ବ୍ରିଟେନରେ ଆସିଗଲା କି ଆର୍ଥିକ ମାନ୍ଦାବସ୍ଥା! ଅର୍ଥନୀତିକୁ ସୁଧାରିବା ପାଇଁ ରିଷି ସୁନକଙ୍କ ବଡ଼ ଘୋଷଣା, ଉଠାଇଲେ ଏହି ପଦକ୍ଷେପ
ବ୍ରିଟେନ ଆର୍ଥିକ କ୍ଷେତ୍ରରେ ସଂଘର୍ଷ କରୁଛି। ଏହାର ଅର୍ଥବ୍ୟବସ୍ଥା ସଙ୍କୁଚିତ ହେବାରେ ଲାଗିଛି। ଏହାରି ଭିତରେ ପ୍ରଧାନମନ୍ତ୍ରୀ ରିଷି ସୁନକ ଆର୍ଥିକ ମାନ୍ଦାବସ୍ଥାକୁ ଦୂର କରିବା ପାଇଁ ଅନେକ ପଦକ୍ଷେପ ଉଠାଇବାକୁ ଘୋଷଣା କରିଛି। ବ୍ରିଟିଶ ସରକାର ୫୫,୦୦୦ କୋଟି ପାଉଣ୍ଡର ରାଜକୋଷୀୟ ଯୋଜନା ଉପସ୍ଥାପନ କରିଛନ୍ତି।
ବିତ୍ତ ମନ୍ତ୍ରୀ ଜେରମୀ ହଣ୍ଟ ସରକାରଙ୍କ ଏମରଜେନ୍ସି ବଜେଟ୍ର ଖୁଲାସା କରିଛନ୍ତି, ଯେଉଁଥିରେ ଟିକସ ହାରରେ ବଡ଼ ବୃଦ୍ଧି କରାଯାଇଛି। ବ୍ରିଟେନରେ ମୁଦ୍ରାସ୍ଫୀତି ନିୟନ୍ତ୍ରଣକୁ ଆସିବାର ନାମ ନେଉନାହିଁ। ଏହି କାରଣରୁ ଟିକସ ହାରକୁ ବଢ଼ାଯାଇଛି। ବିତ୍ତ ମନ୍ତ୍ରୀ ହାଉସ୍ ଅଫ୍ କମନ୍ସରେ ଅଟମ୍ ଷ୍ଟେଟ୍ମେଣ୍ଟ ଉପସ୍ଥାପନ କରିଛନ୍ତି, ଯାହାର ସମର୍ଥନ ପ୍ରଧାନମନ୍ତ୍ରୀ କରିଛନ୍ତି।
ବଜେଟ୍ର ପ୍ରମୁଖ ଘୋଷଣା
-ଶକ୍ତି କମ୍ପାନୀଗୁଡିକ ଉପରେ ୱିଣ୍ଡଫଲ ଟ୍ୟାକ୍ସ ବୃଦ୍ଧି କରାଯାଇଛି। ଏହାକୁ ୨୫%ରୁ ୩୫% କରି ଦିଆଯାଇଛି।
-ବୈଦ୍ୟୁତିକ ଜେନେରେଟର ଉପରେ ୪୫ ପ୍ରତିଶତ ଅସ୍ଥାୟୀ ଟ୍ୟାକ୍ସ ଲାଗୁ କରାଯାଇଛି।
-୧.୨୫ ଲକ୍ଷ ପାଉଣ୍ଡ ବାର୍ଷିକ ଆୟ କରୁଥିବା ଲୋକେ ମଧ୍ୟ ଟପ୍ ଟ୍ୟାକ୍ସ ଅଧୀନରେ ଆସିବେ।
-ବୈଦ୍ୟୁତିକ ଗାଡ଼ିଗୁଡ଼ିକ ଉପରେ ୨୦୨୫ରୁ ଏକ୍ସାଇଜ୍ ଡ୍ୟୁଟି ଲାଗିବ ନାହିଁ।
ବଜେଟ୍ ସହିତ ଉପସ୍ଥାପନ କରାଯାଇଥିବା ସ୍ୱତନ୍ତ୍ର ୟୁନିଟ୍ OBR (Office for Budget Responsibility) ର ରିପୋର୍ଟ କହୁଛି କି, ଶକ୍ତି ମୂଲ୍ୟରେ ବିପୁଳ ବୃଦ୍ଧି ପାଇଁ ରୁଷ ଏବଂ ୟୁକ୍ରେନ ମଧ୍ୟରେ ଯୁଦ୍ଧ ହିଁ ଦାୟୀ। ରିପୋର୍ଟ ମୁତାବକ, ୨୦୨୪ ପର୍ଯ୍ୟନ୍ତ ଅର୍ଥବ୍ୟବସ୍ଥା ସୁଧାର ହେବାର ଆଶା ଦେଖାଯାଉ ନାହିଁ।
କହି ରଖୁଛୁ, ବ୍ରିଟେନରେ ମୁଦ୍ରାସ୍ଫୀତି ୪୧ ବର୍ଷର ରେକର୍ଡ ଭାଙ୍ଗିଛି। ତାଜା ତଥ୍ୟ ମୁତାବକ, ଅକ୍ଟୋବର ୨୦୨୨ ଭିତରେ ବ୍ରିଟେନରେ ଖୁଚୁରା ମୁଦ୍ରାସ୍ଫୀତି ବଢ଼ି ୧୧.୧ ପ୍ରତିଶତ ହୋଇସାରିଛି, ଯାହାକି ୧୯୮୧ ପରଠାରୁ ଏ ପର୍ଯ୍ୟନ୍ତର ସବୁଠାରୁ ଉଚ୍ଚ ସ୍ତର।