆ’ ରେ କାମ କରିଛନ୍ତି । ଏହା ବ୍ୟତୀତ ହର୍ଷାଲି ଏକ ଆଡ୍ ଫିଲ୍ମରେ ମଧ୍ୟ କାମ କରିଛନ୍ତି । କିନ୍ତୁ ବର୍ତ୍ତମାନ ହର୍ଷାଲି ତାଙ୍କ ପାଠ ପଢାରେ ଧ୍ୟାନ ଦେଉଛନ୍ତି । ଆଶା କରାଯାଉଛି ଯେ ହର୍ଷାଲି ନିଶ୍ଚିତ ଭାବରେ ଅଭିନୟ ଜଗତକୁ ଫେରିବେ । ଏବେ ମଧ୍ୟ ସେ ସୋସିଆଲ ମିଡିଆ ମାଧ୍ୟମରେ ପ୍ରଶଂସକଙ୍କ ସହ ଯୋଡି ହୋଇ ରହିଛନ୍ତି ।
View this post on Instagram
