ଜେଲ୍ରୁ ବାହାରିଲେ ସଞ୍ଜୟ ସିଂ, ରାଜ୍ୟସଭା ପାଇଁ ନାମାଙ୍କନ କରିବାକୁ ପୋଲିସ ଭ୍ୟାନ୍ରେ ଗଲେ
ଦିଲ୍ଲୀ ଅବକାରୀ ନୀତି ମାମଲାରେ ଜେଲ୍ରେ ଥିବା ଆମ୍ ଆଦ୍ମୀ ପାର୍ଟି (ଆପ୍) ନେତା ସଞ୍ଜୟ ସିଂ ନିଜର ନାମାଙ୍କନ ଭରିବାକୁ ଜେଲ୍ରୁ ବାହାରିଛନ୍ତି । ସଞ୍ଜୟ ସିଂ ରାଜ୍ୟସଭା ପାଇଁ ନିଜ ନାମାଙ୍କନ ପତ୍ର ଦାଖଲ କରିବା ଲାଗି ଏକ ପୋଲିସ ଭ୍ୟାନରେ ଯାଇଥିଲେ ।
ଦିଲ୍ଲୀ ଅବକାରୀ ନୀତି ମାମଲାରେ ଜେଲ୍ରେ ଥିବା ଆମ୍ ଆଦ୍ମୀ ପାର୍ଟି (ଆପ୍) ନେତା ସଞ୍ଜୟ ସିଂ ନିଜର ନାମାଙ୍କନ ଭରିବାକୁ ଜେଲ୍ରୁ ବାହାରିଛନ୍ତି । ସଞ୍ଜୟ ସିଂ ରାଜ୍ୟସଭା ପାଇଁ ନିଜ ନାମାଙ୍କନ ପତ୍ର ଦାଖଲ କରିବା ଲାଗି ଏକ ପୋଲିସ ଭ୍ୟାନରେ ଯାଇଥିଲେ । ସିଭିଲ୍ ଲାଇନ୍ସରେ ପହଞ୍ଚି ସେ ନାମାଙ୍କନ କରିଥିଲେ ।
ସଞ୍ଜୟ ସିଂଙ୍କ ବ୍ୟତୀତ ପାର୍ଟି ତରଫରୁ ଦିଲ୍ଲୀ ମହିଳା ଆୟୋଗର ପୂର୍ବତନ ଅଧ୍ୟକ୍ଷା ସ୍ୱାତୀ ମାଲିଓ୍ଵାଲ ମଧ୍ୟ ରାଜ୍ୟସଭା ପାଇଁ ନାମାଙ୍କନ କରିଛନ୍ତି । ଜାନୁୟାରୀ ୧୯ରେ ରାଜ୍ୟସଭା ନିର୍ବାଚନ ଅନୁଷ୍ଠିତ ହେବ । ଏଥିପାଇଁ ଦିଲ୍ଲୀରୁ ୩ ଜଣଙ୍କୁ ନିଜର ପ୍ରାର୍ଥୀ ଘୋଷଣା କରିଛି ଆପ୍ । ଏଥିରେ ସଞ୍ଜୟ ସିଂ ଓ ଏନ୍ଡି ଗୁପ୍ତାଙ୍କୁ ପୁଣିଥରେ ମଉକା ଦିଆଯାଇଛି ।
ଏହାପୂର୍ବରୁ ଗତ ୬ ତାରିଖରେ ଦିଲ୍ଲୀ କୋର୍ଟଙ୍କ ତରଫରୁ ସଞ୍ଜୟ ସିଂଙ୍କୁ ବ୍ୟକ୍ତିଗତ ରୂପେ ରାଜ୍ୟସଭାର ନାମାଙ୍କନ କରିବାକୁ ଅନୁମତି ମିଳିଥିଲା । ନିର୍ବାଚନ ସହ ଜଡ଼ିତ ଅଣ୍ଡରଟେକିଂ, ନାମାଙ୍କନ ଫର୍ମ ଏବଂ ଅନ୍ୟାନ୍ୟ ଜରୁରୀ ଦସ୍ତାବିଜ୍ରେ ଦସ୍ତଖତ ପାଇଁ ଅନୁମତି ଦେବାକୁ ଜେଲ୍ ଅଧୀକ୍ଷକଙ୍କୁ କୋର୍ଟ ନିର୍ଦ୍ଦେଶ ଦେଇଥିଲେ ।
